ಸೋಮವಾರ ಅಂತಿಮ ಪಟ್ಟಿ ಹೊರಬೀಳಲಿದ್ದು, ಚಿತ್ರ ಆಸ್ಕರ್‌ಗೆ ಆಯ್ಕೆಯಾಗುವುದೋ ಇಲ್ಲವೊ ಎಂಬುದು ನಿರ್ದೇಶಕ ಹಾಗೂ ಚಿತ್ರ ನಿರ್ಮಾಣ ತಂಡಕ್ಕೆ ಕುತೂಹಲ ಮೂಡಿದೆ.
'ವಿಷಯ ತಿಳಿದು ನಿಜಕ್ಕೂ ಆಶ್ಚರ‌್ಯವಾಗಿದೆ. ಇಂತಹ ವಿಷಯಗಳನ್ನೊಳಗೊಂಡ ಸಿನಿಮಾ ಆಸ್ಕರ್‌ಗೆ ನಾಮಾಂಕಿತವಾಗಿದ್ದೇ ವಿಶೇಷ. ಇದೀಗ ಕಿರುಪಟ್ಟಿಯಲ್ಲೂ ಚಿತ್ರದ ಹೆಸರಿರುವುದು ಅಚ್ಚರಿ ಮೂಡಿಸಿದೆ,' ಎಂದು ಸಂಜಯ್ ಪಟೇಲ್ ಅವರು ತಿಳಿಸಿದ್ದಾರೆ.
ಏಳು ನಿಮಿಷಗಳ ಈ ಚಿತ್ರವು ಬಾಲಕನೊಬ್ಬನ ಹಗಲುಗನಸಿನ ಕುರಿತದ್ದಾಗಿದೆ. ಅಮೆರಿಕಾದ ಸಿನೆಮಾ ನಿರ್ಮಾಣ ಸಂಸ್ಥೆ 'ಡಿಸ್ನಿ-ಪಿಕ್ಸಾರ್' ಈ ಸಿನಿಮಾವನ್ನು ನಿರ್ಮಿಸಿದೆ.
ಈ ಚಿತ್ರವು ಹಿಂದೂ ಜಗತ್ತನ್ನು ಅರ್ಥ ಮಾಡಿಕೊಳ್ಳಲು ಸಹಾಯ ಮಾಡುತ್ತದೆ. ಅಮೆರಿಕಾದಲ್ಲಿ ಹುಟ್ಟಿ ಬೆಳೆಯುವ ಬಾಲಕ ಹೇಗೆ ಪಶ್ಚಿಮ ದೇಶಗಳ ಪಾಪ್ ಸಂಸ್ಕೃತಿ ಮತ್ತು ಪೋಷಕರ ಸಂಪ್ರದಾಯಗಳ ನಡುವೆ ಸಿಕ್ಕಿಹಕಿಕೊಳ್ಳುತ್ತಾನೆ ಎಂಬ ನಿರ್ದೇಶಕನ ಸ್ವಗತ ಕತೆ ಹೊಂದಿದೆ. ಇನ್ನೂ ಸರಳವಾಗಿ ಹೇಳುವುದಾದರೆ, ಕಾರ್ಟೂನ್ ಮತ್ತು ಕಾಮಿಕ್ ಲೋಕದಲ್ಲಿ ಮುಳುಗಿರುವ ಬಾಲಕನನ್ನು ಹಿಂದು ಸಂಪ್ರದಾಯದೆಡೆಗೆ ಪೋಷಕರು ಎಳೆಯಲು ಪ್ರಯತ್ನಿಸಿದಾಗ ಆಗುವ ಅನುಭವಗಳನ್ನು ಸಿನೆಮಾ ಹೊಂದಿದೆಯಂತೆ.
ಈ ಚಿತ್ರದಲ್ಲಿ ಹಿಂದೂ ದೇವತೆಗಳು ಸೂಪರ್ ಹೀರೊ ರೂಪದಲ್ಲಿ ಕಾಣಿಸಿಕೊಳ್ಳುವುದು ಮತ್ತೊಂದು ವಿಶೇಷ.
ಪಟೇಲ್ ಅವರು ಈ ಹಿಂದೆ 'ಮಾನ್ಸ್ಟರ್ಸ್‌ ಇಂಕ್', 'ದ ಇನ್ಕ್ರೆಡಿಬಲ್ಸ್' ಮತ್ತು 'ಟಾಯ್ ಸ್ಟೋರಿ-2' ಸಿನಿಮಾಗಳಿಗೆ ಸ್ಟೋರಿಬೋರ್ಡ್ ಮಾಡಿದ್ದರು.
ಹೊಸದಿಲ್ಲಿ: ಭಾರತೀಯ ಮೂಲದ ನಿರ್ದೇಶಕ ಸಂಜಯ್ ಪಟೇಲ್ ಅವರ 'ಸಂಜಯ್ಸ್ ಸೂಪರ್ ಟೀಮ್' ಆ್ಯನಿಮೇಷನ್ ಕಿರು ಚಿತ್ರವು ಪ್ರಸಕ್ತ ಸಾಲಿನ ಆಸ್ಕರ್ ಕಿರು ಪಟ್ಟಿಗೆ ಸೇರ್ಪಡೆಯಾಗಿದೆ.