ಮುಂಬಯಿ: ಐರೋಪ್ಯ ಮಾರುಕಟ್ಟೆಗಳಲ್ಲಿನ ಚೇತರಿಕೆ ಪರಿಣಾಮ ಮುಂಬಯಿ ಷೇರುಪೇಟೆಯಲ್ಲಿ ಸೆನ್ಸೆಕ್ಸ್ 59.93 ಅಂಕ ಏರಿಕೆ ಕಂಡಿದ್ದು, 23,709.15ಕ್ಕೆ ವಹಿವಾಟು ಅಂತ್ಯವಾಯಿತು.
ರಾಷ್ಟ್ರೀಯ ಷೇರುಪೇಟೆ ಸೂಚ್ಯಂಕ ನಿಫ್ಟಿ 19 ಅಂಕ ಏರಿದ್ದು 7,210.15ಕ್ಕೆ ಸ್ಥಿರವಾಯಿತು. ಮುಂಬರುವ ಕೇಂದ್ರ ಬಜೆಟ್‌ನಲ್ಲಿ ಸರಕಾರ ಪ್ರಕಟಿಸಲಿರುವ ಸುಧಾರಣಾ ಕ್ರಮಗಳ ಕುರಿತಾಗಿ ಹೂಡಿಕೆದಾರರು ಗಮನನೆಟ್ಟಿದ್ದಾರೆ. ಇದು ಷೇರು ಮಾರುಕಟ್ಟೆ ಮೇಲೆ ಮುಂದಿನ ವಾರ ಪ್ರಭಾವ ಬೀರುವ ಸಾಧ್ಯತೆಗಳಿವೆ.
ಶುಕ್ರವಾರ ಎಸ್‌ಬಿಐ ಷೇರುಗಳು ಶೇ.3.20ರಷ್ಟು ಏರಿಕೆ ಕಂಡಿವೆ. ಹೀರೋ ಮೋಟೊ ಕಾರ್ಪೊರೇಷನ್, ಏಷ್ಯನ್ ಪೆಯಿಂಟ್ಸ್, ಬಜಾಜ್ ಆಟೊ, ಎನ್‌ಟಿಪಿಸಿ, ಭಾರ್ತಿ ಏರ್‌ಟೆಲ್ ಮತ್ತು ಎಂ ಅ್ಯಂಡ್ ಎಂ ಷೇರುಗಳೂ ಏರಿಕೆ ಕಂಡಿವೆ. ಮತ್ತೊಂದು ಕಡೆ ಮಾರುತಿ ಸುಜುಕಿ, ಬಿಎಚ್‌ಇಎಲ್, ಕೋಲ್ ಇಂಡಿಯಾ, ಡಾ.ರೆಡ್ಡೀಸ್ ಲ್ಯಾಬ್, ಎಚ್‌ಡಿಎಫ್‌ಸಿ ಷೇರುಗಳು ಶೇ.2.02ರ ತನಕ ಕುಸಿದಿವೆ.
↧
ಸೆನ್ಸೆಕ್ಸ್ 60 ಅಂಕ ಏರಿಕೆ
↧