ಹೊಸದಿಲ್ಲಿ : ಡ್ರೈವರ್ ಸೀಟ್ ಭಾಗದಲ್ಲಿನ ಏರ್‌ಬ್ಯಾಗ್ ಇನ್‌ಫ್ಲೇಟರ್ಸ್‌ ಗಳನ್ನು ಬದಲಿಸುವ ದೃಷ್ಟಿಯಿಂದ ತನ್ನ 57,676 ಕಾರುಗಳನ್ನು ವಾಪಸ್ ಪಡೆಯಲು ಜಪಾನ್ ಮೂಲದ ಹೋಂಡಾ ಕಾರ್ಸ್‌ ಇಂಡಿಯಾ ನಿರ್ಧರಿಸಿದೆ.
ಏರ್‌ಬ್ಯಾಗ್ ಇನ್‌ಫ್ಲೇಟರ್ಸ್‌ಗಳಲ್ಲಿ ದೋಷವಿದೆ ಎನ್ನುವ ಆರೋಪ ಕೇಳಿಬಂದಿದ್ದು, ಈ ಸಂಬಂಧ ದೋಷ ಸರಿಪಡಿಸುವ ನಿಟ್ಟಿನಲ್ಲಿ ಜಾಗತಿಕ ಮಟ್ಟದಲ್ಲಿ ಆಂದೋಲನ ನಡೆಸಲಾಗುತ್ತಿದೆ. ತನ್ನ ಸಿಟಿ, ಜಾಝ್ ಮತ್ತು ಸಿವಿಕ್ ಮಾಡೆಲ್‌ಗಳ 57,676 ಕಾರುಗಳನ್ನು ವಾಪಸ್ ಪಡೆದು, ಇನ್‌ಫ್ಲೇಟರ್ಸ್‌ಗಳನ್ನು ಬದಲಿಸಲು ಕಂಪನಿ ಮುಂದಾಗಿದೆ.
2012 ಮತ್ತು 2013ರ ಅವಧಿಯಲ್ಲಿನ ಕೆಲವು ಮಾದರಿಗಳಲ್ಲಿ ಈ ದೋಷಗಳು ಕಂಡು ಬಂದಿದ್ದವು. ಇನ್‌ಫ್ಲೇಟರ್ಸ್‌ಗಳನ್ನು ಉಚಿತವಾಗಿ ದೇಶದಲ್ಲಿನ ಎಲ್ಲ ಎಚ್‌ಸಿಐಎಲ್ ಡೀಲರ್‌ಗಳಲ್ಲಿ ಬದಲಿಸಲಾಗುತ್ತದೆ. ಈ ಪ್ರಕ್ರಿಯೆ ಫೆ.20ರಿಂದ ಆರಂಭವಾಗಲಿದೆ. ಈ ಸಂಬಂಧ ಗ್ರಾಹಕರ ಜತೆ ನೇರವಾಗಿ ಕಂಪನಿ ಮಾತುಕತೆ ನಡೆಸುತ್ತಿದೆ.
↧
57 ಸಾವಿರ ಹೋಂಡಾ ಕಾರುಗಳ ರಿಪೇರಿ
↧