'ಕಳೆದ ವರ್ಷ, ಈ ದಿನ, ದಿಲ್ಲಿ ಜನತೆ ಎಎಪಿಗೆ ಮನಸೋತರು. ಇದು ಗಾಢವಾದ ಅನುಬಂಧ, ಅಳಿಸಲಾಗದ್ದು,'ಎಂದು ಮುಖ್ಯಮಂತ್ರಿ ಅರವಿಂದ್‌ ಕೇಜ್ರಿವಾಲ್‌ ಟ್ವೀಟ್‌ ಮಾಡಿದ್ದಾರೆ.
ಅವರ ಸರಕಾರದ ಸಾಧನೆಗಳ ವರದಿ ಮಂಡಸಲಿರುವ ಕೇಜ್ರಿವಾಲ್‌ ಹಾಗೂ ಅವರ ಸಂಪುಟದ ಸಚಿವರು ಎನ್‌ಡಿಎಂಸಿ ಕನ್ವೆಷನ್‌ ಸೆಂಟರ್‌ನಲ್ಲಿ ಸಾರ್ವಜನಿಕರೊಂದಿಗೆ ಸಂವಾದ ನಡೆಸಲಿದ್ದಾರೆ. ಫೋನ್‌ ಮೂಲಕ ಜನರ ಪ್ರಶ್ನೆಗಳಿಗೆ ಉತ್ತರಿಸಲಿದ್ದಾರೆ.
'ದಿಲ್ಲಿ ಸರಕಾರದ ಬಗ್ಗೆ ಪ್ರಶ್ನೆಗಳಿದ್ದರೆ, ನೇರವಾಗಿ ನಾವು ಉತ್ತರಿಸಲಿದ್ದೇವೆ. ಬೆ.11ರಿಂದ ಮ.1 ರವರೆಗೆ 011-41501367, 41501383, 23346658 ಕರೆಮಾಡಿ,'ಎಂದು ಕೇಜ್ರಿವಾಲ್‌ ಟ್ವೀಟ್‌ ಮಾಡಿದ್ದಾರೆ.
ರಾಷ್ಟ್ರರಾಜಧಾನಿಯಲ್ಲಿ ಎಎಪಿ ರ‍್ಯಾಲಿ ಸಹ ಆಯೋಜಿಸಿದ್ದು, ಅಲ್ಲಿ ಹಲವು ಯೋಜನೆಗಳು ಘೋಷಣೆ ಆಗುವ ನಿರೀಕ್ಷೆ ಇದೆ.
ಈ ಮಧ್ಯೆ, ಪ್ರತಿಪಕ್ಷಗಳಾದ ಬಿಜೆಪಿ ಹಾಗೂ ಕಾಂಗ್ರೆಸ್‌ ಭಾನುವಾರ ರಸ್ತೆಗಿಳಿದು ಎಎಪಿ ಸರಕಾರದ ವಿರುದ್ಧ ಪ್ರತಿಭಟನೆ ನಡೆಸಲು ಸಜ್ಜಾಗಿವೆ. ಬಿಜೆಪಿ ಈ ದಿನವನ್ನು 'ಪ್ರತಿಭಟನಾ ದಿನ' ಎಂದಿದ್ದರೆ, ಕಾಂಗ್ರೆಸ್‌ 'ಚಾಲ್ವಾ ದಿವಸ್‌' (ವಂಚನೆ ದಿವಸ) ಎಂದು ಕರೆದಿದೆ.
ಹೊಸದಿಲ್ಲಿ: ದಿಲ್ಲಿಯಲ್ಲಿ ಅಧಿಕಾರಕ್ಕೆ ಬಂದು ವರ್ಷ ಆದ ಸಂದರ್ಭದಲ್ಲಿ ಆಮ್‌ ಆದ್ಮಿ ಪಕ್ಷ ಭಾನುವಾರ ಸಂಭ್ರಮಾಚರಣೆಗೆ ಸಜ್ಜಾಗಿದೆ.