ಹೆರಿಗೆಯಾದ ಕೆಲವೇ ತಾಸಿನಲ್ಲಿ ಅತ್ಯಾಚಾರ

ಚಂಡೀಗಢ: ಹೆರಿಗೆಯಾದ ನಂತರ ತೀವ್ರ ನಿಗಾ ಘಟಕದಲ್ಲಿದ್ದ ಪೊಲೀಸನ ಪತ್ನಿ ಮೇಲೆ ಹರಿಯಾಣಾದ ಖಾಸಗಿ ಆಸ್ಪತ್ರೆಯಲ್ಲಿ ಅತ್ಯಚಾರ ನಡೆದಿದೆ.

ಜಾಜ್ಜರ್‌ ಜಿಲ್ಲೆಯ ಖಾಸಗಿ ಆಸ್ಪತ್ರೆಯಲ್ಲಿ ಶನಿವಾರ ಮಧ್ಯರಾತ್ರಿ 1 ಗಂಟೆಗೆ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದ ಮಹಿಳೆಯನ್ನು ತೀವ್ರ ನಿಗಾಘಟಕದಲ್ಲಿ ಇರಿಸಲಾಗಿತ್ತು. ಮಧ್ಯರಾತ್ರಿ 3.20ಕ್ಕೆ ವೈದ್ಯರ ಉಡುಪಿನಲ್ಲಿ ಬಂದ ವ್ಯಕ್ತಿ ಈ ಹೇಯ ಕೃತ್ಯ ಎಸಗಿದ್ದಾನೆ.

'ಇದಲ್ಲದೇ, ಸ್ವಲ್ಪ ಸಮಯದ ನಂತರ ಅದೇ ರಸ್ತೆಯಲ್ಲಿರುವ ಮತ್ತೊಂದು ಖಾಸಗಿ ಆಸ್ಪತ್ರೆಗೂ ಆತ ಹೋಗಿದ್ದಾನೆ. ಅಲ್ಲೂ ಸಹ ವೈದ್ಯರ ಉಡುಪಿನಲ್ಲಿ ಮಹಿಳೆಯ ಬಳಿ ಹೋಗಿದ್ದಾನೆ. ಎಚ್ಚತ್ತುಕೊಂಡ ಮಹಿಳೆಯ ಚೀರಾಟ ಕೇಳಿ ಜನ ಸೇರುವ ವೇಳೆಗೆ ಅಲ್ಲಿಂದ ಪರಾಯಾಗಿದ್ದಾನೆ,'ಎಂದು ಪೊಲೀಸರು ಹೇಳಿದ್ದಾರೆ.

ಸಿಸಿಟಿವಿಯಲ್ಲಿ ಆತನ ಚಿತ್ರ ದಾಖಲಾಗಿದ್ದು, ಆತನ ಸೆರೆಗೆ ಪೊಲೀಸರು ಜಾಲ ಬೀಸಿದ್ದಾರೆ. ಡಿಎಸ್ಪಿ ಸುರೇಶ್‌ ಕುಮಾರ್‌ ನೇತೃತ್ವದ ತನಿಖಾ ತಂಡ ಪ್ರಕರಣದ ಪರಿಶೀಲನೆ ನಡೆಸಿದೆ.