ಪಟನಾ: ಬಿಹಾರಕ್ಕೆ ಅಂಟಿರುವ ಗೂಂಡಾ ರಾಜ್ಯ ಕಳಂಕ ಸದ್ಯಕ್ಕೆ ದೂರವಾಗುವ ಲಕ್ಷಣಗಳಿಲ್ಲ. ಆರ್‌ಜೆಡಿ ಪಕ್ಷದ ಶಾಸಕರೊಬ್ಬರು ಅಪ್ರಾಪ್ತ ವಯಸ್ಕ ಬಾಲಕಿಯನ್ನು ಅಪಹರಿಸಿ ಲೈಂಗಿಕ ಕಿರುಕುಳ ನೀಡಿದ ಆರೋಪಕ್ಕೆ ಗುರಿಯಾಗಿದ್ದು, ನಿತೀಶ್ ಸರಕಾರಕ್ಕೆ ಮತ್ತೊಮ್ಮೆ ತಲೆನೋವು ಎದುರಾಗಿದೆ.
ನವಾಡಾ ಜಿಲ್ಲೆಯ ಶಾಸಕ ರಾಜವಲ್ಲಭ ಯಾದವ್ ವಿರುದ್ಧ ಸಂತ್ರಸ್ತೆಯ ತಾಯಿ ದೂರು ನೀಡಿದ್ದು, ಯಾದವ್ ಅವರು ಸುಮ್ಮನಿರುವಂತೆ ತಮಗೆ 30 ಸಾವಿರ ರೂಪಾಯಿ ಲಂಚ ಕೊಡಲೂ ಮುಂದಾಗಿದ್ದರು ಎಂದು ಅವರು ದೂರಿನಲ್ಲಿ ತಿಳಿಸಿದ್ದಾರೆ.
ಕಳೆದ ತಿಂಗಳಷ್ಟೇ ಆರ್‌ಜೆಡಿ ಶಾಸಕ ಸರ್ಫರಾಜ್ ಆಲಂ ಅವರು ರೈಲಿನಲ್ಲಿ ಸಹಪ್ರಯಾಣಿಕ ಮಹಿಳೆಯೊಬ್ಬರಿಗೆ ಲೈಂಗಿಕ ಕಿರುಕುಳ ನೀಡಿದ ಆರೋಪಕ್ಕೆ ಗುರಿಯಾಗಿದ್ದರು.
↧
ಅಪ್ರಾಪ್ತೆಗೆ ಲೈಂಗಿಕ ಕಿರುಕುಳ: ಆರ್‌ಜೆಡಿ ಎಂಎಲ್‌ಎ ವಿರುದ್ಧ ದೂರು
↧