ಈಗಾಗಲೇ ಟ್ರೆಂಡ್‌ನಲ್ಲಿರುವ ಗೂಗಲ್ ಫೋಟೊ ಸಾಫ್ಟ್‌ವೇರ್ ಬಳಕೆದಾರರು ನಿರಂತರವಾಗಿ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಗೂಗಲ್ ತಾನು ಈ ಕ್ರಮ ಕೈಗೊಂಡಿದ್ದಾಗಿ ಹೇಳಿಕೊಂಡಿದೆ.
ಆನ್‌ಲೈನ್‌ನಲ್ಲಿ ಉಚಿತವಾಗಿ ಲಭ್ಯವಿದ್ದ ಈ ಆ್ಯಪ್‌ನಲ್ಲಿ ಫೋಟೊಗಳನ್ನು ಎಡಿಟ್ ಮಾಡುವ ಜತೆಗೆ ಸಾಮಾಜಿಕ ಜಾಲತಾಣಗಳಲ್ಲಿ ನೇರವಾಗಿ ಹಂಚಿಕೊಳ್ಳಬಹುದಿತ್ತು. ಅಲ್ಲದೇ ನೂರಾರು ಚಿತ್ರಗಳನ್ನು ಒಂದೆಡೆ ಅಚ್ಚುಕಟ್ಟಾಗಿ ಇಟ್ಟುಕೊಳ್ಳಲೂ ಈ ತಂತ್ರಾಂಶ ನೆರವಾಗುತ್ತಿತ್ತು. ಮೊಬೈಲ್ ಹಾಗೂ ಕಂಪ್ಯೂಟರ್‌ಗೆ ಹೊಂದುಕೊಳ್ಳುವಂತೆ ಇದನ್ನು ಅಭಿವೃದ್ಧಿಪಡಿಸಲಾಗಿತ್ತು.
'ಪಿಕಾಸಾ ತಂತ್ರಾಂಶವು ಜನರ ಮನಗೆಲ್ಲಲು ಯಶಸ್ವಿಯಾಗಿದೆ. ಈಗ ಬದಲಾಗುವ ಕಾಲ ಬಂದಿದೆ. ಎರಡು ಉತ್ಪನ್ನಗಳನ್ನು ಏಕ ಕಾಲದಲ್ಲಿ ಅಭಿವೃದ್ಧಿಪಡಿಸಲುವ ಬದಲಾಗಿ ಒಂದೇ ತಂತ್ರಾಂಶಕ್ಕೆ ಹೆಚ್ಚು ಗಮನವಹಿಸಲು ನಾವು ನಿರ್ಧರಿಸಿದ್ದೇವೆ ಅದಕ್ಕಾಗಿ ಪಿಕಾಸಾವನ್ನು ಕೈಬಿಡುತ್ತಿದ್ದೇವೆ,' ಎಂದು ಗೂಗಲ್ ಫೋಟೋಸ್ ವಿಭಾಗದ ಮುಖ್ಯಸ್ಥ ಅನಿಲ್ ಸಭರ್ವಾಲ್ ತಿಳಿಸಿದ್ದಾರೆ.
ವಾಷಿಂಗ್ಟನ್: ಅಂತರ್ಜಾಲ ದೈತ್ಯ ಗೂಗಲ್ ತನ್ನ ತೆಕ್ಕೆಯಲ್ಲಿದ್ದ ಫೋಟೊ ಎಡಿಟಿಂಗ್ ತಂತ್ರಾಂಶ 'ಪಿಕಾಸಾ'ಗೆ ಗುಡ್‌ಬೈ ಹೇಳಿದೆ.