ಹೊಸದಿಲ್ಲಿ: ಪ್ರಸಕ್ತ ವರ್ಷ 10,000 ಎಲ್‌ಪಿಜಿ ವಿತರಕರನ್ನು ಇಂಧನ ಕಂಪನಿಗಳು ನೇಮಕ ಮಾಡಲಿವೆ. ಸೌದೆ ಮತ್ತು ಕಲ್ಲಿದ್ದಲು ಬಳಸಿ ಅಡುಗೆ ಮಾಡುವುದನ್ನು ತಪ್ಪಿಸಿ, ದೇಶದ ಎಲ್ಲರಿಗೂ ಎಲ್‌ಪಿಜಿ ಮುಟ್ಟಿಸಲು ಸರಕಾರ ಬದ್ಧವಾಗಿದೆ ಎಂದು ಕೇಂದ್ರ ಇಂಧನ ಸಚಿವ ಧರ್ಮೇಂದ್ರ ಪ್ರಧಾನ್ ಹೇಳಿದರು.
''ದೇಶದಲ್ಲಿ 16,900 ವಿತರಕರ ಜಾಲದ ಮೂಲಕ ತೈಲ ಕಂಪನಿಗಳು ಎಲ್‌ಪಿಜಿಯನ್ನು ತಲುಪಿಸುತ್ತಿವೆ. ಇನ್ನಷ್ಟು ಹೊಸ ಗ್ರಾಹಕರನ್ನು ತಲುಪುವ ನಿಟ್ಟಿನಲ್ಲಿ ಈ ವರ್ಷ ಹೊಸ ನೇಮಕಗಳು ನಡೆಯಲಿವೆ,'' ಎಂದು ಸಚಿವರು ಹೇಳಿದರು.
ಎಲ್‌ಪಿಜಿ ವಿತರಣೆಯಲ್ಲಿನ ದೋಷಗಳನ್ನು ಸರಿಪಡಿಸುವ ನಿಟ್ಟಿನಲ್ಲಿ ಸರಕಾರ ಕಾರ್ಯಪ್ರವೃತ್ತವಾಗಿದೆ ಎಂದೂ ಪ್ರಧಾನ್ ಹೇಳಿದರು. ಏತನ್ಮಧ್ಯೆ, ಸಿಲಿಂಡರ್‌ಗಳ ತೂಕದಲ್ಲಿ ಲೋಪವಾಗುತ್ತಿದೆ ಎನ್ನುವ ಗ್ರಾಹಕರ ಸಂದೇಹ ನಿವಾರಿಸಲು, ಪಾರದರ್ಶಕ ಸಿಲಿಂಡರ್ ವ್ಯವಸ್ಥೆ ಜಾರಿಗೆ ತರಲು ತೈಲ ಕಂಪನಿಗಳು ಚಿಂತನೆ ನಡೆಸಿವೆ.
↧
10,000 ಎಲ್‌ಪಿಜಿ ವಿತರಕರ ನೇಮಕ
↧