ಡೈಲಿ yoga: ಏಕಪಾದ ಬಕಾಸನ

ಅರ್ಥ: ಒಂದೇ ಕಾಲಿನಲ್ಲಿ ನಿಲ್ಲುವ ಬಕಪಕ್ಷಿಯನ್ನು ಹೋಲುವ ಈ ಭಂಗಿಗೆ ಏಕಪಾದ ಬಕಾಸನ ಎಂದು ಹೆಸರು.

ಮಾಡುವ ವಿಧಾನ:

ಮೊದಲು ಎರಡು ಮೊಣಕೈಗಳನ್ನು ಮಡಿಸಿ ಎರಡು ರಟ್ಟೆಗಳನ್ನು ಮಡಿಸಿ ಮುಂದಕ್ಕೆ ಬಾಗಿ ನಿಂತುಕೊಳ್ಳಿ. ನಂತರ ಬಲಮಂಡಿಯನ್ನು ಬಲ ರಟ್ಟೆಯ ಮೇಲೆ ಇಡಿ. ಎಡ ಪಾದ ನೆಲದಲ್ಲಿರಲಿ. ಈಗ ನಿಧಾನವಾಗಿ ಎಡ ಪಾದವನ್ನು ಮೇಲಕ್ಕೆ ಎತ್ತಿ. ಬೆನ್ನಿನ ಭಾಗವನ್ನು ಹಿಗ್ಗಿಸಿ. ಇದೇ ರೀತಿಯಲ್ಲಿ ಮತ್ತೊಂದು ಕಡೆ ಆಸನ ಮುಂದುವರೆಸಿ.

ಉಪಯೋಗ:

-ಈ ಆಸನ ಮಾಡುವುದರಿಂದ ಕೈಗಳು ಬಲಗೊಳ್ಳುವವು.

-ಭುಜಗಳ ಮಾಂಸಖಂಡಗಳು ಸದೃಢಗೊಳ್ಳುವವು.

-ರಟ್ಟೆಯ ಭಾಗ ಶಕ್ತಿ ಪಡೆಯುವುದು.

-ನಾಭಿಯ ಭಾಗದ ಎಲ್ಲಾ ಅವಯವಗಳಿಗೆ ಸರಾಗವಾಗಿ ರಕ್ತ ಪರಿಚಲನೆಯಾಗಿ ಎಲ್ಲಾ ಭಾಗಗಳು ಚೈತನ್ಯ ಪಡೆಯುವವು.