ಮನೆ medicine: ಹೊಟ್ಟೆ ನೋವಿಗೆ ದೇಸಿ ಪರಿಹಾರ

-ಒಣ ಸಬ್ಬಕ್ಕಿ ಸೊಪ್ಪು ಮತ್ತು ಮೆಂತ್ಯವನ್ನು ತುಪ್ಪದಲ್ಲಿ ಹುರಿದು ಅದಕ್ಕೆ ಒಣ ಮೆಣಸಿನಕಾಯಿ, ಉಪ್ಪು, ಸಾಸಿವೆ ಸೇರಿಸಿ ಕುಟ್ಟಿ ಮಾಡಿದ ಚಟ್ನಿ ಪುಡಿ ಬೆರೆಸಿ. ಇದನ್ನು ಊಟದಲ್ಲಿ ಸೇವಿಸುತ್ತಿದ್ದರೆ ಹೊಟ್ಟೆ ಉಬ್ಬರ ಕಡಿಮೆಯಾಗುತ್ತದೆ.

-ಮಗುವಿಗೆ ಹೊಟ್ಟೆಯುಬ್ಬರವಾದರೆ ವೀಳ್ಯದೆಲೆಗೆ ಹರಳೆಣ್ಣೆ ಸವರಿ ಬಿಸಿ ಮಾಡಿ ಹೊಟ್ಟೆಯ ಮೇಲೆ ಶಾಖ ಕೊಟ್ಟರೆ ಉಬ್ಬರ ಇಳಿಯುವುದು.

-ನಿಂಬೆ ಹಣ್ಣಿನ ರಸವನ್ನು ಹರಳೆಣ್ಣೆಯೊಂದಿಗೆ ಬೆರೆಸಿ ಸೇವಿಸುವುದರಿಂದ ಉದರ ಬೇನೆ ಕಡಿಮೆ ಆಗುವುದು.

-ಬೇಯಿಸಿದ ಹುರುಳಿಕಾಳು ಕಟ್ಟನ್ನು ಬಸಿದು ಮಾಡಿದ ಸಾರನ್ನು ಸೇವಿಸುವುದರಿಂದ ಹೊಟ್ಟೆ ಹುಣ್ಣು ಮಾಗುವುದರ ಜೊತೆಗೆ ಹೊಟ್ಟೆ ನೋವು ನಿವಾರಣೆ ಆಗುವುದು.

-ಬಾರ್ಲಿ ಗಂಜಿ ಕುಡಿಯುವುದರಿಂದ ಹೊಟ್ಟೆ ನೋವು ಇಲ್ಲವಾಗುವುದು.

-ಕೊತ್ತಂಬರಿ ಬೀಜ ಹಾಗೂ ಒಣ ಶುಂಠಿಯನ್ನು ಜಜ್ಜಿ ಮಾಡಿದ ಕಷಾಯಕ್ಕೆ ಜೇನುತುಪ್ಪ ಸೇರಿಸಿ ಕುಡಿಯುವುದರಿಂದ ಹೊಟ್ಟೆ ನೋವು ಶಮನವಾಗುವುದು.

-ಲವಂಗದ ಕಷಾಯ ಸೇವಿಸುವುದರಿಂದ ಹೊಟ್ಟೆನೋವು ಕಡಿಮೆ ಆಗುವುದರೊಂದಿಗೆ ಹೊಟ್ಟೆಯುಬ್ಬರ ಇಳಿಯುವುದು.