ರಾಜಸ್ಥಾನದ ಜೈಪುರದಲ್ಲಿನ ಕಾಳದೇರ, ಆಂಧ್ರಪ್ರದೇಶದ ವಿಶಾಖಪಟ್ಟಣಂ ಹಾಗೂ ಮೇಘಾಲಯದ ಬ್ರೈನಿಹಾತ್ ಪ್ರದೇಶಗಳಲ್ಲಿ ಕೋಕಾ ಕೋಲಾ ತಯಾರಿಕೆಯನ್ನು ಸ್ಥಗಿತಗೊಳಿಸಿರುವುದಾಗಿ ಸಂಸ್ಥೆ ಹೇಳಿಕೊಂಡಿದೆ.
ಕಾಳದೇರದಲ್ಲಿ ಕಳೆದ ಮೂರು ವರ್ಷಗಳಿಂದ ಅಲ್ಲಿನ ನಿವಾಸಿಗಳು ಹಾಗೂ ಸಾಮಾಜಿಕ ಕಾರ್ಯಕರ್ತರು, ಕೋಕಾ ಕೋಲ ವಿರುದ್ಧ ಪ್ರತಿಭಟನೆ ನಡೆಸುತ್ತಿದ್ದರು. ಈ ಘಟಕದಿಂದಾಗಿ ಅಂತರ್ಜಲ ಮಟ್ಟದಲ್ಲೂ ನೀರಿನ ಕೊರತೆ ಕಂಡು ಬಂದಿದೆ ಎಂದು ಕೋಕಾ ಕೋಲ ಕಂಪನಿ ವಿರುದ್ಧ ದೂರಿದ್ದರು.
ಆದರೆ ಹಿಂದುಸ್ತಾನ್ ಕೋಕಾ ಕೋಲ ಕಂಪನಿಯ ವಕ್ತಾರ ಈ ಕುರಿತು ಮಾಹಿತಿ ನೀಡಿದ್ದು, ಪ್ರಸ್ತುತ ಸ್ಥಗಿತಗೊಳಿಸಲು ತೀರ್ಮಾನಿಸುವ ಘಟಕಗಳಲ್ಲಿ ದೀರ್ಘಕಾಲಿಕ ಆರ್ಥಿಕ ಸಮಸ್ಯೆ ಎದುರಾಗಿದೆ. ಆ ಪ್ರದೇಶದ ಮಾರುಕಟ್ಟೆಯಲ್ಲಿಯೂ ಅಸಮರ್ಪಕ ಬೇಡಿಕೆಯಿದ್ದ ಹಿನ್ನೆಲೆಯಲ್ಲಿ ಘಟಕಗಳನ್ನು ಸ್ಥಳಿತಗೊಳಿಸಲು ಅಧಿಕಾರಿಗಳು ತೀರ್ಮಾನಿಸಿದ್ದಾರೆ. ಇದೊಂದು ವ್ಯಾವಹಾರಿಕ ತೀರ್ಮಾನವಾಗಿದೆ ಇವರು ಹೇಳಿದರು.
ಪರಿಸರ ಸಂಬಂಧಪಟ್ಟ ಸಮಸ್ಯೆಗಳಿಂದ ಜನರ ಆಕ್ರೋಶಕ್ಕೆ ತುತ್ತಾಗಿ ಮುಚ್ಚುತ್ತಿರುವ ನಾಲ್ಕನೇ ಘಟನೆ ಜೈಪುರದ ಕಾಳದೇರ ಘಟಕವಾಗಿದೆ. 2005ರಲ್ಲಿ ಕೇರಳದ ಕೋಕಾ ಕೋಲದ ಘಟಕ ಬಂದ್‌ ಮಾಡಲಾಗಿತ್ತು. ಇದರ ಬೆನ್ನಲ್ಲೇ ಉತ್ತರ ಪ್ರದೇಶದ ಎರಡು ಘಟಕಗಳನ್ನು ಮುಚ್ಚಿಸಲಾಗಿತ್ತು.
ಭಾರತದ ಸಂಪನ್ಮೂಲ ಕೇಂದ್ರದ ಕಾರ್ಯಕರ್ತರು ನೀಡಿದ ಮಾಹಿತಿಗಳ ಪ್ರಕಾರ, ಕಾಳದೇರ ಘಟಕವನ್ನು ಕಳೆದ ವರ್ಷ ಜನವರಿ 25ರಂದೇ ಮುಚ್ಚಲಾಗಿತ್ತು. ಮತ್ತೆ ಪ್ರಾರಂಭಿಸುವ ಯಾವುದೇ ಮುನ್ಸೂಚನೆ ಇಲ್ಲ ಎಂದು ಹೇಳಿದ್ದಾರೆ.
ಹೊಸದಿಲ್ಲಿ: ಬೇಡಿಕೆ ಕುಸಿತ ಮತ್ತು ದೀರ್ಘಕಾಲಿಕ ಆರ್ಥಿಕ ಸಮಸ್ಯೆ ಹಿನ್ನೆಲೆಯಲ್ಲಿ ಹಿಂದೂಸ್ತಾನ್ ಕೋಕಾ ಕೋಲಾ ಕಂಪನಿ ಇದೀಗ ಭಾರತದ 3 ಘಟಕಗಳಲ್ಲಿ ಕೋಕಾಕೋಲಾ ತಯಾರಿಕೆಯನ್ನು ಸ್ಥಗಿತಗೊಳಿಸಿದೆ. ಬೇಸಿಗೆ ಆಗಮನದ ಹೊತ್ತಿನಲ್ಲೇ ಈ ನಿರ್ಧಾರ ಕೈಗೊಂಡಿರುವುದು ವಿಶೇಷ.