ವದಂತಿ ನಂಬಬೇಡಿ: ಆರ್‌ಬಿಐ ಹೇಳಿಕೆ

ಮುಂಬಯಿ: ವದಂತಿಗಳನ್ನು ನಂಬಬೇಡಿ, ನೋಟಿನ ಮೇಲೆ ಪೆನ್ನಿಂದ ಗೀಚಿದ ಬರಹಗಳಿದ್ದರೂ ಅವುಗಳ ಚಲಾವಣೆ ಇರಲಿದೆ ಎಂದು ರಿಸರ್ವ್ ಬ್ಯಾಂಕ್ ಗವರ್ನರ್ ರಘುರಾಮ್ ರಾಜನ್ ಸೋಮವಾರ ಹೇಳಿದ್ದಾರೆ.

ಆಡಿಯೊ ಸಂದೇಶದಲ್ಲಿ ಅವರು, ''ವಾಟ್ಸ್ ಅ್ಯಪ್ ಮತ್ತಿತರ ಸಾಮಾಜಿಕ ಜಾಲತಾಣಗಳಲ್ಲಿ ನೋಟಿನ ಚಲಾವಣೆ ಸ್ಥಗಿತ ಎನ್ನುವ ಸುದ್ದಿಗಳು ಹಬ್ಬುತ್ತಿವೆ. ಇದೆಲ್ಲವೂ ಸುಳ್ಳು,'' ಎಂದಿದ್ದಾರೆ.

''ನೋಟುಗಳ ಮೇಲೆ ಏನಾದರೂ ಬರೆದಿದ್ದರೆ, ಅವುಗಳನ್ನು ಯಾರೂ ಸ್ವೀಕರಿಸಬೇಡಿ. ಏಕೆಂದರೆ ನೋಟಿನ ಮೇಲೆ ಪೆನ್ನಿನಿಂದ ಗೀಚಿದ ಬರವಣಿಗೆಗಳಿದ್ದರೆ, ಅವುಗಳ ಚಲಾವಣೆಯನ್ನು ಆರ್‌ಬಿಐ ಮುಂದಿನ ವರ್ಷದ ಜನವರಿ 1ರಿಂದ ನಿರ್ಬಂಧಿಸಲಿದೆ,'' ಎನ್ನುವ ವದಂತಿ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.