ರಾಶಿ ತಾಯಿಯ ಗುಣಾವಗುಣ ಸೂಚಕವಂತೆ

-ಪ್ರಿಯಾಂಶಿಲಾಲ್‌

ಗ್ರಹಗತಿಗಳ ನೇರ ಪ್ರಭಾವ ಗೊತ್ತೋ, ಗೊತ್ತಿಲ್ಲದೆಯೋ ನಮ್ಮ ಮೇಲಾಗುತ್ತಿರುತ್ತದೆ. ರಾಶಿಗೆ ಅನುಸಾರವಾಗಿ ವ್ಯಕ್ತಿಯ ಸ್ವಭಾವ, ಗುಣಗಳು ನಿರ್ಧರಿತವಾಗುತ್ತವೆ. ಅಂತೆಯೇ ತಾಯ್ತನದ ಲಕ್ಷಣವು. ಋಟಞsಠ್ಟಿಟ್ಝಟಜy ಈ ನಿಟ್ಟಿನಲ್ಲಿ ಸಾಕಷ್ಟು ಬೆಳಕು ಚೆಲ್ಲಿದೆ. ತಾಯ್ತನದ ವಿಚಾರದಲ್ಲಿ ಯಾವ ರಾಶಿಯವರ ಸ್ವಭಾವ ಹೇಗಿದೆ ನೋಡೋಣ.

ಮೇಷ : ನಿಮ್ಮ ಇಚ್ಛಾಶಕ್ತಿ ತುಂಬಾ ಪ್ರಬಲವಾಗಿದೆ. ಈ ರಾಶಿಯ ತಾಯಂದಿರು ಸ್ವತಂತ್ರವಾಗಿ ಯೋಚಿಸಬಲ್ಲ, ದೃಢವಾದ ಆತ್ಮವಿಶ್ವಾಸ ಉಳ್ಳವರು. ಮಕ್ಕಳ ಲಾಲನೆ, ಪಾಲನೆ, ಪೋಷಣೆಯ ಬಗ್ಗೆ ವಿಪರೀತ ನಿಗಾ ಇಡುತ್ತಾರೆ. ಮಕ್ಕಳ ಬೇಕು, ಬೇಡುಗಳನ್ನು ಚೆನ್ನಾಗಿ ಅರ್ಥ ಮಾಡಿಕೊಳ್ಳುತ್ತಾರೆ. ಮಕ್ಕಳನ್ನು ಸರಿದಾರಿಗೆ ತರುವ ವಿಷಯದಲ್ಲಿ ವಿಶೇಷ ಪರಿಣಿತಿ ಹೊಂದಿರುತ್ತಾರೆ.

ವೃಷಭ : ಸ್ಥಿರ ಹಾಗೂ ಸಮತೋಲನ ಚಿತ್ತ ಮನಸು ಇವರದು. ಎಂತಹ ಸನ್ನಿವೇಶವನ್ನು ಸಮರ್ಥವಾಗಿ ನಿಭಾಯಿಸುವ ಸಾಮರ್ಥ್ಯ‌ ಹೊಂದಿದ್ದೀರಿ. ದೈನಂದಿನ ವೇಳಾಪಟ್ಟಿಯಲ್ಲಿ ಕೊಂಚ ವ್ಯತ್ಯಾಸವಾದರೂ ಒಪ್ಪದ ಮನಸ್ಸು ನಿಮ್ಮದು. ನೀವಂದುಕೊಂಡಂತೆ ನಡೆಯುತ್ತೀರಿ. ನಿಮ್ಮ ಭಾವನೆಗಳನ್ನೇ ಮಕ್ಕಳಲ್ಲಿ ತುಂಬಲು ಯತ್ನಿಸುತ್ತೀರಿ.

ಮಿಥುನ : ನಂಬಿಕಾರ್ಹ ವ್ಯಕ್ತಿಗಳು.ತಂತ್ರಜ್ಞಾನದ ವಿಷಯದಲ್ಲಿ ಪರಿಣಿತರು. ಸುತ್ತಣ ಪ್ರಪಂಚದ ಆಗುಹೋಗುಗಳಲ್ಲಿ ಅವರಿಗೆ ವಿಶೇಷ ಆಸಕ್ತಿ. ಆದರೆ ಅವರು ತಮ್ಮ ಮಕ್ಕಳ ಚಲನವಲನಗಳ ಮೇಲೆ ನಿಗಾ ಇಡುವುದು, ನಿರ್ಬಂಧ ಹೇರುವುದರಲ್ಲಿ ಸ್ವಲ್ಪ ಹಿಂದೆ ಬಿದ್ದಿರುತ್ತಾರೆ.

ಕಟಕ : ಈ ರಾಶಿಯವರಲ್ಲಿ ಮಾತೃತ್ವ ಭಾವ ಹೆಚ್ಚಿರುತ್ತದೆ. ಇವರ ಪ್ರೀತಿ, ವಾತ್ಸಲ್ಯ ಸಹಜವಾಗಿರುತ್ತದೆ. ಮಕ್ಕಳನ್ನು ಅತಿಯಾದ ಪ್ರೇಮ, ಕಾಳಜಿಯಿಂದ ಕಾಣುತ್ತಾರೆ. ಅಷ್ಟೇ ಸೂಕ್ಷ್ಮ ಸ್ವಭಾವದವರು. ಭಾವನಾತ್ಮಕ ಮನಸ್ಥಿತಿಯವರು.

ಸಿಂಹ : ಬಹುವಾಗಿ ಚೈತನ್ಯವುಳ್ಳವರು. ಮಕ್ಕಳೊಂದಿಗೆ ಆಟವಾಡುತ್ತಾ, ಮುದ್ದಾಡುತ್ತಾ ಹೆಚ್ಚು ಹೊತ್ತು ಕಳೆಯುತ್ತಾರೆ. ಆದರೆ ಇವರೆಂದೂ ತಮ್ಮ ಸ್ವಾರ್ಥದ ಸೆಲೆಯಿಂದ ಆಚೆ ಬರುವುದಿಲ್ಲ. ಸಣ್ಣ ಸಂಗತಿಯನ್ನು ದೊಡ್ಡ ವಿಷಯವನ್ನಾಗಿ ಮಾರ್ಪಡಿಸುವುದರಲ್ಲಿ ಅವರು ನಿಸ್ಸೀಮರು.

ಕನ್ಯಾ : ಪರಿಪೂರ್ಣ ವ್ಯಕ್ತಿತ್ವ ಉಳ್ಳ ತಾಯಂದಿರು. ತಾಯ್ತನದ ಲಕ್ಷಣಗಳು ಹೇಗಿರಬೇಕು ಎನ್ನುವುದಕ್ಕೆ ಅವರೇ ಸ್ಪಷ್ಟ ನಿದರ್ಶನ. ಕೆಲವೊಮ್ಮೆ ಕನ್ಯಾ ರಾಶಿಯ ತಾಯಂದಿರು ವಿಪರೀತ ಹಠವಾದಿಗಳಾಗಿರುತ್ತಾರೆ. ಅವರು ತೆಗೆದುಕೊಳ್ಳುವ ಕೆಲ ನಿರ್ಣಯಗಳು ಹಾಗೂ ಜಿಗುಟು ಸ್ವಭಾವ ಸಂಘರ್ಷಕ್ಕೂ ಎಡೆ ಮಾಡಿಕೊಡುತ್ತದೆ.

ತುಲಾ : ತಾಳ್ಮೆಯೇ ಇವರ ಶಕ್ತಿ. ಮಕ್ಕಳು ಮಾಡುವ ತಪ್ಪುಗಳನ್ನು ಸಹನೆಯಿಂದಲೇ ಸಹಿಸಿಕೊಳ್ಳುತ್ತಾರೆ. ಉತ್ತಮ ಸಂಸ್ಕೃತಿ ಹೊಂದಿದವರಾಗಿರುತ್ತಾರೆ. ಮೃದು ಹಾಗೂ ತಾಳ್ಮೆಯ ಸ್ವಭಾವದ ಕಾರಣ ಸಮಾಜದಲ್ಲಿ ಒಳ್ಳೆಯ ಸ್ಥಾನದಲ್ಲಿ ನಿಲ್ಲಿಸುತ್ತದೆ.

ವೃಶ್ಚಿಕ : ಇವರದು ಸ್ವಲ್ಪ ಸ್ವಾರ್ಥ ಸ್ವಭಾವ. ಎಲ್ಲರೂ ತಮ್ಮತ್ತ ಗಮನ ಹರಿಸಬೇಕೆಂಬ ಮನೋಭಾವ. ಮಕ್ಕಳನ್ನು ತಿದ್ದುವ ವಿಷಯದಲ್ಲಿ ಕಠೋರ ಹಾಗೂ ಕಠಿಣ ಸ್ವಭಾವವನ್ನು ಹೊಂದಿರುತ್ತಾರೆ. ಆದರೆ ಪದೇ ಪದೇ ಶೀತ, ಉಷ್ಣ ಪ್ರಕೋಪಕ್ಕೆ ಗುರಿಯಾಗಿ ಅನಾರೋಗ್ಯಕ್ಕೆ ತುತ್ತಾಗುತ್ತಿರುತ್ತಾರೆ. ಹಾಗಾಗಿ ಮಕ್ಕಳ ಮೇಲೆ ಅಷ್ಟಾಗಿ ನಿಗಾ ಇಡಲು ಕಷ್ಟವಾಗುತ್ತದೆ.

ಧನಸ್ಸು : ಸಾಹಸಪ್ರಿಯರು. ತಮ್ಮ ಮಕ್ಕಳ ಅಭ್ಯುದಯಕ್ಕಾಗಿ ಎಂತಹ ಸನ್ನಿವೇಶವನ್ನು ಎದುರಿಸಬಲ್ಲ ಗಟ್ಟಿಗಿತ್ತಿಯರು.. ಮಕ್ಕಳೊಂದಿಗೆ ಅವಿನಾಭಾವ ಸಂಬಂಧವನ್ನು ಬೆಳೆಸಿಕೊಳ್ಳುತ್ತಾರೆ. ಕೆಲವೊಮ್ಮೆ ತಾಳ್ಮೆಗೆಡುವುದರಿಂದ ತಾಯಿ ಮತ್ತು ಮಕ್ಕಳ ನಡುವೆ ವ್ಯಾಗ್ಯುದ್ಧಗಳು ನಡೆಯುತ್ತವೆ.

ಮಕರ : ಬೆಟ್ಟದಷ್ಟೇ ಅವರದು ದೃಢ ನಿಲುವು. ಮನೆ¿å ಆಗುಹೋಗುಗಳ ಸಂಪೂರ್ಣ ಜವಾಬ್ದಾರಿಯನ್ನು ಅವರೇ ತೆಗೆದುಕೊಳ್ಳುತ್ತಾರೆ. ಮನೆ ಮತ್ತು ಮಕ್ಕಳ ಬಗ್ಗೆ ವಿಶೇಷ ಕಾಳಜಿ ಹೊಂದಿರುತ್ತಾರೆ. ತಮ್ಮ ನಡೆನುಡಿಗಳಿಂದ ಮಕ್ಕಳಿಗೆ ಆದರ್ಶರಾಗಿರುತ್ತಾರೆ.

ಕುಂಭ : ಚಿರಯೌವನದ ಮನಸ್ಸು. ಸದಾ ಉಲ್ಲಸಿತವಾಗಿರುತ್ತಾರೆ, ಇವರ ಮಕ್ಕಳಲ್ಲಿ ಚಮತ್ಕಾರಿಕ ಕಲೆಯನ್ನು ನೋಡಬಹುದು. ತಮ್ಮ ಮಕ್ಕಳನ್ನು ಸ್ನೇಹಿತರಂತೆ ಕಾಣುವ ಪ್ರವೃತ್ತಿ ಇವರದು. ಹಾಗಾಗಿ ಅವರನ್ನು ಹದ್ದುಬಸ್ತಿಗೆ ತರುವುದು ಸ್ವಲ್ಪ ಕಷ್ಟವೆನಿಸುತ್ತದೆ.

ಮೀನ : ಇವರದು ಅತ್ಯಂತ ಕಾರುಣ್ಯಭಾವ, ಮಮತಾಮಯಿಗಳು. ಮಕ್ಕಳನ್ನು ಮನಃಪೂರ್ವಕವಾಗಿ ಪ್ರೀತಿಸುತ್ತಾರೆ, ಕುಟುಂಬಕ್ಕೆ ನಿಷ್ಠರಾಗಿರುತ್ತಾರೆ. ಅಷ್ಟೇ ಕ್ರಿಯಾಶೀಲರು. ಆದರೆ ತಾವಂದುಕೊಂಡಂತೆ ನಡೆಯದೇ ಹೋದಾಗ ಅವರು ಆಕ್ರಮಣಕಾರಿ ಅಥವಾ ಭಾವೋದ್ರೇಕ ಮನೋಭಾವನೆಯನ್ನು ಪ್ರದರ್ಶಿಸುತ್ತಾರೆ.