'ದೇಶಕ್ಕಾಗಿ ಯೋಧರು ತಮ್ಮ ಪ್ರಾಣ ತ್ಯಾಗಕ್ಕೂ ಸಿದ್ಧ ಎಂಬ ಮಾತನ್ನು ಕೇಳುತ್ತೇವೆ. ಆದರೆ, ನಾನು ಅದನ್ನು ವಿರೋಧಿಸುತ್ತೇನೆ. ಶತ್ರುಗಳಿಗೆ ಏಕೆ ಬಲಿಯಾಗಬೇಕು ? ಎದುರಾಳಿಗಳನ್ನೇ ಕೊಲ್ಲಬೇಕು. ಕಳೆದೊಂದು ವರ್ಷದ ದಾಖಲೆ ನೋಡಿ, ಫಲಿತಾಂಶ ತಿಳಿಯುವುದು,'ಎಂದು ಪರಿಕರ್‌ ಹೇಳಿದ್ದಾರೆ.
ಗೋವಾ ಬಿಜೆಪಿ ಘಟಕ ಅವರ 60ನೇ ವರ್ಷದ ಹುಟ್ಟುಹಬ್ಬದ ಸಂದರ್ಭದಲ್ಲಿ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಪರಿಕರ್‌ ಮಾತನಾಡಿದರು.
ಕಪಲಾಂಗ್‌ನ ಎನ್‌ಎಸ್‌ಸಿಎನ್‌ ಶಿಬಿರದ ಮೇಲೆ ಉಗ್ರ ದಾಳಿ ನಡೆದ ಮ್ಯಾನ್ಮಾರ್ ಗಡಿಯಲ್ಲಿ ನಡೆದ ಪ್ರತಿದಾಳಿ ಬಗ್ಗೆ ಮಾತನಾಡಿದ ರಕ್ಷಣಾ ಸಚಿವ, 'ಮ್ಯಾನ್ಮಾರ್ ದಾಳಿ ನಡೆದ ಮೂರು ತಾಸಿನೊಳಗೆ ಸಭೆ ನಡೆಯಿತು. ಅಧಿಕೃತ ಆದೇಶದ ಮೇರೆಗೆ ಇಡೀ ಕಾರ್ಯಾಚರಣೆಯನ್ನು ರಹಸ್ಯವಾಗಿ ನಡೆಸಲಾಯಿತು. ಎಲ್ಲವನ್ನೂ ಸೂಕ್ಷ್ಮವಾಗಿ ಅವಲೋಕಿಸಬೇಕು,'ಎಂದು ತಿಳಿಸಿದರು.
ನನಗೆ ಭದ್ರತೆ ಬೇಡ:
ಭದ್ರತೆ ಇಲ್ಲದೇ ಓಡಾಡುವುದು ನನಗೆ ಇಷ್ಟ ಎಂದ ರಕ್ಷಣಾ ಸಚಿವ, ' ರಕ್ಷಣೆ ಪಡೆಯುವುದು ಕೆಲವೊಮ್ಮೆ ಸುರಕ್ಷಿತವಲ್ಲ,' ಎಂದಿದ್ದಾರೆ.
'ಗಣ್ಯರು ಬಗ್ಗೆ ಪೊಲೀಸರು ವೈರ್‌ಲೆಸ್‌ ಮೂಲಕ ನಿಖರ ಮಾಹಿತಿ ಪಡೆಯುತ್ತಾರೆ. ನನಗೆ ಭದ್ರತೆ ಬೇಡವಾದ ಕಾರಣ ನನ್ನಿಂದ ದೂರ ಇರುವಂತೆ ಪೊಲೀಸರಿಗೆ ಹೇಳುತ್ತೇನೆ. ಏಕೆಂದರೆ ರಕ್ಷಣಾ ಸಚಿವರ ಮೇಲೆ ದಾಳಿ ನಡೆದರೆ ಅದು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ದೊಡ್ಡ ಸುದ್ದಿಯಾಗುವುದು,'ಎಂದು ಚಟಾಕಿ ಹಾರಿಸಿದರು.
ಪಣಜಿ: ಬಲಿದಾನದ ಬದಲು ಶತ್ರುಗಳ ಸಂಹಾರವಾಗಲಿ ಎಂದು ರಕ್ಷಣಾ ಸಚಿವ ಮನೋಹರ್‌ ಪರಿಕರ್‌ ಹೇಳಿದ್ದಾರೆ.