ಎನ್‌ಐಎ ವಿದೇಶ ಸಚಿವಾಲಯದ ಮೂಲಕ ಅಫಘಾನಿಸ್ತಾನ, ಇರಾಕ್, ಟರ್ಕಿ, ಸೌದಿ ಅರೇಬಿಯಾ, ಲುಕ್ಸೆಂಬರ್ಗ್‌ಗಳಿಗೆ ಆರಿಬ್‌ಗೆ ಸಂಬಂಧಿಸಿದ ಮಾಹಿತಿಗಳನ್ನು ನೀಡುವಂತೆ ಕೋರಿದೆ.
ಲಾಗಿನ್ ಹಿಸ್ಟರಿ, ಐಪಿ ಅಡ್ರೆಸ್, ಸರ್ಚ್ ಹಿಸ್ಟರಿ, ಆತನ ಖಾತೆಯಿಂದ ವಿನಿಮಯಗೊಂಡ ಸಂದೇಶಗಳು, ಅಟ್ಯಾಚ್‌ಮೆಂಟ್ಸ್, ಡ್ರಾಫ್ಟ್, ಪ್ರಯಾಣ, ವಾಸ್ತವ್ಯ ಸೇರಿದಂತೆ ಹಣಕಾಸಿಗೆ ಸಂಬಂಧಿಸಿದ ಮಾಹಿತಿಗಳನ್ನು ನೀಡುವಂತೆ 5 ರಾಷ್ಟ್ರಗಳಿಗೆ ತನಿಖಾ ತಂಡ ಮನವಿ ಮಾಡಿದೆ.
ಆ ರಾಷ್ಟ್ರಗಳು ನಾವು ಕೇಳಿರುವ ಮಾಹಿತಿಗಳನ್ನು ನಮ್ಮ ಜತೆ ಹಂಚಿಕೊಂಡರೆ ಆರಿಬ್ ಮತ್ತು ಇತರರ ಮೂಲಕ ಐಸಿಸ್‌ಗೆ ಸೇರ್ಪಡೆಗೊಳಿಸುವ ಇಡೀ ಪಿತೂರಿಯನ್ನೇ ಬಯಲಿಗೆಳೆಯಬಹುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಪರಸ್ಪರ ಕಾನೂನು ನೆರವು ಒಪ್ಪಂದದಡಿ ತಾಂತ್ರಿಕ ಸಾಕ್ಷ್ಯಗಳನ್ನು ಒದಗಿಸುವಂತೆ ಈ ಹಿಂದೆ ಅಮೆರಿಕ, ಆಸ್ಟ್ರೇಲಿಯಾ, ಕೆನಡಾ, ಇರಾಕ್, ಟರ್ಕಿಗಳನ್ನು ಎನ್‌ಐಎ ಕೋರಿತ್ತು. ಆರಿಬ್‌ಗೆ ಮರಣ ದಂಡನೆ ವೀಧಿಸುವುದಿಲ್ಲವಾದರೆ ಮಾತ್ರ ಸಾಕ್ಷ್ಯಗಳನ್ನು ವಿನಿಮಯ ಮಾಡುವುದಾಗಿ ಕೆನಡಾ ಹೇಳಿದ್ದರೆ, ಆಸ್ಟ್ರೇಲಿಯಾ ಕಾನೂನು ಕೂಡ ಮಾಹಿತಿ ಹಂಚಿಕೊಳ್ಳಲು ಅವಕಾಶ ಕಲ್ಪಿಸಿಲ್ಲ. ಆದರೂ ರಾಜನಾಥ್ ಸಿಂಗ್ ಅವರನ್ನು ಭೇಟಿಯಾದ ಸಂದರ್ಭದಲ್ಲಿ ಆಸ್ಟ್ರೇಲಿಯಾದ ಅಟಾರ್ನಿ ಜನರಲ್ ಜಾರ್ಜ್ ಬ್ರಂಡಿಸ್ ಮಾಹಿತಿ ವಿನಿಮಯಕ್ಕೆ ನೆರವಾಗುವುದಾಗಿ ಭರವಸೆ ನೀಡಿದ್ದರು. ಈ ಎರಡೂ ರಾಷ್ಟ್ರಗಳಲ್ಲಿ ಗಲ್ಲು ಶಿಕ್ಷೆಯನ್ನು ರದ್ದುಪಡಿಸಲಾಗಿದೆ ಎಂಬುದು ಗಮನಾರ್ಹ.
ಕಾನೂನು ಬಾಹಿರ ಚಟುವಟಿಕೆ ತಡೆ ಕಾಯಿದೆಯಡಿ ಆರಿಬ್ ವಿರುದ್ಧ ತನಿಖಾ ತಂಡವು 8,500 ಪುಟಗಳ ದೋಷಾರೋಪ ಪಟ್ಟಿ ಸಲ್ಲಿಸಿದೆ.
ಹೊಸದಿಲ್ಲಿ: ಐಸಿಸ್‌ಗೆ ಸದಸ್ಯರ ನೇಮಕ ಚಟುವಟಿಕೆ ನಡೆಸುತ್ತಿದ್ದು,ಕಳೆದ ವರ್ಷ ಬಂಧಿತನಾಗಿರುವ ಆರಿಬ್ ಮಜೀದ್‌ನ ವಿಚಾರಣೆ ನಡೆಸುತ್ತಿರುವ ರಾಷ್ಟ್ರೀಯ ತನಿಖಾ ತಂಡವು ಆತನಿಗೆ ಸಂಬಂಧಿಸಿದ ಇಂಟರ್ನೆಟ್, ಪ್ರಯಾಣ, ಹಣಕಾಸು ವ್ಯವಹಾರಗಳಿಗೆ ಸಂಬಂಧಿಸಿದ ಮಾಹಿತಿಯನ್ನು ನೀಡುವಂತೆ 5 ರಾಷ್ಟ್ರಗಳಿಗೆ ಮನವಿ ಸಲ್ಲಿಸಿದೆ.