ಜನಧನ್‌ ಠೇವಣಿ ಪ್ರವಾಹ ಕ್ಷೀಣ

ನ.10ರ ಬಳಿಕ ಜಮೆಯಾದ ಮೊತ್ತ: 28685 ಕೋಟಿ

ಹೊಸದಿಲ್ಲಿ: ನೋಟು ರದ್ದತಿ ಬಳಿಕ ಒಮ್ಮೆಂದೊಮ್ಮೆಗೇ ಭಾರಿ ಪ್ರಮಾಣದ ಠೇವಣಿ ಹೆಚ್ಚಳದೊಂದಿಗೆ ಸುದ್ದಿ ಮಾಡಿದ್ದ ಜನಧನ್‌ ಖಾತೆಗೆ ದುಡ್ಡು ಹಾಕುವ ವೇಗ ನವಂಬರ್‌ ಕೊನೆಯ ವಾರದಲ್ಲಿ ಕಡಿಮೆಯಾಗಿದೆ.

ನವಂಬರ್‌ 30ಕ್ಕೆ ಕೊನೆಗೊಂಡ ವಾರದಲ್ಲಿ ಜನಧನ್‌ ಖಾತೆಗಳಿಗೆ ಜಮೆಯಾದ ಒಟ್ಟು ಮೊತ್ತ 1,487 ಕೋಟಿ ರೂ. ಅದರ ಹಿಂದಿನ ವಾರ ಒಟ್ಟು 8,283 ಕೋಟಿ ರೂ. ಖಾತೆ ಸೇರಿತ್ತು. ನ.10ರ ಬಳಿಕ ಜನಧನ್‌ ಖಾತೆಗಳಿಗೆ ಜಮೆಯಾದ ಒಟ್ಟು ಮೊತ್ತ28685 ಕೋಟಿ ರೂ. ಎಂದು ಹಣಕಾಸು ಇಲಖೆ ತಿಳಿಸಿದೆ.

ಜನಧನ್‌ ಖಾತೆಗಳ ದುಡ್ಡಿನ ವಿವರ

ದಿನಾಂಕ ಖಾತೆಗಳು ಮೊತ್ತ

ನ. 9 25.5 ಕೋಟಿ 45,636 ಕೋಟಿ

ನ. 23 25.68 ಕೋಟಿ 72,834 ಕೋಟಿ

ನ. 30 25.85 ಕೋಟಿ 74,321 ಕೋಟಿ

ವಾರದ ಜಮಾ ಲೆಕ್ಕ

ನ.16-ನ.23 8,283 ಕೋಟಿ

ನ. 24-ನ.30 1,487 ಕೋಟಿ

ಅಘೋಷಿತ 1.64 ಕೋಟಿ ಪತ್ತೆ

ಹೊಸದಿಲ್ಲಿ: ಜನಧನ್‌ ಖಾತೆಗಳಿಗೆ ಒಮ್ಮಿಂದೊಮ್ಮೆಗೇ ಹಣ ಹರಿದು ಬಂದ ಬಗ್ಗೆ ತನಿಖೆ ನಡೆಸುತ್ತಿರುವ ಆದಾಯ ತೆರಿಗೆ ಇಲಾಖೆ, ಹಲವಾರು ಅಸಮಂಜಸತೆಗಳನ್ನು ಪತ್ತೆ ಹಚ್ಚಿದೆ.

ತೆರಿಗೆ ಮಿತಿಗಿಂತ ಕಡಿಮೆ ಆದಾಯವಿರುವವರು ಎನ್ನಲಾದ, ತೆರಿಗೆ ರಿಟರ್ನ್ಸ್‌ ಫೈಲ್‌ ಮಾಡದ ವ್ಯಕ್ತಿಗಳು 1.64 ಕೋಟಿಯಷ್ಟು ಮೊತ್ತವನ್ನು ಜಮೆ ಮಾಡಿರುವುದು ಬೆಳಕಿಗೆ ಬಂದಿದೆ. ಕೋಲ್ಕೊತಾ, ಮಿಡ್ನಾಪುರ, ಬಿಹಾರದ ಅರಾ, ಕೊಚ್ಚಿ, ವಾರಾಣಸಿಗಳಲ್ಲಿ ಈ ವ್ಯತ್ಯಾಸ ಕಂಡುಬಂದಿದ್ದು, ಬಿಹಾರದಲ್ಲಿ ಒಂದು ಖಾತೆಯಿಂದ 40 ಲಕ್ಷ ರೂ.ವನ್ನು ವಶಪಡಿಸಿಕೊಳ್ಳಲಾಗಿದೆ.