ಸಾಮಾಜಿಕ ಜಾಲತಾಣದಲ್ಲಿ ಸಖತ್‌ ಸದ್ದು ಮಾಡುತ್ತಿರುವ 'ಕಿರಿಕ್‌ ಪಾರ್ಟಿ' ಸಿನಿಮಾದ ನಿರ್ದೇಶಕ ರಿಷಭ್‌ ಶೆಟ್ಟಿ ಸಿನಿಮಾ ಬಿಡುಗಡೆಗೆ ಮುನ್ನವೇ ಮತ್ತೊಂದು ಸಿನಿಮಾ ಮಾಡುವ ಆಫರ್‌ ಪಡೆದಿದ್ದಾರೆ. ಅವರ ಮುಂದಿನ ಸಿನಿಮಾದಲ್ಲಿ ನಾಯಕರಾಗಿ ರಂಗಿತರಂಗ ಖ್ಯಾತಿಯ ನಿರೂಪ್‌ ಭಂಡಾರಿ ನಟಿಸುತ್ತಿದ್ದಾರೆ. ರಂಗಿತರಂಗ ಸಿನಿಮಾದ ನಿರ್ದೇಶಕರಾದ ಅನೂಪ್‌ ಭಂಡಾರಿ ಅವರು ಬರೆದಿರುವ ಕತೆಗೆ ರಿಷಬ್‌ ಆ್ಯಕ್ಷನ್‌ ಕಟ್‌ ಹೇಳಲಿದ್ದಾರೆ. 2017ರ ಮಾರ್ಚ್‌ನಲ್ಲಿ ಈ ಸಿನಿಮಾ ಆರಂಭವಾಗಲಿದ್ದು 90 ರ ದಶಕದ ಗ್ಯಾಂಗ್‌ಸ್ಟರ್‌ ಕತೆಯನ್ನು ಈ ಸಿನಿಮಾ ಹೊಂದಿದೆ. ಈ ಬಗ್ಗೆ ಸಾಕಷ್ಟು ಎಕ್ಸೈಟ್‌ ಆಗಿರುವ ರಿಷಬ್‌ ಈ ಸಿನಿಮಾದಲ್ಲಿ ನಿರೂಪ್‌ ಅವರು ಬೇರೆ ರೀತಿಯ ಲುಕ್‌ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂದಿದ್ದಾರೆ.ನಿರೂಪ್‌ ಅವರ ಹೇರ್‌ಸ್ಟೈಲ್‌ ಸೇರಿದಂತೆ ಎಲ್ಲವೂ ವಿಭಿನ್ನವಾಗಲಿದ್ದು ಈ ಸಿನಿಮಾ ಮೂಲಕ ನಿರೂಪ್‌ ಒಬ್ಬ ಆ್ಯಕ್ಷನ್‌ ಸ್ಟಾರ್‌ ಆಗಿ ಹೊರಹೊಮ್ಮಲಿದ್ದಾರೆ ಎಂದಿದ್ದಾರೆ. ಈ ಸಿನಿಮಾವನ್ನು ಅನೂಪ್‌ ಭಂಡಾರಿಯವರೇ ನಿರ್ಮಾಣ ಮಾಡಲಿದ್ದಾರೆ. ಸಧ್ಯ ನಿರೂಪ್‌ ಬಿಟ್ಟರೆ ಬೇರೆ ಯಾವ ಪಾತ್ರವರ್ಗವೂ ಸಿನಿಮಾಗೆ ಆಯ್ಕೆಯಾಗಿಲ್ಲವಂತೆ.
↧
ನಿರೂಪ್‌ಗೆ ರಿಷಬ್‌ ಆ್ಯಕ್ಷನ್‌ ಕಟ್‌
↧