ದರ್ಶನ್‌ 49ನೇ ಚಿತ್ರ ಮುಂದಿನ ತಿಂಗಳು ಸೆಟ್ಟೇರುವುದು ಖಚಿತವಾಗಿದ್ದು, ಮೊಟ್ಟ ಮೊದಲಿಗೆ ಮಿಲನ ಪ್ರಕಾಶ್‌ ದರ್ಶನ್‌ ಸಿನಿಮಾ ನಿರ್ದೇಶಿಸುತ್ತಿದ್ದಾರೆ. ಇದಕ್ಕೆ ನಾಯಕಿ ಯಾರಾಗುತ್ತಾರೆಂದು ಅಭಿಮಾನಿಗಳು ಕೂಡ ಕಾಯುತ್ತಿದ್ದರು. ಈಗ ಆ ಸುದ್ದಿಗೆ ಬ್ರೇಕ್‌ ಬಿದ್ದಿದ್ದು™, ಶ್ರುತಿ ಹರಿಹರನ್‌ ಹೆಸರು ಪೈನಲ್‌ ಆಗುವ ಸಾಧ್ಯತೆ ಇದೆ.
ಈ ಸುದ್ದಿಯನ್ನು ನಿರ್ದೇಶಕರು ಖಚಿತಪಡಿಸಿದ್ದು, ಸ್ವತಃ ಶ್ರುತಿ ಕೂಡಾ ದರ್ಶನ್‌ ಜತೆ ನಟಿಸಲು ಕಾತುರರಾಗಿರುವ ಬಗ್ಗೆ ತಿಳಿಸಿದ್ದಾರೆ. ದರ್ಶನ್‌ ಜತೆ ನಟಿಸುವುದಕ್ಕೆ ತುಂಬಾ ಥ್ರಿಲ್‌ ಆಗಿದೆ ಎಂದು ಅವರು ಲವಲವಿಕೆ ಜತೆ ಮಾತನಾಡುತ್ತಾ ಹೇಳಿದ್ದಾರೆ.
"ನಮ್ಮ ಸಿನಿಮಾ ಬಗ್ಗೆ ಶ್ರುತಿ ಅವರ ಜತೆ ಮಾತುಕತೆ ಮಾಡಿದ್ದೇವೆ. ಕೊನೆಯ ಹಂತದ ಮಾತುಕತೆಗಳು ಮಾತ್ರ ಬಾಕಿ ಇವೆ., ಎಂದಿದ್ದಾರೆ ನಿರ್ದೇಶಕ ಪ್ರಕಾಶ್‌. ಈ ಸಿನಿಮಾಗೆ ಕೃಷ್ಣಕುಮಾರ್‌ ಕ್ಯಾಮೆರಾ ಮತ್ತು ಅರ್ಜುನ್‌ ಜನ್ಯ ಸಂಗೀತವಿರುತ್ತದೆ ಎಂದು ಮಾಹಿತಿ ನೀಡಿದ್ದಾರೆ.
ದರ್ಶನ್‌ ಜತೆ ತೆರೆ ಹಂಚಿಕೊಳ್ಳುತ್ತಿರುವ ಬಗ್ಗೆ ಸಂತಸ ವ್ಯಕ್ತಪಡಿಸಿರುವ ಶ್ರುತಿ "ದರ್ಶನ್‌ ಅಭಿಮಾನಿ ಪಾತ್ರದಲ್ಲಿನಟಿಸಿದ್ದ ನನಗೆ ಅವರದ್ದೇ ಸಿನಿಮಾದಲ್ಲಿನಾಯಕಿಯಾಗಿ ನಟಿಸಲು ಆಫರ್‌ ಬಂದಿರುವುದು ನಿಜ. ಕೊನೆಯ ಹಂತದ ಮಾತುಕತೆಗಳು ನಡೆಯುತ್ತಿವೆ. ಮಿಲನ, ರಿಷಿ ಯಂತಹ ಭಾವಾನತ್ಮಕ ಸಿನಿಮಾಗಳನ್ನು ನಿರ್ದೇಶಿಸಿರುವ ಪ್ರಕಾಶ್‌ ಅವರ ಜತೆ ಕೆಲಸ ಮಾಡಲು ನನಗೆ ಸಂತೋಷವಾಗುತ್ತದೆ. ಕೌಟುಂಬಿಕ ಕತೆಯುಳ್ಳ ಸಿನಿಮಾ ಇದಾಗಿದ್ದು ನನಗೆ ಹೇಳಿರುವ ಪಾತ್ರವಾಗಿದೆ., ಎಂದಿದ್ದಾರೆ.
ಸದ್ಯಕ್ಕೆ ಕನ್ನಡದಲ್ಲಿಬಿಡುವಿಲ್ಲದೆ ನಟಿಸುತ್ತಿರುವ ಶ್ರುತಿ, "ಮತ್ತೆ ಹುಟ್ಟಿ ಬಾ ಉಪೇಂದ್ರ, ಊರ್ವಿ, ಕನ್ನಡ ಮತ್ತು ತಮಿಳಿನಲ್ಲಿತಯಾರಾಗುತ್ತಿರುವ "ವಿಸ್ಮಯ, ಎಂಬ ಸಿನಿಮಾದಲ್ಲಿಹಿರಿಯ ನಟ ಅರ್ಜುನ್‌ಸರ್ಜಾ ಪತ್ನಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ.
ಇದೆಲ್ಲದರ ಜತೆಗೆ ಶ್ರುತಿ ತಮ್ಮದೇ ಆದ ಒಂದು ಪ್ರೋಡಕ್ಷನ್‌ ಹೌಸ್‌ ಸಹ ಆರಂಭಿಸಿದ್ದರು. ಈ ನಿರ್ಮಾಣ ಸಂಸ್ಥೆಯಿಂದ ಮೊದಲ ಬಾರಿಗೆ "ಲಾಸ್‌್ಟ ಕನ್ನಡಿಗ, ಎಂಬ ಕಿರು ಚಿತ್ರವನ್ನು ನಿರ್ಮಾಣ ಮಾಡುತ್ತಿದ್ದಾರೆ ಎಂದು ಸುದ್ದಿಯಾಗಿತ್ತು™. ಈಗ ಈ ಕಿರು ಚಿತ್ರ ಬಿಡುಗಡೆಗೆ ತಯಾರಾಗಿದೆ. ಕಿರು ಚಿತ್ರ ಬಿಡುಗಡೆಗೆ ಮುನ್ನ ಅದರ ಟೀಸರ್‌ನ್ನು ಫೇಸ್‌ಬುಕ್‌ನಲ್ಲಿಬಿಡುಗಡೆ ಮಾಡಲು ತಯಾರಿ ನಡೆಸಿದ್ದಾರಂತೆ.
ಒಟ್ಟೊಟ್ಟಿಗೆ ನಾಲ್ಕೈದು ಚಿತ್ರಗಳಲ್ಲಿನಟಿಸುತ್ತಿದ್ದೇನೆ. 2017ರಲ್ಲಿಕೈ ತುಂಬಾ ಚಿತ್ರಗಳಿವೆ. ಒಂದು ರೀತಿಯಲ್ಲಿ ಸಂತೋಷ ಇನ್ನೊಂದು ಕಡೆ ಭಯ. ವಿಸ್ಮಯ, ಮತ್ತೆ ಹುಟ್ಟು ಬಾ ಉಪೇಂದ್ರ ಸೇರಿ ಮೂರು ಸಿನಿಮಾಗಳಲ್ಲಿ ಸ್ಟಾರ್‌ನಟರೊಂದಿಗೆ ನಟಿಸುತ್ತಿದ್ದೇನೆ. ಇನ್ನು ದರ್ಶನ್‌ ಅವರ ಜತೆ ನಟಿಸಲು ನಾನು ಎದುರು ನೋಡುತ್ತಿದ್ದೇನೆ.
-ಶ್ರುತಿ ಹರಿಹರನ್‌, ನಟಿ
ಅಪ್ಪಟ ಕನ್ನಡದ ಹುಡುಗಿ ಶ್ರುತಿ ಹರಿಹರನ್‌ ದರ್ಶನ್‌ ಹೊಸ ಚಿತ್ರದ ನಾಯಕಿಯಾಗಿ ಆಯ್ಕೆಯಾಗುವ ಸಾಧ್ಯತೆ ಇದ್ದು, ಈ ಬಗ್ಗೆ ಮಾತುಕತೆಗಳು ಅಂತಿಮ ಹಂತದಲ್ಲಿವೆ.