ರಕ್ಷಿತ್‌ ಶೆಟ್ಟಿ ಅಭಿನಯದ ಹೊಸ ಚಿತ್ರ ಹಾಡೊಂದನ್ನು ದಾಖಲೆ ಪ್ರಮಾಣದಲ್ಲಿ ಜನ ಆನ್‌ಲೈನ್‌ನಲ್ಲಿ ನೋಡಿದ್ದಾರೆ. ತಿರುಬೋಕಿ ಜೀವನ ಎಂಬ ಹಾಡು ವೈರಲ್‌ ಆಗಿದೆ. ಸ್ನೇಹಿತರಾದ ರಿಷಬ್‌ ಶೆಟ್ಟಿ ಮತ್ತು ರಕ್ಷಿತ್‌ ಶೆಟ್ಟಿ ಕೂಡಿ ಮಾಡಿರುವ ಚಿತ್ರ ಇದು. ಮುಖ್ಯ ಪಾತ್ರದಲ್ಲಿ ರಕ್ಷಿತ್‌ ಶೆಟ್ಟಿ ನಟಿಸಿದ್ದು, ರಿಷಬ್‌ ನಿರ್ದೇಶನ ಮಾಡಿದ್ದಾರೆ. ಚಿತ್ರದ ಹಾಡೊಂದು ಈಗ ಆನ್‌ಲೈನ್‌ನಲ್ಲಿ ಹರಿದಾಡುತ್ತಿದೆ. ಇದನ್ನು ರಿಲೀಸ್‌ ಮಾಡಿದ ಎರಡೇ ದಿನಗಳಲ್ಲಿ ಒಂದು ಲಕ್ಷ ಜನರು ನೋಡಿದ್ದಾರೆ. ಚಿತ್ರದಲ್ಲಿ ಕರ್ಣನ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ರಕ್ಷಿತ್‌ ಮತ್ತು ಸ್ನೇಹಿತರ ಗ್ಯಾಂಗ್‌ ಕಾಲೇಜಿನಿಂದ ಸಸ್ಪೆಂಡ್‌ ಆದಾಗ ಈ ಹಾಡನ್ನು ಅಳವಡಿಸಲಾಗಿದೆ. ಈ ಹಾಡನ್ನು ರಕ್ಷಿತ್‌ ಅವರೇ ಬರೆದಿದ್ದಾರೆ. ಅಜನೀಶ್‌ ಲೋಕ್‌ನಾಥ್‌ ಸಂಗೀತ ಸಂಯೋಜನೆ ಮಾಡಿ ತಾವೇ ಹಾಡಿದ್ದಾರೆ. ಹಾಡಿನಲ್ಲಿ ಸಹಕಲಾವಿದರಾದ ಅರವಿಂದ್‌ ಅಯ್ಯರ್‌, ರಶ್ಮಿಕಾ ಮಂದಣ್ಣ, ಧನಂಜಯ್‌ ರಂಜನ್‌, ಅಶ್ವಿನ್‌ ರಾವ್‌, ಚಂದನ್‌ ಆಚಾರ್‌, ಶಂಕರ ಮೂರ್ತಿ ಮತ್ತಿತರರು ಕಾಣಿಸಿಕೊಂಡಿದ್ದಾರೆ. ಚಿತ್ರದಲ್ಲಿ ಕಾಲೇಜು ಹುಡುಗರ ಲೈಫ್‌ ಸ್ಟೋರಿ ಇದೆ. ರಕ್ಷಿತ್‌ ಎರಡು ಶೇಡ್‌ಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಕಾಲೇಜಿನ ತರಲೆ ಸ್ಟೂಡೆಂಟ್‌ ಆಗಿ ಅವರು ನಟಿಸಿದ್ದಾರೆ.
↧
ತಿರುಬೋಕಿ ವೈರಲ್‌
↧