ಹೊಸದಿಲ್ಲಿ: ನೋಟುಗಳ ಅಮಾನ್ಯತೆ ಮತ್ತು ಆರ್ಥಿಕ ಸುಧಾರಣೆಗಳ ಪರಿಣಾಮ ಭಾರತೀಯ ಆರ್ಥಿಕ ಬೆಳವಣಿಗೆ ಮುಂದಿನ 12 ತಿಂಗಳಲ್ಲಿ ಕುಸಿತ ಕಾಣಲಿದೆ. ಜಿಡಿಪಿ ಶೇ.1ರಷ್ಟು ಇಳಿಕೆಯಾಗುವ ಸಾಧ್ಯತೆ ಇದೆ ಎಂದು ಜಾಗತಿಕ ಹಣಕಾಸು ಸೇವೆಗಳ ಕಂಪನಿ ಎಚ್‌ಎಸ್‌ಬಿಸಿ ವರದಿಯಲ್ಲಿ ಹೇಳಲಾಗಿದೆ. ''ಭಾರತ ಸರಕಾರದ ನೋಟುಗಳ ಅಮಾನ್ಯತೆಯಿಂದ ದೇಶಕ್ಕೆ ಕೆಲವು ಅನುಕೂಲ ಮತ್ತು ನಷ್ಟ ಎರಡೂ ಸಂಭವಿಸಲಿವೆ. ಜಿಡಿಪಿಯು ಶೇ.0.7ರಿಂದ 1.0 ತನಕ ಇಳಿಕೆಯಾಗುವ ಅವಕಾಶಗಳಿವೆ. ತಕ್ಷಣದ ಎರಡು ತ್ರೈಮಾಸಿಕದಲ್ಲಿ ನೋಟು ಅಮಾನ್ಯತೆಯ ಗರಿಷ್ಠ ಪರಿಣಾಮಗಳು ಉಂಟಾಗಲಿವೆ,'' ಎಂದು ಅಧ್ಯಯನ ವರದಿಯಲ್ಲಿ ಎಚ್‌ಎಸ್‌ಬಿಸಿ ಹೇಳಿದೆ. ನೋಟುಗಳ ಅಮಾನ್ಯತೆಯಿಂದ ಸಕಾರಾತ್ಮಕ ಪರಿಣಾಮಗಳೂ ಇವೆ. ನೋಟುಗಳ ಬದಲಿಸಿಕೊಳ್ಳುವ ನಿಟ್ಟಿನಲ್ಲಿ ಹೆಚ್ಚಿನ ಹಣವು ಬ್ಯಾಂಕ್‌ಗಳಲ್ಲಿ ಸಂಗ್ರಹವಾಗಲಿದೆ. ಡಿಸೆಂಬರ್‌ ಹೊತ್ತಿಗೆ ಬ್ಯಾಂಕ್‌ಗಳಿಗೆ ಹೆಚ್ಚಿನ ಹಣ ಹರಿದು ಬರಲಿದೆ,'' ಎಂದು ವಿಶ್ಲೇಷಿಸಲಾಗಿದೆ.
↧
ಭಾರತದ ಜಿಡಿಪಿ ಶೇ.1 ಕುಸಿತ: ಎಚ್‌ಎಸ್‌ಬಿಸಿ ಅಂದಾಜು
↧