ಮುಂಬಯಿ: ನಕಲಿ ನಾಣ್ಯಗಳು ಮಾರುಕಟ್ಟೆಯಲ್ಲಿದ್ದು 10 ರೂ. ನಾಣ್ಯದ ಚಲಾವಣೆಯನ್ನು ರದ್ದುಗೊಳಿಸಲಾಗಿದೆ ಎನ್ನುವ ವದಂತಿಗಳಿದ್ದು, ಇದೆಲ್ಲವನ್ನೂ ಭಾರತೀಯ ರಿಸರ್ವ್‌ ಬ್ಯಾಂಕ್‌ ಭಾನುವಾರ ತಳ್ಳಿಹಾಕಿದೆ. ''ಎಂದಿನಂತೆಯೇ 10 ರೂ. ನಾಣ್ಯದ ಚಲಾವಣೆ ಮುಂದುವರಿಯಲಿದೆ. ಈ ಬಗೆಗಿನ ವದಂತಿಗಳನ್ನು ನಂಬಬೇಡಿ. ನಾಣ್ಯ ಸ್ವೀಕಾರಕ್ಕೆ ಅನುಮಾನಗಳು ಬೇಡ,'' ಎಂದು ಆರ್‌ಬಿಐ ಪ್ರಕಟಣೆಯಲ್ಲಿ ಹೇಳಲಾಗಿದೆ. 2011ರ ಜುಲೈನಲ್ಲಿ ಬಂದ 10 ರೂ. ನಾಣ್ಯದಲ್ಲಿ ರೂಪಾಯಿ ಚಿಹ್ನೆಯಿದೆ. ಇದೇ ಮೊತ್ತದ ಹಿಂದಿನ ನಾಣ್ಯಗಳಲ್ಲಿ ಚಿಹ್ನೆಯಿಲ್ಲ. ಇಂಥ ನಾಣ್ಯಗಳನ್ನು ನಕಲಿಯೆಂದು ಬಿಂಬಿಸಿ ವದಂತಿ ಸೃಷ್ಟಿಸಲಾಗಿತ್ತು.
↧
10 ರೂ. ನಾಣ್ಯ: ಆರ್‌ಬಿಐ ಸ್ಪಷ್ಟೀಕರಣ
↧