ಬೆಂಗಳೂರು: ಆಭರಣ ಕ್ಷೇತ್ರದಲ್ಲಿ ಗಮನ ಸೆಳೆದಿರುವ ಜೋಯಾಲುಕ್ಕಾಸ್‌ ಇದೀಗ, ತನ್ನ ವ್ಯಾಪ್ತಿಯನ್ನು ಅಮೆರಿಕಕ್ಕೂ ವಿಸ್ತರಿಸಿಕೊಂಡಿದೆ. ಅಮೆರಿಕಾದಲ್ಲಿ ತನ್ನ ಮೊದಲ ಶೋರೂಮ್‌ಗೆ ಶನಿವಾರ(ನ.19) ಜೋಯಾಲುಕ್ಕಾಸ್‌ ಚಾಲನೆ ನೀಡಲಿದೆ. ಹ್ಯೂಸ್ಟನ್‌ನ ಹಿಲ್‌ಕ್ರಾಫ್ಟ್‌ನಲ್ಲಿ ತನ್ನ ಶೋರೂಮ್‌ ತೆರೆಯುವ ಮೂಲಕ ಜಾಗತಿಕ ಮಟ್ಟದಲ್ಲಿ ಅಸ್ತಿತ್ವವನ್ನು ವಿಸ್ತರಿಸಿದಂತಾಗಿದೆ. ''ಅಮೆರಿಕದಲ್ಲಿ ಶೋರೂಮ್‌ ತೆರೆಯುತ್ತಿರುವುದು ನಮಗೆ ಹೆಚ್ಚಿನ ಸಂತೋಷ ನೀಡಿದೆ. ಇಲ್ಲಿ ದೊಡ್ಡ ಸಂಖ್ಯೆಯಲ್ಲಿ ಭಾರತೀಯರು ನೆಲೆಸಿದ್ದು, ತಮ್ಮ ನೆಚ್ಚಿನ ಆಭರಣಗಳನ್ನು ಖರೀದಿಸಲು ಅನುಕೂಲವಾಗಲಿದೆ,'' ಎಂದು ಜೋಯಾಲುಕ್ಕಾಸ್‌ ಗ್ರೂಪ್‌ ಮುಖ್ಯಸ್ಥ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಜೋಯ್‌ ಅಲುಕ್ಕಾಸ್‌ ಅಭಿಪ್ರಾಯಪಟ್ಟಿದ್ದಾರೆ. ಈಗಾಗಲೇ ಭಾರತ ಮಾತ್ರವಲ್ಲದೇ, ಯುಎಇ, ಕಿಂಗ್‌ಡಮ್‌ ಆಫ್‌ ಸೌದಿ ಅರೇಬಿಯಾ, ಬಹ್ರೇನ್‌, ಓಮನ್‌, ಕುವೈತ್‌, ಸಿಂಗಾಪುರ, ಮಲೇಷಿಯಾ, ಬ್ರಿಟನ್‌ನಲ್ಲಿ ತನ್ನ ಶೋರೂಮ್‌ಗಳನ್ನು ಜೋಯಾಲುಕ್ಕಾಸ್‌ ಹೊಂದಿದೆ.
↧
ಅಮೆರಿಕದಲ್ಲಿ ಜೋಯಾಲುಕ್ಕಾಸ್‌ ಶೋರೂಮ್‌
↧