ಗ್ರಾಮದ 8 ವರ್ಷದ ಬಾಲಕಿ ನಿಕಿತಾ ನವೆಂಬರ್‌ 1ರ ರಾತ್ರಿ ಬಯಲಿನಲ್ಲಿ ಬಹಿರ್ದಸೆಗೆ ತೆರಳಿದ್ದಾಗ ಚಿರತೆ ದಾಳಿಯಿಂದ ಮೃತಪಟ್ಟಿದ್ದಳು. ಘಟನೆ ನಂತರ ಅರಣ್ಯ ಇಲಾಖೆ ಸಿಬ್ಬಂದಿ ಚಿರತೆಯನ್ನು ಸೆರೆ ಹಿಡಿದು ಬೋನಿನಲ್ಲಿ ಇರಿಸಿದ್ದರು. ಬೋನನ್ನು ತಮ್ಮ ವಶಕ್ಕೆ ಪಡೆದ ಉದ್ರಿಕ್ತ ಗ್ರಾಮಸ್ಥರು, ನವೆಂಬರ್‌ 2ರ ಮಧ್ಯರಾತ್ರಿ ಅದರ ಮೇಲೆ ಪೆಟ್ರೋಲ್‌ ಸುರಿದು ಬೆಂಕಿ ಹಚ್ಚಿದ್ದರು.
Disclaimer: ಚಿರತೆಯ ಸುಟ್ಟು ಕರಕಲಾದ ಚಿತ್ರದಿಂದ ಮನೋದ್ವೇಗ ಉಂಟಾಗಬಹುದು. ನೋಡಬಹುದಾಗಿದ್ದರೆ ಮಾತ್ರ ಕೆಳಗೆ ಸ್ಕ್ರಾಲ್ ಮಾಡಿ.
ಅಪರಿಚಿತ ವ್ಯಕ್ತಿಗಳ ವಿರುದ್ಧ ದೂರು ದಾಖಲಿಸಿರುವ ಅರಣ್ಯ ಇಲಾಖೆ, ಈ ಸಂಬಂಧ ತನಿಖೆ ಆರಂಭಿಸಿದೆ. ಬೋನನ್ನು ವಶಕ್ಕೆ ಪಡೆದ ಅರಣ್ಯ ಇಲಾಖೆ, ಸುಟ್ಟು ಕರಕಲಾಗಿರುವ ಚಿರತೆ ದೇಹವನ್ನು ವಿಧಿ ವಿಜ್ಞಾನ ಪ್ರಯೋಗಾಲಯಕ್ಕೆ ಕಳುಹಿಸಲಾಗಿದೆ.
ಗುಜರಾತಿನ ಅರಣ್ಯ ಹಾಗೂ ಪರಿಸರ ಸಚಿವ ಗಣಪತ್‌ ವಾಸ್ವಾ ಅವರ ಹುಟ್ಟೂರಾದ ವಾಡಿ ಗ್ರಾಮದಲ್ಲಿ ಈ ಘಟನೆ ನಡೆದಿದೆ. ಗ್ರಾಮಕ್ಕೆ ಭೇಟಿ ನೀಡಿದ್ದ ವಾಸ್ವಾ, ಮೃತ ಬಾಲಕಿಯ ಕುಟುಂಬಕ್ಕೆ ಸಾಂತ್ವನ ಹೇಳಿ 4 ಲಕ್ಷ ರೂ. ಪರಿಹಾರ ಘೋಷಿಸಿದ್ದಾರೆ.
Leopard burnt alive: A leopard was allegedly burnt alive by some villagers of Vadi of Umarpada Taluka of Surat. the leopard killed Nikita, 8 years old girl of village on November 1.
ಸೂರತ್‌: ಬಾಲಕಿಯನ್ನು ಕೊಂದ ಚಿರತೆಯನ್ನು ಸೂರತ್‌ನ ಉಮ್ರಪಾದ ತಾಲೂಕಿನ ವಾಡಿಯ ಗ್ರಾಮಸ್ಥರು ಜೀವಂತವಾಗಿ ಸುಟ್ಟಿದ್ದಾರೆ.
