ಮುಕ್ಕೊಮ್‌ನ ಇಎಂಎಸ್‌ ಆಸ್ಪತ್ರೆಯಲ್ಲಿ ಬುಧವಾರ ಮಧ್ಯಾಹ್ನ 1.30ಕ್ಕೆ ಅಬೂಬಕರ್‌ ಪತ್ನಿ ಗಂಡು ಮಗುವಿಗೆ ಜನ್ಮ ನೀಡಿದ್ದರು. ಗುರುವಾರ ಸಂಜೆ 7.30ರವರೆಗೆ ಮಗುವಿಗೆ ಹಾಲುಣಿಸಲು ಆತ ಅವಕಾಶ ನೀಡಲಿಲ್ಲ ಎಂದು ಆಸ್ಪತ್ರೆ ಸಿಬ್ಬಂದಿ ತಿಳಿಸಿದ್ದಾರೆ.
ಮಗು ಜನಿಸಿದ ಬಳಿಕ ಐದು ಆಜಾನ್‌ ಆಗುವವರೆಗೂ ಹಾಲುಣಿಸಬಾರದೆಂಬ ಧರ್ಮಬೋಧಕರ ನಿರ್ದೇಶನದ ಮೇರೆಗೆ ಆತ, ಮಗುವಿಗೆ ಹಾಲುಣಿಸಲು ಪತ್ನಿಗೆ ಅವಕಾಶ ನೀಡಿರಲಿಲ್ಲ. ಪಟ್ಟು ಬಿಡಿದ ಅಬೂಬಕರ್‌ ವಿರುದ್ಧ ಆಸ್ಪತ್ರೆ ಸಿಬ್ಬಂದಿ ಪೊಲೀಸರಿಗೆ ದೂರು ನೀಡಿದ್ದರು. ಆಸ್ಪತ್ರೆಗೆ ಭೇಟಿ ನೀಡಿದ ಪೊಲೀಸ್‌ ಅಧಿಕಾರಿ ಸಹ ಆತನ ಮನವೊಲಿಸುವ ಪ್ರಯತ್ನ ಮಾಡಿದ್ದರು. ಈ ಸಂಬಂಧ ರಾಜ್ಯ ಮಕ್ಕಳ ರಕ್ಷಣಾ ಇಲಾಖೆ ತನಿಖೆಗೆ ಆದೇಶಿಸಿದೆ.
'ರಾತ್ರಿ 7.30ರ ನಂತರ ಆತ ಪತ್ನಿಯನ್ನು ಬಲವಂತವಾಗಿ ಆಸ್ಪತ್ರೆಯಿಂದ ಕರೆದುಕೊಂಡು ಹೋದ. ಆಮೇಲೆ ಏನಾಯಿತು ತಿಳಿಯಲಿಲ್ಲ. ಮಗುವಿನ ರಕ್ತ ಪರೀಕ್ಷೆ ನಡೆಸಲು ಸಹ ಕುಟುಂಬ ಸದ್ಯರು ಅವಕಾಶ ನೀಡಲಿಲ್ಲ,'ಎಂದು ಆಸ್ಪತ್ರೆ ಅಧಿಕಾರಿಗಳು ತಿಳಿಸಿದ್ದಾರೆ.
ಆದರೆ, ಸಂಬಂಧಿಕರೊಬ್ಬರ ಮನವೊಲಿಸಿದ ನಂತರ ಅಬೂಬಕರ್‌ಗೆ ತಿಳಿಯದಂತೆ ಮಗುವಿಗೆ ಹಾಲುಣಿಸಲಾಗಿತ್ತು ಎಂದು ಪೊಲೀಸರು ತಿಳಿಸಿದ್ದಾರೆ.
'ಹೊಕ್ಕಳ ಬಳ್ಳಿಯಲ್ಲಿರುವ ಪೌಷ್ಟಿಕಾಂಶಗಳು ಮಗು 24 ತಾಸು ಬದುಕುಳಿಯಲು ಸಾಕಾಗುತ್ತದೆ' ಎಂದು ಅಬೂಬಕರ್‌ ಹೇಳಿದ್ದಾನೆ.
'ಮಗುವಿನ ಹಕ್ಕನ್ನು ಕಸಿದುಕೊಳ್ಳುವ ಪ್ರಯತ್ನವನ್ನು ಗಂಭೀರವಾಗಿ ಪರಿಗಣಿಸಲಾಗುವುದು. ಇದನ್ನು ಧಾರ್ಮಿಕ ಆಚರಣೆ ಎಂದು ಪರಿಗಣಿಸಲಾಗದು,'ಎಂದು ಮಕ್ಕಳ ರಕ್ಷಣಾ ಇಲಾಖೆ ಅಧಿಕಾರಿ ಕೆ.ನಾಜಿರ್‌ ಹೇಳಿದ್ದಾರೆ.
Dad denies newborn breast milk: A newborn was denied breast milk for over 24 hours after delivery at EMS Hospital, Mukkom here reportedly for religious reasons.
ಕೋಯಿಕ್ಕೋಡ್: ಕೇರಳದ ಧರ್ಮಾಂಧ ತಂದೆ, ಮಗು ಜನಿಸಿ 24 ತಾಸು ಕಳೆದರೂ ಎದೆಹಾಲು ಕುಡಿಸಲು ತಾಯಿಗೆ ಅವಕಾಶ ನೀಡಿಲ್ಲ.