ಅಖಿಲ ಭಾರತ ಅಂತರ್‌ ವಿವಿ ಈಜು ಬೆಂಗಳೂರು: ಚಂಡೀಗಢದ ಪಂಜಾಬ್‌ ವಿಶ್ವವಿದ್ಯಾನಿಲಯದ ಆಶ್ರಯದಲ್ಲಿ ನಡೆಯುತ್ತಿರುವ ಅಂತರ್‌ ವಿಶ್ವವಿದ್ಯಾನಿಲಯ ಈಜು ಚಾಂಪಿಯನ್‌ಷಿಪ್‌ನಲ್ಲಿ ಬೆಂಗಳೂರಿನ ಜೈನ್‌ ವಿಶ್ವವಿದ್ಯಾನಿಲಯದ ತಂಡ ವನಿತೆಯರ 4x100 ಮೀ. ಮೆಡ್ಲೆ ರಿಲೇಯಲ್ಲಿ ಚಿನ್ನದ ಪದಕ ಗೆದ್ದಿದೆ. ಚಾಂಪಿಯನ್‌ಷಿಪ್‌ನ ಎರಡನೇ ದಿನದ ಮುಕ್ತಾಯಕ್ಕೆ ಜೈನ್‌ ವಿವಿ 1 ಚಿನ್ನ, 2 ಬೆಳ್ಳಿ ಹಾಗೂ 1 ಕಂಚಿನ ಪದಕಗಳೊಂದಿಗೆ ಉತ್ತಮ ಸಾದನೆ ಮಾಡಿದೆ. ಸುಶಾಕ ಪ್ರತಾಪ್‌, ಶೃತಿ ಮಹಾಲಿಂಗಂ, ಮೀನಾಕ್ಷಿ ವಿಕೆಆರ್‌ ಹಾಗೂ ಪೂರ್ವ ಶೆಟ್ಟಿ ಅವರನ್ನೊಳಗೊಂಡ ಜೈನ್‌ ತಂಡ 4 ನಿಮಿಷ 52.71 ಸೆಕೆಂಡುಗಳಲ್ಲಿ ಗುರಿ ತಲುಪಿ ಚಿನ್ನ ಗೆದ್ದಿತು. ಪುರುಷರ 100 ಮೀ. ಬಟರ್‌ಫ್ಲೈ ವಿಭಾಗದಲ್ಲಿ ಜೈನ್‌ನ ರಕ್ಷಿತ್‌ ಶೆಟ್ಟಿ 58.19 ಸೆಕೆಂಡುಗಳಲ್ಲಿ ಗುರಿ ತಲುಪಿ ಬೆಳ್ಳಿ ಗೆದ್ದರು. ಈ ವಿಭಾಗದಲ್ಲಿ ಗುರುನಾನಕ್‌ ದೇವ್‌ ವಿಶ್ವವಿದ್ಯಾನಿಲಯದ ಅಮನ್‌ ಘಾಯ್‌ ಚಿನ್ನ ಗೆದ್ದರು. ಈ ವಿಭಾಗದಲ್ಲಿ ಕರ್ನಾಟಕ ವಿಶ್ವವಿದ್ಯಾನಿಲಯ ಅವಿನಾಶ್‌ ಎಂ. ನಾಲ್ಕನೇ ಸ್ಥಾನ ಪಡೆದರು. ವನಿತೆಯರ 50 ಮೀ. ಬ್ಯಾಕ್‌ಸ್ಟ್ರೋಕ್‌ನಲ್ಲಿ ಜೈನ್‌ ವಿಶ್ವವಿದ್ಯಾನಿಲಯದ ಮೀನಾಕ್ಷಿ ಕುಬೇರ್‌ 32.54 ಸೆಕೆಂಡುಗಳಲ್ಲಿ ಗುರಿ ತಲುಪಿ ಕಂಚಿನ ಪದಕ ಗೆದ್ದರು. 100 ಮೀ, ಬಟರ್‌ಫ್ಲೈ ವಿಭಾಗದಲ್ಲಿ ಮೀನಾಕ್ಷಿ ಕುಬೇರ್‌ 1 ನಿಮಿಷ 7.88 ಸೆಕೆಂಡುಗಳಲ್ಲಿ ಗುರಿ ತಲುಪಿ ಬೆಳ್ಳಿ ಗೆದ್ದರು.
↧
ಜೈನ್‌ ವಿಶ್ವವಿದ್ಯಾಲಯಕ್ಕೆ ಚಿನ್ನದ ಪದಕ
↧