ಚೆನ್ನೈ: ಜ್ವರದ ತಾಪದಿಂದ ಬಸವಳಿದು ಆಸ್ಪತ್ರೆಯಲ್ಲಿ ಮಲಗಿರುವ ತಮಿಳುನಾಡು ಮುಖ್ಯಮಂತ್ರಿ ಜಯಲಲಿತಾ ಕೆಲಸ ನಿರ್ವಹಿಸುವ ಪರಿಸ್ಥಿತಿಯಲ್ಲಿ ಇಲ್ಲದ ಕಾರಣ ಅವರ ಕೆಲಸದ ಹೊಣೆಯನ್ನು ಹಣಕಾಸು ಸಚಿವ ಒ. ಪನೀರ್‌ಸೆಲ್ವಂ ಅವರಿಗೆ ಒಪ್ಪಿಸಲಾಗಿದೆ. ಜಯಾ ಅವರ ಮನವಿ ಮೇರೆಗೆ ರಾಜ್ಯಪಾಲ ವಿದ್ಯಾಸಾಗರ ರಾವ್ ಅವರು ಪನೀರ್‌ಸೆಲ್ವಂ ಅವರಿಗೆ ಹೆಚ್ಚುವರಿ ಹೊಣೆ ಹೊರಿಸಿದ್ದಾರೆ. ಜಯಾ ಅವರ ಎಂಟು ಖಾತೆಗಳನ್ನು ನಿರ್ವಹಿಸುವ ಜತೆಗೆ ಸಂಪುಟ ಸಭೆ ನೇತೃತ್ವವನ್ನೂ ಸೆಲ್ವಂ ವಹಿಸಲಿದ್ದಾರೆ ಎಂದು ರಾಜ್ಯಪಾಲ ಭವನದ ಪ್ರಕಟಣೆ ತಿಳಿಸಿದೆ.
↧
ಪನೀರ್‌ಸೆಲ್ವಂಗೆ ಜಯಾ ಖಾತೆ
↧