ಹೊಸದಿಲ್ಲಿ: ಪ್ರಧಾನಮಂತ್ರಿಯಾಗಿ ಅಧಿಕಾರ ಸ್ವೀಕರಿಸಿದ ನರೇಂದ್ರ ಮೋದಿ ಇದುವರೆಗೂ ರಜೆಯನ್ನೇ ಪಡೆದಿಲ್ಲವಂತೆ!
ಮಾಹಿತಿ ಹಕ್ಕಿನಡಿಯಲ್ಲಿ ಪ್ರಧಾನ ಮಂತ್ರಿ ಹಾಗೂ ಸಂಪುಟ ಕಾರ್ಯದರ್ಶಿಗಿರುವ ರಜೆ ಹಕ್ಕು ಹಾಗೂ ಅವರು ಪಡೆದ ರಜೆಗಳ ಬಗ್ಗೆ ಕೇಳಿದ ಮಾಹಿತಿಗೆ, ಪ್ರಧಾನಿ ಕಾರ್ಯಾಲಯ ಈ ಉತ್ತರ ನೀಡಿದೆ.
'ಎಲ್ಲ ಸಮಯದಲ್ಲಿಯೂ ಪ್ರಧಾನಿ ಕರ್ತವ್ಯಕ್ಕೆ ಹಾಜರಾಗಿದ್ದಾರೆ,' ಎಂದು ಪಿಎಂಒ ಹೇಳಿದೆ.
ಹಿಂದಿನ ಪ್ರಧಾನಿಗಳಾದ ಮನಮೋಹನ್ ಸಿಂಗ್, ಅಟಲ್ ಬಿಹಾರಿ ವಾಜಪೇಯಿ, ಎಚ್.ಡಿ.ದೇವೇಗೌಡ, ಐ.ಕೆ.ಗುಜ್ರಾಲ್, ಪಿ.ವಿ.ನರಸಿಂಹ ರಾವ್, ಚಂದ್ರಶೇಖರ್, ವಿ.ಪಿ.ಸಿಂಗ್ ಮತ್ತು ರಾಜೀವ್ ಗಾಂಧಿಯವರು ಯಾವುದಾದರೂ ರಜೆ ಪಡೆದುಕೊಂಡಿದ್ದರಾ, ಎಂಬ ಮಾಹಿತಿಯನ್ನೂ ಆರ್‌ಟಿಐ ಕಾರ್ಯಕರ್ತರು ಕೇಳಿದ ಮಾಹಿತಿಗೆ 'ಹಿಂದಿನ ಪ್ರಧಾನಿಗಳ ರಜೆ ದಾಖಲೆಯನ್ನು ಈ ಕಚೇರಿಯಲ್ಲಿ ಸಿಗುವುದಿಲ್ಲ,' ಎಂದು ಉತ್ತರಿಸಿದೆ.
↧
ಪ್ರಧಾನಿ ಮೋದಿ ರಜೆಯನ್ನೇ ಪಡೆದಿಲ್ಲವಂತೆ!
↧