ಹೊಸದಿಲ್ಲಿ: ರೈಲು ಪ್ರಯಾಣವನ್ನು ಹಿತಾನುಭವಗೊಳಿಸುವ ನಿಟ್ಟಿನಲ್ಲಿ ತಂತ್ರಜ್ಞಾನವನ್ನು ಇಲಾಖೆ ಸಕ್ರಿಯವಾಗಿ ಬಳಸಿಕೊಳ್ಳುತ್ತಿದೆ. ಟಿಕೆಟ್‌ ಬುಕಿಂಗ್‌ನಿಂದ ಹಿಡಿದು ಊಟ-ತಿಂಡಿ-ಸ್ನ್ಯಾಕ್ಸ್‌ಗೆ ಆರ್ಡರ್‌ ಮಾಡುವುದೂ ಸೇರಿದಂತೆ ಎಲ್ಲ ಪ್ರಯಾಣಿಕ ಸೇವೆಗಳನ್ನು ಮೊಬೈಲ್‌ 'ಆ್ಯಪ್‌'ನಲ್ಲಿ ಒದಗಿಸಲು ಪ್ರಯತ್ನಗಳು ನಡೆದಿವೆ. ''ರೈಲ್ವೆ ಪ್ರಯಾಣಿಕರ ಅಗತ್ಯ ತೀರಿಸುವ ಹೊಸ ಆ್ಯಪ್‌ಗೆ ಸದ್ಯದಲ್ಲೇ ಚಾಲನೆ ದೊರೆಯಲಿದೆ. ಟಿಕೆಟ್‌, ಆಹಾರ ಬುಕಿಂಗ್‌ ಜತೆಗೆ, ಪೋರ್ಟರ್‌ ಸೇವೆಯನ್ನೂ ಆ್ಯಪ್‌ನಿಂದ ಪಡೆಯಬಹುದು. ಹಾಸಿಗೆ ಕಾಯ್ದಿರಿಸಲು, ರೈಲ್ವೆ ಕೋಚ್‌ನಲ್ಲಿನ ಗಲೀಜಿನ ಕುರಿತು ದೂರು ಸಲ್ಲಿಸಲೂ ಆ್ಯಪ್‌ ಬಳಸಬಹುದು. ರೈಲ್ವೆ ಟಿಕೆಟ್‌ ವೆಯ್ಟಿಂಗ್‌ ಲಿಸ್ಟ್‌ನಲ್ಲಿ ಇದ್ದ ಪಕ್ಷದಲ್ಲಿ ವಿಮಾನದ ಟಿಕೆಟ್‌ ಕಾಯ್ದಿರಿಸಲು, ಹೋಟೆಲ್‌ ಬುಕಿಂಗ್‌ ಸೇವೆಯನ್ನೂ ಪಡೆಯಬಹುದು,'' ಎಂದು ರೈಲ್ವೆ ಇಲಾಖೆ ಹೇಳಿದೆ.
↧
ರೈಲ್ವೆ ಸೇವೆಗಾಗಿ ಸದ್ಯದಲ್ಲೇ ಹೊಸ ಆ್ಯಪ್‌
↧