ಮುಂಬಯಿ: ಕಳೆದ ಮೂರು ದಿನಗಳಿಂದ ಗೆಲವಿನ ಓಟದಲ್ಲಿದ್ದ ಸೆನ್ಸೆಕ್ಸ್‌ ಬುಧವಾರ 114 ಅಂಕ ಕುಸಿದಿದ್ದು, 28,220.98ಕ್ಕೆ ದಿನದ ವಹಿವಾಟು ಮುಕ್ತಾಯಗೊಳಿಸಿತು. ನಿಫ್ಟಿ 25.20 ಅಂಕ ಕಳೆದುಕೊಂಡು 8,743ಕ್ಕೆ ಸ್ಥಿರವಾಯಿತು. ಯುರೋಪ್‌ಗೆ ಆರ್ಥಿಕ ನೆರವಿನ ಪ್ಯಾಕೇಜ್‌ ಒದಗಿಸುವುದಕ್ಕೆ ಸಂಬಂಧಿಸಿದ ಮಾತುಕತೆ ಮುರಿದುಬಿದ್ದ ನಂತರ ಅಲ್ಲಿನ ಷೇರು ಸೂಚ್ಯಂಕಗಳು ಮುಗ್ಗರಿಸಿತು. ಅಂತಾರಾಷ್ಟ್ರೀಯ ಹಣಕಾಸು ಸಂಸ್ಥೆ ಐಎಂಎಫ್‌ ಭಾರತದ ಜಿಡಿಪಿ ಬೆಳವಣಿಗೆ ದರವನ್ನು 2016-17ರ ಸಾಲಿಗೆ ಶೇ.7.6ಕ್ಕೆ ಅಂದಾಜಿಸಿರುವುದು ಆರಂಭದಲ್ಲಿ ಷೇರು ಪೇಟೆಯ ಮೇಲೆ ಸಕಾರಾತ್ಮಕ ಪ್ರಭಾವ ಬೀರಿತು. ಆದರೆ ಕೆಲವೇ ಹೊತ್ತಿನಲ್ಲಿ ಸೂಚ್ಯಂಕ ಕುಸಿಯತೊಡಗಿತು. ಒಎನ್‌ಜಿಸಿ, ಬಜಾಜ್‌ ಆಟೊ, ಮಹೀಂದ್ರಾ ಆ್ಯಂಡ್‌ ಮಹೀಂದ್ರಾ, ಡಾ ರೆಡ್ಡೀಸ್‌ ಕಂಪನಿಯ ಷೇರುಗಳು ನಷ್ಟಕ್ಕೀಡಾಯಿತು. ಮಾಹಿತಿ ತಂತ್ರಜ್ಞಾನ, ಆರೋಗ್ಯ, ತೈಲ ಮತ್ತು ಅನಿಲ ವಲಯದ ಷೇರುಗಳೂ ತೀವ್ರ ನಷ್ಟಕ್ಕೀಡಾಯಿತು. ಬ್ರಿಟನ್‌, ಜರ್ಮನಿ, ಫ್ರಾನ್ಸ್‌ನಲ್ಲೂ ಷೇರು ಸೂಚ್ಯಂಕಗಳು ಕುಸಿಯಿತು.
↧
ಸೆನ್ಸೆಕ್ಸ್‌ 114 ಅಂಕ ಪತನ
↧