ಬೆಂಗಳೂರು: ಒಲಾ ತನ್ನ ಒಲಾ ಶೇರ್ ಕ್ಯಾಬ್‌ ಸೇವೆಯನ್ನು ಸೋಮವಾರ ಚಂಡೀಗಢ, ಜೈಪುರ ಮತ್ತು ಅಹಮದಾಬಾದ್‌ಗೆ ವಿಸ್ತರಿಸಿದೆ. ಹಾಗೂ ಈ ಪದ್ಧತಿಯಲ್ಲಿ ಪ್ರಯಾಣದ ದರವನ್ನು ಪ್ರತಿ ಕಿಲೋ ಮೀಟರ್‌ಗೆ 3 ರೂ.ಗೆ ಇಳಿಸಿದೆ. ಇದರೊಮದಿಗೆ ಒಟ್ಟು 10 ನಗರಗಳಲ್ಲಿ ಒಲಾ ಶೇರ್ ಪದ್ಧತಿ ಜಾರಿಯಾದಂತಾಗಿದೆ. ಒಲಾ ಶೇರ್‌ನಲ್ಲಿ ಒಂದೇ ಮಾರ್ಗದಲ್ಲಿ ಸಾಗುವ ಪ್ರಯಾಣಿಕರಿಗೆ ಅಗ್ಗದ ದರದಲ್ಲಿ ಪ್ರಯಾಣಿಸಲು ಸಾಧ್ಯವಾಗುತ್ತದೆ. ಒಂದೇ ಮಾರ್ಗದಲ್ಲಿ ಸಾಗುವ ಪ್ರಯಾಣಿಕರನ್ನು ಕರೆದೊಯ್ಯುವುದರಿಂದ ದರವನ್ನು ಪ್ರತಿ ಕಿ.ಮೀಗೆ 3 ರೂ.ಗೆ ಇಳಿಸಲು ಸಾಧ್ಯವಾಗಿದೆ ಎಂದು ಒಲಾ ಪ್ರಕಟಣೆ ತಿಳಿಸಿದೆ. ಬೆಂಗಳೂರು, ಹೈದರಾಬಾದ್‌ ಮತ್ತು ಮುಂಬಯಿ ತನಗೆ ದೊಡ್ಡ ಮಾರುಕಟ್ಟೆಯಾಗಿದೆ ಎಂದು ಕಂಪನಿ ತಿಳಿಸಿದೆ.
↧
ಓಲಾ ಶೇರ್ ಪ್ರಯಾಣ ದರ ಕಿ.ಮೀಗೆ 3 ರೂ.
↧