ಹೊಸದಿಲ್ಲಿ: ರಿಯಾಲ್ಟಿ ವಲಯದ ಗೋದ್ರೇಜ್‌ ಪ್ರಾಪರ್ಟೀಸ್‌ ಬೆಂಗಳೂರಿನಲ್ಲಿ 12 ಎಕರೆ ಜಮೀನನ್ನು ಖರೀದಿಸಿದೆ. ಇದರಲ್ಲಿ ಹೊಸ ವಸತಿ ನಿರ್ಮಾಣ ಯೋಜನೆಯನ್ನು ನಿರ್ಮಿಸಲು ಕಂಪನಿ ನಿರ್ಧರಿಸಿದೆ. ದಕ್ಷಿಣ ಬೆಂಗಳೂರಿನ ಸರ್ಜಾಪುರ ರಸ್ತೆಯಲ್ಲಿ ಕಂಪನಿ ಜಾಗ ಖರೀದಿಸಿದ್ದು, ಸುಮಾರು 10 ಲಕ್ಷ ಚದರ ಅಡಿ ಪ್ರದೇಶದ ವಸತಿ ಯೋಜನೆಯನ್ನು ಕೈಗೆತ್ತಿಕೊಳ್ಳಲಿದೆ. ಹೀಗಿದ್ದರೂ, ಎಷ್ಟು ಮೊತ್ತಕ್ಕೆ ಸ್ಥಳ ಖರೀದಿ ವ್ಯವಹಾರ ನಡೆದಿದೆ ಎಂಬುದನ್ನು ಕಂಪನಿ ಬಹಿರಂಗಪಡಿಸಿಲ್ಲ. '' ಬೆಂಗಳೂರಿನಲ್ಲಿ ಈ ಹೊಸ ವಸತಿ ನಿರ್ಮಾಣ ಯೋಜನೆಯನ್ನು ನಿರ್ಮಿಸಲು ಸಂತಸವಾಗುತ್ತಿದೆ. ಬೆಂಗಳೂರು ನಮಗೆ ಪ್ರಮುಖ ಮಾರುಕಟ್ಟೆಯಾಗಿದೆ'' ಎಂದು ಮುಂಬಯಿ ಮೂಲದ ಗೋದ್ರೇಜ್‌ ಪ್ರಾಪರ್ಟೀಸ್‌ನ ಸಿಇಒ ಪಿರೋಜ್‌ಷಾ ಗೋದ್ರೇಜ್‌ ತಿಳಿಸಿದ್ದಾರೆ. ಕಂಪನಿ ಈಗ 12 ನಗರಗಳಲ್ಲಿ ರಿಯಾಲ್ಟಿ ಯೋಜನೆಗಳನ್ನು ನಿರ್ಮಿಸುತ್ತಿದೆ.
↧
ಗೋದ್ರೇಜ್‌ ಪ್ರಾಪರ್ಟೀಸ್‌ನಿಂದ 12 ಎಕರೆ ಜಮೀನು ಖರೀದಿ
↧