ಹೊಸದಿಲ್ಲಿ: ಉದ್ಯಮಿ ಮುಕೇಶ್ ಅಂಬಾನಿ ನೇತೃತ್ವದ ರಿಲಯನ್ಸ್‌ ಇಂಡಸ್ಟ್ರೀಸ್‌ ತನ್ನ 40,000ಕ್ಕೂ ಹೆಚ್ಚು ಉದ್ಯೋಗಿಗಳಿಗೆ, ಏರ್‌ಟೆಲ್‌, ವೊಡಾಫೋನ್‌ ಮುಂತಾದ ಇತರ ಮೊಬೈಲ್‌ ಫೋನ್‌ ಸಂಪರ್ಕಗಳನ್ನು ಬಿಟ್ಟು, ತನ್ನದೇ ಹೈ ಸ್ಪೀಡ್‌ 4ಜಿ ಜಿಯೊವನ್ನು ಬಳಸುವಂತೆ ಸೂಚಿಸಿದೆ. ಆರ್‌ಐಎಲ್‌ ತನ್ನ ಸಿಬ್ಬಂದಿಗೆ, ಈಗಿನ ಮೊಬೈಲ್‌ ಸಂಪರ್ಕವನ್ನು ಮೊಬೈಲ್‌ ನಂಬರ್‌ ಪೋರ್ಟಬಿಲಿಟಿ (ಎಂಎನ್‌ಪಿ) ಮೂಲಕ ಜಿಯೋಗೆ ಬದಲಿಸುವಂತೆ ತಿಳಿಸಿದೆ. ಇದರಿಂದಾಗಿ ಬಳಕೆದಾರರು ಟೆಲಿಕಾಂ ಸೇವೆಯನ್ನು ಒಂದರಿಂದ ಮತ್ತೊಂದು ಕಂಪನಿಗೆ ಬದಲಿಸಿದರೂ, ಅದೇ ಸಂಖ್ಯೆ ಉಳಿದುಕೊಳ್ಳಲಿದೆ. ಇದುವರೆಗೆ ರಿಲಯನ್ಸ್‌ ಇಂಡಸ್ಟ್ರೀಸ್‌ ತನ್ನ ಕಾರ್ಪೊರೇಟ್‌ ಮೊಬೈಲ್‌ ಫೋನ್‌ ಪ್ಲಾನ್‌ಗಳನ್ನು ಏರ್‌ಟೆಲ್‌, ವೊಡಾಫೊನ್‌ ಇತ್ಯಾದಿ ಕಂಪನಿಗಳಿಂದ ಪಡೆದಿತ್ತು. ರಿಲಯನ್ಸ್‌ ಜಿಯೊ ಕಳೆದ ಡಿಸೆಂಬರ್‌ನಲ್ಲಿ ಪ್ರಾಯೋಗಿಕವಾಗಿ ತನ್ನ ಸೇವೆಗೆ ಚಾಲನೆ ನೀಡಿತ್ತು.
↧
ರಿಲಯನ್ಸ್‌ ಜಿಯೊ ಬಳಸಿ: ಸಿಬ್ಬಂದಿಗೆ ಆರ್‌ಐಎಲ್‌ ಸೂಚನೆ
↧