ಮುಂಬಯಿ: ಐಟಿ ದಿಗ್ಗಜ ಇನ್ಫೋಸಿಸ್‌ ಕಂಪನಿಗೆ ಸೇರಲು ಬಯಸುವ ವಿದ್ಯಾರ್ಥಿಗಳಿಗೆ ತರಬೇತಿ ನೀಡುವ ಸಂಬಂಧ ಆನ್‌ಲೈನ್‌ ಕಲಿಕಾ ಸಂಸ್ಥೆ ಉಡಾಸಿಟಿಯ ಜತೆ ಒಪ್ಪಂದ ಮಾಡಿಕೊಂಡಿದೆ. ಈ ಯೋಜನೆಯನ್ನು ಇನ್ಫೋಸಿಸ್‌-ಉಡಾಸಿಟಿ ಫಾಸ್ಟ್‌ ಟ್ರ್ಯಾಕ್‌ ಪ್ರೋಗ್ರಾಮ್‌ ಎಂದು ಕರೆಯಲಾಗುತ್ತಿದೆ. ಅರ್ಹ ವಿದ್ಯಾರ್ಥಿಗಳಿಗೆ ಮೈಸೂರಿನಲ್ಲಿ ಇನ್ಫೋಸಿಸ್‌ನ ತರಬೇತಿಯನ್ನು ಪಡೆಯುವುದಕ್ಕೆ ಮೊದಲು ಈ ನ್ಯಾನೊಡಿಗ್ರಿ ಸರ್ಟಿಫೀಕೇಶನ್‌ ಕೋರ್ಸ್‌ ಅನ್ನು ಆನ್‌ಲೈನ್‌ನಲ್ಲಿ ಪೂರ್ಣಗೊಳಿಸಲು ತಿಳಿಸಲಾಗುತ್ತದೆ. ಈ ತರಬೇತಿಗೆ ಪಡೆಯುವ ಶುಲ್ಕವನ್ನು ವಿದ್ಯಾರ್ಥಿಗಳಿಗೆ ಹಿಂತಿರುಗಿಸಲಾಗುತ್ತದೆ. ''ಉಡಾಸಿಟಿ ಕೋರ್ಸ್‌ ಅನ್ನು ಇನ್ಫೋಸಿಸ್‌ ಸಲುವಾಗಿ ಆರಂಭಿಸಲಾಗುತ್ತಿದೆ. ಇದು ತರಬೇತಿ ಪಡೆಯುವವರಿಗೆ ಅನುಕೂಲಕರವಾಗಲಿದೆ'' ಎಂದು ಇನ್ಫೋಸಿಸ್‌ ಸಿಇಒ ವಿಶಾಲ್‌ ಸಿಕ್ಕಾ ಟ್ವೀಟ್‌ ಮಾಡಿದ್ದಾರೆ. ಇನ್ಫೋಸಿಸ್‌-ಉಡಾಸಿಟಿ ಕೋರ್ಸ್‌ 5 ತಿಂಗಳಿನ ಅವಧಿಯದ್ದಾಗಿದ್ದು, ಇದರ ವೆಚ್ಚ 35,000 ರೂ.ಗಳಾಗಿವೆ. ಫ್ರಂಟ್‌-ಎಂಡ್‌ ವೆಬ್‌ ಡೆವಲಪ್‌ಮೆಂಟ್‌, ಐಒಎಸ್‌ ಡೆವಲಪ್‌ಮೆಂಟ್‌, ಡೇಟಾ ಅನಾಲಿಸಿಸ್‌ ಮುಂತಾದ ವಿಷಯಗಳನ್ನು ಇದು ಒಳಗೊಂಡಿದೆ. ಭಾರತೀಯ ಐಟಿ ಕಂಪನಿಗಳು ಹೊಸಬರಿಗೆ ಸೂಕ್ತ ತರಬೇತಿಯನ್ನೂ ಒದಗಿಸಲು ಬಯಸುತ್ತಿವೆ.
↧
ಇನ್ಫೋಸಿಸ್‌ಗೆ ಸೇರಲು ಬಯಸುವವರಿಗೆ ತರಬೇತಿ
↧