ಮುಂಬಯಿ: ಪಾರ್ಲೆ-ಜಿ ಬಿಸ್ಕತ್‌ ಕಂಪನಿಯು ಮುಂಬಯಿನಲ್ಲಿರುವ, 90 ವರ್ಷ ಹಳೆಯ ಹೆಸರಾಂತ ವಿಲೆ ಪಾರ್ಲೆ ಕಾರ್ಖಾನೆಯನ್ನು ಮುಚ್ಚಲು ನಿರ್ಧರಿಸಿದೆ. ಅತ್ಯಂತ ದುಬಾರಿ ಪ್ರದೇಶದಲ್ಲಿರುವ ಕಾರ್ಖಾನೆಯನ್ನು ಮುಂದುವರಿಸುವುದು ವಾನಿಜ್ಯದ ದೃಷ್ಟಿಯಿಂದ ಯುಕ್ತವಲ್ಲ ಎಂದು ಪಾರ್ಲೆ ಪ್ರಾಡಕ್ಸ್ಟ್‌ ಕಂಪನಿಯ ಕಾರ‍್ಯಕಾರಿ ನಿರ್ದೇಶಕ ಅರುಪ್‌ ಚೌಹಾಣ್‌ ತಿಳಿಸಿದ್ದಾರೆ. ಹೀಗಿದ್ದರೂ ಕಂಪನಿ ಆ ಜಾಗವನ್ನು ತನ್ನಲ್ಲೇ ಉಳಿಸಿಕೊಳ್ಳಲಿದೆ.
ದೇಶದ ಹಲವಾರು ಕಡೆಗಳಲ್ಲಿ ಕಂಪನಿಯ ಉತ್ಪಾದನಾ ಘಟಕಗಳಿದ್ದು, ಪಾರ್ಲೆ-ಜಿ ಬಿಸ್ಕತ್ತುಗಳು ಉತ್ಪಾದನೆಯಾಗುತ್ತಿವೆ. 1929ರಲ್ಲಿ ವಿಲೆ ಪಾರ್ಲೆ ಕಾರ್ಖಾನೆಯನ್ನು ಸ್ಥಾಪಿಸಲಾಗಿತ್ತು. ಮೊದಲು ಕೇವಲ ಕ್ಯಾಂಡಿಗಳನ್ನು ಉತ್ಪಾದಿಸುತ್ತಿದ್ದ ಕಾರ್ಖಾನೆಯಲ್ಲಿ 1939ರಲ್ಲಿ ಬಿಸ್ಕತ್ತುಗಳ ಉತ್ಪಾದನೆ ಆರಂಭವಾಗಿತ್ತು. ಪಾರ್ಲೆ-ಜಿ ಬಿಸ್ಕತ್‌ ವಿಶ್ವದಲ್ಲೇ ಅತಿ ಹೆಚ್ಚು ಮಾರಾಟವಾಗುವ ಬಿಸ್ಕತ್‌ ಬ್ರ್ಯಾಂಡ್‌ ಆಗಿದೆ.
↧
ಪಾರ್ಲೆ-ಜಿ: ವಿಲೆ ಪಾರ್ಲೆ ಕಾರ್ಖಾನೆ ಸ್ಥಗಿತ
↧