ಹೊಸದಿಲ್ಲಿ: ಭಾರತದ ಅಗ್ರಮಾನ್ಯ ಮಹಿಳಾ ಶಟ್ಲರ್‌ ಸೈನಾ ನೆಹ್ವಾಲ್‌ ಮುಂಬರುವ ರಿಯೊ ಒಲಿಂಪಿಕ್ಸ್‌ನ ಮಹಿಳಾ ಸಿಂಗಲ್ಸ್‌ನಲ್ಲಿ 5ನೇ ಶ್ರೇಯಾಂಕ ಪಡೆದಿದ್ದಾರೆ. ಭಾರತ ಮತ್ತೊಬ್ಬ ತಾರೆ ಪಿ.ವಿ ಸಿಂಧೂ ಅವರಿಗೆ 9ನೇ ಶ್ರೇಯಾಂಕ ಲಭಿಸಿದೆ. ವಿಶ್ವದ 5ನೇ ರಾರ‍ಯಂಕ್‌ನ ಸೈನಾ ಮತ್ತು 10ನೇ ರಾರ‍ಯಂಕ್‌ನ ಸಿಂಧೂ ಒಲಿಂಪಿಕ್ಸ್‌ನಲ್ಲಿ ಪದಕ ಗೆಲ್ಲುವ ನೆಚ್ಚಿನ ಸ್ಪರ್ಧಿಗಳಾಗಿದ್ದಾರೆ. 26ರ ಹರೆಯದ ಸೈನಾ 2012ರ ಲಂಡನ್‌ ಒಲಿಂಪಿಕ್ಸ್‌ನಲ್ಲಿ ಕಂಚಿದ ಪದಕ ಗೆದ್ದು ಇತಿಹಾಸ ನಿರ್ಮಿಸಿದ್ದರು. ಪುರುಷರ ಸಿಂಗಲ್ಸ್‌ನಲ್ಲಿ ಭಾರತದ ಕಿಡಂಬಿ ಶ್ರೀಕಾಂತ್‌ 9ನೇ ಶ್ರೇಯಾಂಕ ಪಡೆದಿದ್ದಾರೆ. ಮಲೇಷ್ಯಾದ ಲೀ ಚಾಂಗ್‌ ವೇ ಮತ್ತು ಸ್ಪೇನ್‌ನ ಕ್ಯಾರೊಲಿನಾ ಮರಿನ್‌ ಕ್ರಮವಾಗಿ ಪುರುಷ ಮತ್ತು ಮಹಿಳಾ ವಿಭಾಗದಲ್ಲಿ ಅಗ್ರ ಶ್ರೇಯಾಂಕ ತಮ್ಮದಾಗಿಸಿಕೊಂಡಿದ್ದಾರೆ. ಎರಡು ಬಾರಿಯ ವಿಶ್ವ ಚಾಂಪಿಯನ್‌ ಚೀನಾದ ಚೆನ್‌ ಲಾಂಗ್‌ ಮತ್ತು ಎರಡು ಬಾರಿಯ ಒಲಿಂಪಿಕ್ಸ್‌ ಚಾಂಪಿಯನ್‌ ಚೀನಾದ ಲಿನ್‌ ಡಾನ್‌ ಪುರುಷರ ವಿಭಾಗದಲ್ಲಿ ಕ್ರಮವಾಗಿ 2 ಹಾಗೂ 3ನೇ ಶ್ರೇಯಾಂಕ ಹೊಂದಿದ್ದಾರೆ. ಮಹಿಳಾ ಸಿಂಗಲ್ಸ್‌ನಲ್ಲಿ ಚೀನಾದ ವಾಂಗ್‌ ಯಿಹಾನ್‌ ಹಾಗೂ ಒಲಿಂಪಿಕ್ಸ್‌ ಹಾಲಿ ಚಾಂಪಿಯನ್‌ ಲೀ ಕ್ಸುರೇಯ್‌ ಕ್ರಮವಾಗಿ 2 ಮತ್ತು 3ನೇ ಶ್ರೇಯಾಂಕ ಪಡೆದಿದ್ದಾರೆ. ಇತ್ತೀಚೆಗಷ್ಟೇ ಡೋಪಿಂಗ್‌ ಆರೋಪದಿಂದ ಮುಕ್ತರಾದ ಥಾಯ್ಲೆಂಡ್‌ನ ರಚನೊಕ್‌ ಇಂಟಾನನ್‌ ಅವರಿಗೆ 4ನೇ ಶ್ರೇಯಾಂಕ ಸಿಕ್ಕಿದೆ.
↧
ಒಲಿಂಪಿಕ್ಸ್‌ನಲ್ಲಿ ಸೈನಾಗೆ 5ನೇ ಶ್ರೇಯಾಂಕ
↧