ಊಟದ ಮನೆಗೆ ವಾಸ್ತು

ಡೈನಿಂಗ್ ಹಾಲ್‌ಗೆ ವಾಸ್ತುವಿನಲ್ಲಿ ಹಲವಾರು ನೀತಿ ನಿಯಮಗಳಿವೆ. ಅವುಗಳನ್ನು ಅಳವಡಿಸಿಕೊಂಡರೆ ಖಚಿತವಾಗಿಯೂ ಆರೋಗ್ಯಕರ ಮತ್ತು ನೆಮ್ಮದಿಯ ಜೀವನ ನಿವಾಸಿಗಳದ್ದಾಗುತ್ತದೆ. ಅವುಗಳ ಕುರಿತು ಒಂದಿಷ್ಟು ವಿವರ ಇಲ್ಲಿದೆ.

- ಡೈನಿಂಗ್ ರೂಂನ ಪೂರ್ವ ಅಥವಾ ಉತ್ತರ ದಿಕ್ಕಿನಲ್ಲಿ ಕನ್ನಡಿಯನ್ನು ನೇತು ಹಾಕಿ.

- ಬಾಯಿಯಲ್ಲಿ ನೀರೂರಿಸುವ ತಿನಿಸುಗಳ ಫೋಟೋಗಳನ್ನು ಹಾಕಿದರೆ ಹಸಿವು ಹೆಚ್ಚಾಗುತ್ತದೆ.

- ಊಟ ಮಾಡುವ ಸಮಯದಲ್ಲಿ ಕುಟುಂಬ ಸದಸ್ಯರೆಲ್ಲರೂ ನಿರಾಳವಾಗಿ, ಒತ್ತಡ ರಹಿತರಾಗಿ ಇರಬೇಕು.

- ಊಟ ಮಾಡುವಾಗ ಗಟ್ಟಿಯಾದ ಧ್ವನಿಯಲ್ಲಿ ಮಾತನಾಡಬಾರದು. ಬದಲಾಗಿ ಮೆಲು ಧ್ವನಿಯಲ್ಲಿ ಮಾತುಕತೆ ಸಾಗಲಿ.

- ಊಟ ಮಾಡುವಾಗ ದುಃಖ, ನೋವು, ಬೇಸರ, ನಿರಾಸೆ ತರುವ ವಿಷಯಗಳ ಕುರಿತು ಚರ್ಚೆ ಮಾಡಬಾರದು.

- ಡೈನಿಂಗ್ ರೂಂನಲ್ಲಿ ಊಟ ಹೊತ್ತಿನಲ್ಲಿ ಮೆಲು ಧ್ವನಿಯ ಸಂಗೀತವಿರಲಿ. ಟಿವಿ ಮಾತ್ರ ಅಲ್ಲಿರುವುದೇ ಬೇಡ.

- ನಿಸರ್ಗವನ್ನು ಪ್ರತಿನಿಧಿಸುವ ಮತ್ತು ಉಲ್ಲಾಸ ತರುವ ಛಾಯಾ ಚಿತ್ರಗಳು ಡೈನಿಂಗ್ ರೂಂನಲ್ಲಿರಲಿ.

- ನೀಲಿ, ಹಳದಿ, ಕೇಸರಿ, ತಿಳಿ ಹಸಿರು ಮತ್ತು ಗುಲಾಬಿ ಹಾಗೂ ಕಿತ್ತಳೆ ಬಣ್ಣಗಳ ಶೇಡ್ ಇರಲಿ.

- ಈ ಬಣ್ಣಗಳು ಊಟದ ಮೇಲಿನ ಆಕಾಂಕ್ಷೆಯನ್ನು ಹೆಚ್ಚಿಸುವುದರಿಂದ ಇವುಗಳಿಗೆ ಆದ್ಯತೆ ನೀಡಿ.

- ಡೈನಿಂಗ್ ರೂಂನ ಬಾಗಿಲು ಯಾವತ್ತೂ ಕಮಾನು ಹೊಂದಿರಬಾರದು.

- ಊಟಕ್ಕೆ ಕುಳಿತುಕೊಳ್ಲುವಾಗ ಪಶ್ಚಿಮಕ್ಕೆ ಮುಖ ಮಾಡುವಂತಿರಲಿ.

- ಮಕ್ಕಳು ಊಟಕ್ಕೆ ಕುಳಿತುಕೊಳ್ಳುವಾಗ ನೈರುತ್ಯದ ಮೂಲೆಯಲ್ಲಿ ಕುಳಿತುಕೊಳ್ಳಬಾರದು.

- ಟೇಬಲ್ ಮೇಲೆ ಅಂದರೆ ನಿಮ್ಮ ಕುರ್ಚಿಯ ಮೇಲೆ ಬೀಮ್ ಇರಬಾರದು.

- ಸಿಂಕ್, ವಾಶ್ ಬೆಸಿನ್ ಪೂರ್ವ ಮತ್ತು ಉತ್ತರದ ಮೂಲೆಯಲ್ಲಿರಬೇಕು.

- ಮನೆಯಲ್ಲಿ ರೆಫ್ರಿಜರೇಟರ್ ಇದ್ದರೆ ಆಗ್ನೇಯ ಭಾಗದಲ್ಲಿ ಅದನ್ನಿಡಬೇಕು.