- ಊಟದ ಕೊಠಡಿ ಮನೆಯ ಪಶ್ಚಿಮ ಭಾಗದಲ್ಲಿದ್ದರೆ ಅತ್ಯುತ್ತಮ. ಉತ್ತರ ಅಥವಾ ಪೂರ್ವ ದಿಕ್ಕುಗಳಿಗೆ ಕೂಡ ಆದ್ಯತೆ ನೀಡಬಹುದು.
- ಈ ಜಾಗ ಯಾವಾಗಲೂ ಸಾಕಷ್ಟು ವಿಸ್ತಾರವಾಗಿರಬೇಕು. ಮನೆ ಮಂದಿ ಅತಿಥಿಗಳು ಬಂದರೆ ಅವರಿಗೆ ಹೀಗೆ ಎಲ್ಲರಿಗೂ ಆರಾಮವಾಗಿ ಕುಳಿತುಕೊಳ್ಳಲು ಆಗುವಂತಿರಬೇಕು.
-ಊಟ ಮಾಡುವಾಗ ಮನೆಯ ಮುಖ್ಯಸ್ಥರು ಪೂರ್ವ ದಿಕ್ಕಿಗೆ ಮುಖ ಮಾಡಿರಬೇಕು. ಉಳಿದವರು ಪೂರ್ವ, ಉತ್ತರ ಅಥವಾ ಪಶ್ಚಿಮಕ್ಕೆ ಮುಖ ಮಾಡಬೇಕು.
- ಮಕ್ಕಳು ಆಗ್ನೇಯ ಮೂಲೆಯಲ್ಲಿ ಊಟಕ್ಕೆ ಕುಳಿತುಕೊಳ್ಳಬಾರದು. ಹಾಗೇನಾದರೂ ಆದರೆ ಅವರು ಹೆತ್ತವರ ಮೇಲೆ ಒತ್ತಡ ಹೇರಲು ಅವಕಾಶವಾಗುತ್ತದೆ.
- ಊಟ ಮಾಡುವಾಗ ಕುಟುಂಬದ ಯಾವುದೇ ಸದಸ್ಯರು ದಕ್ಷಿಣಕ್ಕೆ ಮುಖ ಮಾಡಬಾರದು. ಇಲ್ಲವಾದರೆ ಆಗಾಗ ಚಿಕ್ಕ ಪುಟ್ಟ ಮನಸ್ತಾಪಗಳು ಎದುರಾಗುತ್ತವೆ.
- ಡೈನಿಂಗ್ ರೂಂಗೆ ಪೂರ್ವ, ಪಶ್ಚಿಮ ಅಥವಾ ಉತ್ತರ ದಿಕ್ಕಿನ ಗೋಡೆಯಲ್ಲಿ ಬಾಗಿಲು ಇರುವುದು ಉತ್ತಮ. ದಕ್ಷಿಣ ದಿಕ್ಕಂತೂ ಬೇಡವೇ ಬೇಡ.
- ಚೌಕ ಅಥವಾ ಆಯತಾಕಾರದ ಡೈನಿಂಗ್ ಡೇಬಲ್ ಇರಲಿ. ವೃತ್ತಕಾರ, ಅಂಡಾಕಾರ ಅಥವಾ ಇತರ ಯಾವುದೇ ಆಕಾರದ ಟೇಬಲ್‌ನ್ನು ಆದಷ್ಟು ದೂರವಿಡಿ.
- ಡೈನಿಂಗ್ ಟೇಬಲ್‌ನ್ನು ಅಗ್ನೇಯ ದಿಕ್ಕಿನ ಮೂಲೆಯಲ್ಲಿಡಿ. ಆದರೆ ಗೋಡೆಗಳಿಗೆ ಅದು ತಾಗದಂತೆ ಎಚ್ಚರ ವಹಿಸಬೇಕು. ಟೇಬಲ್ ಮತ್ತು ಚೇರ್ ಮಧ್ಯೆ ಸಾಕಷ್ಟು ಅಂತರವಿರಲಿ.
- ಟೇಬಲ್‌ನ್ನು ಯಾವುದೇ ದಿಕ್ಕಿನ ಗೋಡೆಗೆ ಒರಗಿಸಿ ಇಡಬೇಡಿ. ಛಾವಣಿಯಲ್ಲಿ ಕಾಂಕ್ರೀಟ್ ತೊಲೆ (ಬೀಮ್) ಇದ್ದರೆ ಅದರ ಕೆಳಗಡೆ ಟೇಬಲ್ ಹಾಕಬೇಡಿ.
- ಕೊಠಡಿಯ ಈಶಾನ್ಯ ಭಾಗದಲ್ಲಿ ಕುಡಿಯುವ ನೀರು ಇಡಿ. ವಾಶ್ ಬೇಸಿನ್ ಉತ್ತರ ಅಥವಾ ಪೂರ್ವ ದಿಕ್ಕಿನಲ್ಲಿರಲಿ. ಆಗ್ನೇಯ ಅಥವಾ ವಾಯುವ್ಯದಲ್ಲಿರುವುದು ಬೇಡ.
- ಡೈನಿಂಗ್ ಪ್ಲೇಸ್‌ಗೆ ತಾಗಿಕೊಂಡು ಟಾಯ್ಲೆಟ್ ಇರುವುದು ಬೇಡ. ಆದರೆ ಅಡುಗೆ ಸಾಮಗ್ರಿ, ಬಟ್ಟೆ ತೊಳೆಯುವ ಜಾಗವನ್ನಾಗಿ ಅದನ್ನು ಮಾಡಿಕೊಳ್ಳಬಹುದು.
- ಮನೆಯ ಮುಖ್ಯ ದ್ವಾರ ಮತ್ತು ಊಟದ ಕೋಣೆ ದ್ವಾರ ಒಂದಕ್ಕೊಂದು ಎದುರುಬದುರಾಗಿರಬಾರದು. ಅಡುಗೆ ಮನೆ ಮತ್ತು ಡೈನಿಂಗ್ ಹಾಲ್ ಒಂದೇ ಫ್ಲೋರ್‌ನಲ್ಲಿರಲಿ.
- ರೆಫ್ರಿಜರೇಟರ್‌ನ್ನು ಆಗ್ನೇಯ ಮೂಲೆಯಲ್ಲಿಡಿ. ಡ್ರಾಯಿಂಗ್ ರೂಂ ಭಾಗವಾಗಿದ್ದರೆ ಕರ್ಟನ್ ಅಥವಾ ಹೂಕುಂಡ ಇಡುವ ಮೂಲಕ ಎರಡನ್ನು ವಿಭಜಿಸಿ.
- ಹೀಗೆ ವಿಭಜಿಸಿದ ಬಳಿಕವೇ ಅದಕ್ಕೆ ಡೈನಿಂಗ್ ಹಾಲ್‌ಗೆ ಬೇಕಾದ ವಾಸ್ತು ನಿಯಮ ಅಳವಡಿಸಿಕೊಳ್ಳಿ. ಗುಲಾಬಿ, ಕಿತ್ತಳೆ, ಹಳದಿ, ಕ್ರೀಮ್ ಅಥವಾ ತಿಳಿ ಬಿಳಿ ಬಣ್ಣ ಇಲ್ಲಿಗೆ ಉತ್ತಮ.
ಮನೆ ಮಂದಿಯ ಹಸಿವೆಯನ್ನು ನೀಗುವ ಊಟದ ಕೋಣೆ ಒಂದು ರೀತಿಯಲ್ಲಿ ದೇಗುಲವಿದ್ದಂತೆ. ದಿನಕ್ಕೆ ಎರಡು ಇಲ್ಲವೇ ಮೂರು ಬಾರಿ ಕುಟುಂಬ ಸದಸ್ಯರೆಲ್ಲ ಒಟ್ಟು ಸೇರಿ, ಸಂತೋಷದಿಂದ ಊಟ ಮಾಡಿ ಆರೋಗ್ಯಕರ ಜೀವನ ಸಾಗಿಸಲು ಡೈನಿಂಗ್ ಹಾಲ್‌ಗೆ ಸೂಕ್ತ ವಾಸ್ತು ನಿಯಮ ಅಳವಡಿಸಿಕೊಳ್ಳಬೇಕು. ಅಂತಹ ವಾಸ್ತು ನಿಯಮಗಳ ಒಂದಿಷ್ಟು ವಿವರ ಇಲ್ಲಿದೆ.