ಭೂಮಿ ವಂಚನೆ: ಮೃತ ತಾಯಿ ವಿರುದ್ಧ ಮಗಳ ದೂರು

ಅಹಮದಾಬಾದ್: ನಾಲ್ವರು ಸೋದರಿಯರ ಹೆಸರು ಕೈ ಬಿಟ್ಟು ಪಿತ್ರಾರ್ಜಿತವಾಗಿ ಬಂದಿದ್ದ ಆಸ್ತಿಯನ್ನು ತನ್ನೊಬ್ಬಳ ಹೆಸರಿಗೆ ನೋಂದಣಿ ಮಾಡಿಸಿಕೊಂಡಿದ್ದ ಮಹಿಳೆಯ ವಿರುದ್ಧ ಮಗಳು ಪ್ರಕರಣ ದಾಖಲಿಸಿದ್ದಾಳೆ.

ವಿಶೇಷವೆಂದರೆ ಭೂಮಿ ವಿಚಾರದಲ್ಲಿ ವಂಚನೆ ಎಸಗಿರುವ ಮಹಿಳೆ ಸೂರಜ್‌ಬೆನ್ ಮೃತಪಟ್ಟು 11 ವರ್ಷಗಳಾಗಿವೆ. 27 ವರ್ಷದ ಹಿಂದೆ ದೂರುದಾರಳ ತಾಯಿ ಆಸ್ತಿಯನ್ನು ತನ್ನ ಹೆಸರಿಗೆ ವರ್ಗಾಯಿಸಿದ್ದರು.

1988ರಲ್ಲಿ ಈ ಭೂ ವಂಚನೆ ಪ್ರಕರಣ ನಡೆದಿದ್ದು, ಎರಡು ವರ್ಷದ ಬಳಿಕ ಭೂಮಿ ಸಹಕಾರ ಸಂಘಕ್ಕೆ ಮಾರಾಟಗೊಂಡಿದೆ.

ಈ ದೂರು ನಿಜವಾಗಿದ್ದು, ವಂಚನೆ ಪ್ರಕರಣದಲ್ಲಿ ಅಂದು ಭಾಗಿಯಾಗಿರುವ ಪೊಲೀಸರು, ಗ್ರಾಮದ ಮುಖಂಡರು ಮತ್ತು ಕಂದಾಯ ಅಧಿಕಾರಿಗಳ ವಿರುದ್ಧವೂ ವಿಶೇಷ ತನಿಖಾ ತಂಡ ತನಿಖೆ ಆರಂಭಿಸಿದೆ.

ಇಂಥ ಪ್ರಕರಣಗಳಲ್ಲಿ ಮೃತ ಆರೋಪಿ ವಿರುದ್ಧ ಪೊಲೀಸರು ತನಿಖೆ ಮುಕ್ತಾಯಗೊಳಿಸಿದರೂ ಉಳಿದ ಆರೋಪಿಗಳ ವಿರುದ್ಧ ವಿಚಾರಣೆ ನಡೆಯಲಿದೆ.