ಲವ್ವರ್ ಬಾಯ್ ಇಮೇಜ್‌ನಲ್ಲಿ ಇದುವರೆಗೂ ಕಾಣಿಸಿಕೊಳ್ಳುತ್ತಿದ್ದ ಸುಮಂತ್, ಶ್ರೀ ನಂದನ್ ಅವರ ಹೊಸ ಚಿತ್ರದಲ್ಲಿ ಹೊಸ ಇಮೇಜ್‌ನಲ್ಲಿ ಕಾಣಿಸಿಕೊಳ್ಳುತ್ತಿರುವುದು ಅವರಿಗೆ ವಿಭಿನ್ನ ಅನುಭವ ನೀಡುತ್ತಿದೆಯಂತೆ. ಮಾರ್ಡಲ್ ಆರ್ಟ್ಸ್ ಕಥೆಯಾಧರಿತ ಲೀ ಚಿತ್ರದಲ್ಲಿ ಮೂರು ಕ್ಯಾರೆಕ್ಟರ್‌ನಲ್ಲಿ ಕಾಣಿಸಿಕೊಳ್ಳುತ್ತಿರುವುದು ಸುಮಂತ್‌ಗೆ ನಿಜಕ್ಕೂ ಸವಾಲಾಗಿದೆಯಂತೆ. ಮೂರು ಅವತಾರಗಳು ಒಂದಕ್ಕಿಂತ ಒಂದು ಡಿಫರೆಂಟ್ ಆಗಿದೆಯಂತೆ. ಇದರೊಂದಿಗೆ ಸಮಯ ಸಿಕ್ಕಾಗಲೆಲ್ಲಾ ಮಾರ್ಷಲ್ ಆರ್ಟ್ಸ್ ಅಭ್ಯಾಸ ಮಾಡುತ್ತಿರುವುದು ಚಿತ್ರದ ಕ್ಯಾರೆಕ್ಟರ್‌ಗೆ ಮತ್ತಷ್ಟು ಹೆಲ್ಪ್ ಆಗಲಿದೆಯಂತೆ. ರಗ್ಡ್ ಲುಕ್‌ನಲ್ಲಿ ಸುಮಂತ್ ಒರಟನಂತೆ ಕಾಣುತ್ತಿರುವುದು ಒಂದಿಷ್ಟು ಅಭಿಮಾನಿಗಳಿಗೆ ಈಗಾಗಲೇ ಇಷ್ಟವಾಗಿದೆಯಂತೆ.
ಈಗಾಗಲೇ ಫಸ್ಟ್ ಶೆಡ್ಯೂಲ್ ಮುಗಿಸಿದ್ದು, ಸದ್ಯದಲ್ಲೆ ಮುಂದಿನ ಶೆಡ್ಯೂಲ್ ಆರಂಭವಾಗಲಿದೆ. ಅದಕ್ಕಾಗಿ ಸೂಕ್ತ ಹಳ್ಳಿ ವಾತಾವರಣವಿರುವ ಸ್ಥಳ ಹುಡುಕಾಡುತ್ತಿದ್ದೇವೆ. ಸದ್ಯದಲ್ಲೆ ನಭಾ ನಟೇಶ್ ಕೂಡ ಟೀಮ್ ಜಾಯಿನ್ ಆಗಲಿದ್ದಾರೆ ಎಂದಿದ್ದಾರೆ ನಿರ್ದೇಶಕ ಶ್ರೀ ನಂದನ್.
ರಗ್ಡ್ ಲುಕ್‌ನಲ್ಲಿ ಸುಮಂತ್ ಶೈಲೇಂದ್ರ ವಿಭಿನ್ನವಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ.