ಶುಕ್ರವಾರ 11ನೇ ಸುತ್ತಿನಲ್ಲಿ ರಷ್ಯಾದ ಸೆರ್ಗೆಯ್ ಕಾರ್ಜಾಕಿನ್ ವಿರುದ್ಧ ಗೆಲುವು ಮತ್ತೆ ಜಂಟಿ ಅಗ್ರಸ್ಥಾನ ಅಲಂಕರಿಸಿದ ಆನಂದ್, ನಂತರ ನಡೆದ 12ನೇ ಸುತ್ತಿನ ಪಂದ್ಯದಲ್ಲಿ ನಕಮುರ ಅವರ ಕೌಶಲ್ಯಯುತ ಆಟಕ್ಕೆ ಶರಣಾದರು. ಇದರ ಹೊರತಾಗಿಯೂ 6.5 ಅಂಕ ಸಂಪಾದಿಸಿರುವ ಆನಂದ್ ಫ್ಯಾಬಿಯಾನೊ ಕರೂನ ಜತೆ ಜಂಟಿ ಅಗ್ರಸ್ಥಾನದಲ್ಲಿ ಮುಂದುವರಿದಿದ್ದಾರೆ.
11ನೇ ಸುತ್ತಿನ ಪಂದ್ಯದಲ್ಲಿ ಭಾರತದ ಆನಂದ್ 70ನೇ ನಡೆಯಲ್ಲಿ ಕಾರ್ಜಾಕಿನ್‌ಗೆ ಸೋಲುಣಿಸಿದರು. ಈ ಹಿಂದಿನ ಸುತ್ತಿನಲ್ಲಿ ಅಮೆರಿಕದ ಫ್ಯಾಬಿಯಾನೊ ಕರೂನಾ ವಿರುದ್ಧ ಪರಾಭಗೊಂಡಿದ್ದ ಆನಂದ್ ಪ್ರಶಸ್ತಿ ಸುತ್ತಿನಲ್ಲಿ ಮುಂದುವರಿಯಬೇಕಾಗಿದ್ದರೆ ಈ ಪಂದ್ಯದಲ್ಲಿ ಗೆಲ್ಲಲೇಬೇಕಾದ ಅನಿವಾರ್ಯತೆ ಎದುರಿಸುತ್ತಿದ್ದರು. ಈ ಜಯದೊಂದಿಗೆ ಸ್ಥಳೀಯ ಆಟಗಾರರ ಆತ್ಮವಿಶ್ವಾಸಕ್ಕೂ ಪೆಟ್ಟು ನೀಡಿದರು. ದಿನದ ಮತ್ತೊಂದು ಪಂದ್ಯದಲ್ಲಿ ಅರ್ಮೇನಿಯಾದ ಲೆವೋನ್ ಆ್ಯರೋನಿಯನ್ ರಷ್ಯಾದ ಪೀಟರ್ ಸ್ವಿಡ್ಲರ್ ವಿರುದ್ಧ ಶರಣಾದರು. ಈ ಟೂರ್ನಿಯ ಇಬ್ಬರು ಫೈನಲ್ ಪ್ರವೇಶಿತರನ್ನು ವಿಶ್ವ ಚಾಂಪಿಯನ್ ನಾರ್ವೆಯ ಮ್ಯಾಗ್ನಸ್ ಕಾರ್ಲ್ಸ್‌ಸನ್ ವಿರುದ್ಧದ ಹೋರಾಟಕ್ಕೆ ಆಯ್ಕೆ ಮಾಡಲಾಗುತ್ತದೆ.
ಆನಂದ್ ಮತ್ತು ಕರೂನಾ ತಲಾ 6.5 ಅಂಕದೊಂದಿಗೆ ಜಂಟಿ ಅಗ್ರಸ್ಥಾನದ ಪಡೆದಿದ್ದಾರೆ. ಕಾರ್ಜಾಕಿನ್ 6 ಅಂಕದೊಂದಿಗೆ ಮೂರನೇ ಸ್ಥಾನದಲ್ಲಿದ್ದಾರೆ. ಹಾಲೆಂಡ್‌ನ ಅನಿಶ್ ಗಿರಿ, ಸ್ವಿಡ್ಲರ್ ಮತ್ತು ಆ್ಯರೋನಿಯನ್ ತಲಾ 5.5 ಅಂಕ ಸಂಪಾದಿಸಿದರೆ, ಅಮೆರಿಕದ ಹಿಕಾರು ನಕಮುರ 5.5 ಅಂಕ ಗಳಿಸಿದ್ದಾರೆ.
ಮಾಸ್ಕೊ: ಐದು ಬಾರಿಯ ವಿಶ್ವ ಚಾಂಪಿಯನ್ ವಿಶ್ವನಾಥನ್ ಆನಂದ್ ಇಲ್ಲಿ ನಡೆಯುತ್ತಿರುವ ಕ್ಯಾಂಡಿಡೇಟ್ಸ್ ಚೆಸ್ ಟೂರ್ನಿಯ 12ನೇ ಸುತ್ತಿನಲ್ಲಿ ಅಮೆರಿಕದ ಹಿಕಾರು ನಕಮುರ ವಿರುದ್ಧ ಮುಗ್ಗರಿಸಿದ್ದಾರೆ. ಆದಾಗ್ಯೂ ಜಂಟಿ ಅಗ್ರಸ್ಥಾನ ಕಾಯ್ದುಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ.