ಕಂಪೆನಿಯ ಅಧಿಕಾರಿಗಳಾದ ಅಮಿತ್ ಗೋಯಲ್ ಮತ್ತು ಅಶೋಕ್ ಛಡ್ಡಾ ವಿರುದ್ಧ ಐಪಿಸಿ ಸೆಕ್ಷನ್ 420 ಮತ್ತು ಐಟಿ ಕಾಯಿದೆ 66 ರಡಿ ಎಫ್‌ಐಆರ್ ದಾಖಲಾಗಿದ್ದು, ನೋಯ್ಡಾ ಪೊಲೀಸರು ತನಿಖೆ ಆರಂಭಿಸಿರುವುದಾಗಿ ಪೊಲೀಸ್ ಅಧೀಕ್ಷಕ ದಿನೇಶ್ ಯಾದವ್ ತಿಳಿಸಿದ್ದಾರೆ.
ಅತಿ ಅಗ್ಗ ದರದಲ್ಲಿ ಫ್ರೀಡಂ 251 ಸ್ಮಾರ್ಟ್‌ಪೋನ್ ನೀಡುವುದಾಗಿ ಕಂಪೆನಿ ಅಧಿಕಾರಿಗಳು ಸಾರ್ವಜನಿಕರಿಗೆ ಮೋಸ ಮಾಡುತ್ತಿದ್ದು, ತಪ್ಪು ದಾರಿಗೆಳೆಯುತ್ತಿದ್ದಾರೆ. ಜಾಹೀರಾತಿನಲ್ಲಿ ಮೇಕ್ ಇನ್ ಇಂಡಿಯಾದ ಪದಗಳ ಜತೆ ತ್ರಿವರ್ಣ ಬಳಸಿದ್ದಾರೆ. ಅವರ ವಿರುದ್ಧ ಕ್ರಮ ಕ್ರಿಮಿನಲ್ ಪ್ರಕರಣ ದಾಖಲಿಸಬೇಕು ಎಂದು ಸೋಮಯ್ಯ ದೂರಿನಲ್ಲಿ ತಿಳಿಸಿದ್ದರು.
ಬ್ಯೂರೊ ಆಫ್ ಇಂಡಿಯಾ ಸ್ಟಾಂಡರ್ಡ್ ಅನುಮತಿ ಇಲ್ಲದೆ ಈ ಮೊಬೈಲ್ ಜಾಹೀರಾತು ಮತ್ತು ಮಾಡಬಾರದು. ಇದಕ್ಕೆ ಜಾಹೀರಾತು ಮತ್ತು ಮಾರಾಟಕ್ಕೆ ಸೂಕ್ತ ಪರವಾನಗಿ ಲಭಿಸಿಲ್ಲ. ಆದರೆ ಪತ್ರಿಕೆಗಳು ಕೂಡ ತಪ್ಪು ಮಾರ್ಕೆಟಿಂಗ್‌ನಲ್ಲಿ ಭಾಗಿಯಾಗಿವೆ. ಇದೊಂದು ಬೋಗಸ್ ಸ್ಕೀಮ್ ಎಂದು ಸಂಸದರು ದೂರಿನಲ್ಲಿ ವಿವರಿಸಿದ್ದರು.
ಕಂಪೆನಿ ಉತ್ಪನ್ನದ ಪ್ರಚಾರಕ್ಕಾಗಿ ಅಗತ್ಯಅನುಮತಿ ಪಡೆಯದೆ ಸಾಮಾಜಿಕ ಮಾಧ್ಯಮಗಳನ್ನು ಕೂಡ ಬಳಸಿಕೊಂಡಿದೆ. ಕಂಪೆನಿ ಹೊಸದಾಗಿ ನೋಂದಣಿಯಾಗಿದ್ದು, ನಿರ್ದೇಶಕರ ನೋಂದಣಿ ಆಗಿಲ್ಲ. ಇಷ್ಟು ಅಗ್ಗದಲ್ಲಿ ಮೊಬೈಲ್ ನೀಡಲು ಸಾಧ್ಯವಿಲ್ಲ, ಇದೊಂದು ವಂಚನೆಯಾಗಿದ್ದು, ಜನರಿಂದ ಕೋಟಿಗಟ್ಟಲೆ ಹಣ ಸಂಗ್ರಹಿಸಿ ಪಲಾಯನ ಮಾಡುವ ಯೋಜನೆ ಎಂದು ದೂರಿನಲ್ಲಿ ವಿವರಿಸಲಾಗಿತ್ತು.
ನೋಯ್ಡಾ: ಅತಿ ಅಗ್ಗ ದರದಲ್ಲಿ ಫ್ರೀಡಂ 251 ಸ್ಮಾರ್ಟ್‌ಪೋನ್ ಮಾರಾಟದ ಜಾಹೀರಾತು ಮತ್ತು ಸಾರ್ವಜನಿಕರಿಂದ ಹಣ ಸಂಗ್ರಹಿಸುತ್ತಿದೆ ಎಂದು ಬಿಜೆಪಿ ಸಂಸದ ಸೋಮಯ್ಯಅವರು ನೀಡಿರುವ ದೂರಿನ ಹಿನ್ನೆಲೆಯಲ್ಲಿ ರಿಂಗಿಂಗ್ ಬೆಲ್ಸ್ ಕಂಪೆನಿ ವಿರುದ್ಧ ಪ್ರಕರಣ ದಾಖಲಾಗಿದೆ.