ಬೆಳೆ ಸಾಲ ಮನ್ನಾ ಮಾಡಲು ಆಗ್ರಹ

ಹುನಗುಂದ: ರಾಜ್ಯದಲ್ಲಿ 62 ತಾಲೂಕುಗಳನ್ನು ಬರಪೀಡಿತ ಪ್ರದೇಶವೆಂದು ಘೋಷಿಸಿರುವ ಸರಕಾರ, ಈ ಪ್ರದೇಶದ ರೈತರು ಪ್ರಾಥಮಿಕ ಕಷಿ ಪತ್ತಿನ ಸಹಕಾರಿ ಸಂಘಗಳಲ್ಲಿ ಪಡೆದಿರುವ ಬೆಳೆಸಾಲವನ್ನು ಭರಣ ಮಾಡಬೇಕು ಮತ್ತು ಸಾಲ ಮರುಪಾವತಿ ಮಾಡದಿರುವಂತೆ ಆದೇಶಿಸಲು ತಾಲೂಕು ಕಷಿಕ ಸಮಾಜದ ನಿರ್ದೇಶಕ ಕೃಷ್ಣಾ ಜಾಲಿಹಾಳ, ಇಬ್ರಾಹಿಂ ನಾಯಕ್ ಒತ್ತಾಯಿಸಿದ್ದಾರೆ. ಈ ಕುರಿತು ಪ್ರಕಟಣೆ ನೀಡಿರುವ ಅವರು, ಸಾಲ ಪಡೆದುಕೊಂಡಿರುವ ರೈತರಿಗೆ ಸಾಲ ತುಂಬಲು ಸಂಘಗಳು ನೋಟಿಸ್ ನೀಡಿವೆ. ಬರಗಾಲದಿಂದ ತತ್ತರಿಸಿರುವ ರೈತರು ಸಾಲ ತುಂಬಲು ಸಶಕ್ತರಾಗಿಲ್ಲ. ಇಂತಹ ವೇಳೆ ಒತ್ತಾಯದಿಂದ ವಸೂಲಿ ಮಾಡುವುದರಿಂದ ರೈತರು ಆತ್ಮಹತ್ಯೆಯಂತಹ ಕೃತ್ಯಗಳಿಗೆ ಮುಂದಾಗುವ ಸಂಭವವಿದೆ. ಸರಕಾರ ರೈತರ ಬೆಳೆಸಾಲವನ್ನು ಮನ್ನಾ ಮಾಡಬೇಕು ಎಂದು ಆಗ್ರಹಿಸಿದ್ದಾರೆ.