ಹೊಸದಿಲ್ಲಿ : ಮೋರ್ಗಾನ್ ಸ್ಟ್ಯಾನ್ಲಿ ಕಂಪನಿಯು ಫ್ಲಿಪ್‌ಕಾರ್ಟ್‌ನ ಷೇರುಗಳ ಮೌಲ್ಯವನ್ನು ಶೇ.27ರಷ್ಟು ಇಳಿಕೆ ಮಾಡಿದೆ.
ಈ ಬೆಳವಣಿಗೆಯು ಫ್ಲಿಪ್‌ಕಾರ್ಟ್ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರುವ ಸಾಧ್ಯತೆಗಳಿವೆ. ಭಾರತದ ದೊಡ್ಡ ಇ-ಕಾಮರ್ಸ್ ಕಂಪನಿ ಎಂದು ಫ್ಲಿಪ್‌ಕಾರ್ಟ್ ಮೇಲೆ ಜಾಗತಿಕ ಹೂಡಿಕೆದಾರರು ವಿಶ್ವಾಸ ಇಟ್ಟಿದ್ದು, ಕಂಪನಿಯ ವಾಸ್ತವ ಮೌಲ್ಯವನ್ನು ಮೋರ್ಗಾನ್ ಮೌಲ್ಯಮಾಪನ ಮಾಡಿದೆ.
ಈ ಮೊದಲು ಫ್ಲಿಪ್‌ಕಾರ್ಟ್ 1.04 ಲಕ್ಷ ಕೋಟಿ ರೂ. ಮೌಲ್ಯ ಹೊಂದಿದೆ ಎನ್ನಲಾಗಿತ್ತು. ಅದರಲ್ಲಿ ಶೇ.27ರಷ್ಟು ಇಳಿಕೆಯಾದರೆ, ಒಟ್ಟು ಮೌಲ್ಯ 75,603 ಕೋಟಿ ರೂ.ಗಳಿಗೆ ತಲುಪಿದಂತಾಗಿದೆ.
ಹೂಡಿಕೆದಾರರ ಜತೆ ಮಾತುಕತೆ ನಡೆಸಿ ಹೆಚ್ಚಿನ ಬಂಡವಾಳವನ್ನು ಫ್ಲಿಪ್‌ಕಾರ್ಟ್ ಕ್ರೋಡೀಕರಿಸುತ್ತಿದ್ದು, ಈ ಹೊತ್ತಿನಲ್ಲೆ ಮೋರ್ಗಾನ್ ಸ್ಟ್ಯಾನ್ಲಿ ಲೆಕ್ಕಾಚಾರ ಪ್ರಕಟವಾಗಿದೆ.
↧
ಫ್ಲಿಪ್‌ಕಾರ್ಟ್ ಷೇರುಗಳ ಮೌಲ್ಯ ಇಳಿಸಿದ ಮೋರ್ಗಾನ್
↧