ಕ್ರಿಕೆಟ್ ಜಗತ್ತು ಕಂಡ ಸಾರ್ವಕಾಲಿಕ ಶ್ರೇಷ್ಠ ಲೆಗ್ ಸ್ಪಿನ್ನರ್ ಎಂದು ಖ್ಯಾತಿ ಪಡೆದಿರುವ ಶೇನ್ ವಾರ್ನ್ ಖಾಸಗಿ ವಾಹಿನಿಯೊಂದರ 'ಐ'ಞ ಅ ಇಛ್ಝಿಛಿಚ್ಟಿಜಿಠಿ... ಎಛಿಠಿ ಛಿ ಣ್ಠಠಿ ಣ್ಛ ಏಛ್ಟಿಛಿ!' ಎಂಬ ರಿಯಾಲಿಟಿ ಶೋನಲ್ಲಿ ಭಾಗವಹಿಸುತ್ತಿದ್ದಾರೆ. ಈ ವೇಳೆ ಹಾವುಗಳಿಂದ ತುಂಬಿದ್ದ ಪೆಟ್ಟಿಗೆಯೊಂದರ ಒಳಗೆ ತಲೆಯನ್ನು ತೂರಿಸುವ ಸವಾಲನ್ನು ನೀಡಲಾಗಿತ್ತು. ಈ ವೇಳೆ ಅನಕೊಂಡಾ ಒಂದು ವಾರ್ನ್ ತಲೆಗೆ ಕಚ್ಚಿದೆ ಎಂದು ತಿಳಿದು ಬಂದಿದೆ.
ಇದಕ್ಕೂ ಮೊದಲು ವಾರ್ನ್ ಆಫ್ರಿಕಾದ ಕಪ್ಪೆಗಳು, ಚೇಳುಗಳು, ಜಿರಳೆ ಹಾಗೂ ಇಲಿಗಳನ್ನಿಡಲಾಗಿದ್ದ ಪೆಟ್ಟಿಗೆಯೊಳಗೆ ಯಶಸ್ವಿಯಾಗಿ ತಲೆಯನ್ನು ತೂರಿಸಿ ಸವಾಲು (ಟಾಸ್ಕ್) ಪೂರ್ತಿಗೊಳಿಸಿದ್ದರು. ಆದರೆ ಹಾವುಗಳ ಟಾಸ್ಕ್‌ನಲ್ಲಿ ವಾರ್ನ್ ಅವರಿಗೆ ಅಚ್ಚರಿ ಎದುರಾಯಿತು.
ಆದರೆ ರಿಯಾಲಿಟಿ ಶೋನಲ್ಲಿ ಬಳಸಿರುವ ಹಾವುಗಳು ವಿಷಪೂರಿತವಲ್ಲದ ಕಾರಣ, ವಾರ್ನ್ ಅವರಿಗೆ ಯಾವುದೇ ಅಪಾಯಗಳಾಗಿಲ್ಲ. ಹಾವುಗಳೆಂದರೆ ಭಯ ಪಡುವ ವಾರ್ನ್, ಆದರೆ ಹಾವಿನ ಕಡಿತಕ್ಕೊಳಗಾದ ಸಂದರ್ಭದಲ್ಲಿ ತೀವ್ರ ಭಯಭೀತರಾಗಿದ್ದರೂ, ಟಾಸ್ಕ್ ಪೂರ್ತಿಗೊಳಿಸಿದರು. ಬಳಿಕ ಅವರಿಗೆ ಚಿಕಿತ್ಸೆ ನೀಡಲಾಯಿತು ಎಂದು ರಿಯಾಲಿಟಿ ಶೋನ ಕಾರ್ಯಕಾರಿ ನಿರ್ಮಾಪಕ ಸ್ಟೀಫನ್ ಟೇಟ್ ತಿಳಿಸಿದ್ದಾರೆ.
ಸಿಡ್ನಿ: ಆಸ್ಟ್ರೇಲಿಯಾದ ಮಾಜಿ ಸ್ಪಿನ್ ಮಾಂತ್ರಿಕ ಶೇನ್ ವಾರ್ನ್ ಮತ್ತೆ ಸುದ್ದಿಯಲ್ಲಿದ್ದು, ರಿಯಾಲಿಟಿ ಶೋ ಒಂದರಲ್ಲಿ ವಾರ್ನ್ ಅವರ ತಲೆಗೆ ಅನಕೊಂಡಾ ಹಾವು ಕಚ್ಚಿರುವುದಾಗಿ ವರದಿಯಾಗಿದೆ.
