ಕಚ್ಚಾ ತೈಲ ದರ ಮಾರುಕಟ್ಟೆಯಲ್ಲಿ ಚೇತರಿಕೆ ಮತ್ತು ಯುರೊ ವಲಯದಲ್ಲಿನ ಹೊಸ ಭರವಸೆಗಳು ದೇಶೀಯ ಮಾರುಕಟ್ಟೆ ಮೇಲೆ ಪ್ರಭಾವ ಬೀರಿವೆ. 20 ತಿಂಗಳ ಗರಿಷ್ಠ ಮಟ್ಟಕ್ಕೆ ಇಳಿದಿದ್ದ ಸೆನ್ಸೆಕ್ಸ್ ಏರಿಕೆ ಕಂಡಿದೆ. ರಾಷ್ಟ್ರೀಯ ಷೇರುಪೇಟೆ ಸೂಚ್ಯಂಕ ನಿಫ್ಟಿ 145.65 ಅಂಕ ಜಿಗಿದು 7433.40ಕ್ಕೆ ಸ್ಥಿರವಾಯಿತು.
ಯುರೋಪಿಯನ್ ಸೆಂಟ್ರಲ್ ಬ್ಯಾಂಕ್(ಇಸಿಬಿ) ಆರ್ಥಿಕ ಉತ್ತೇಜನ ನೀಡುವ ಇಂಗಿತ ವ್ಯಕ್ತಪಡಿಸಿದೆ. ಇದರಿಂದಾಗಿ ಏಷ್ಯಾ, ಜಪಾನ್, ಹಾಂಕಾಂಗ್, ಯುರೋಪಿಯನ್ ಮಾರುಕಟ್ಟೆಯಲ್ಲಿ ಚೇತರಿಕೆ ಕಂಡು ಬಂದಿದೆ. ಜಪಾನ್‌ನ ನಿಕ್ಕೈ ಶೇ. 5.88, ಹಾಂಕಾಂಗ್ ಷೇರುಪೇಟೆ ಸೂಚ್ಯಂಕವು ಶೇ.2.9 ಏರಿಕೆಯಾಗಿದೆ.
ಐಡಿಯಾ ಸೆಲ್ಯುಲರ್‌ನ ನಿವ್ವಳ ಲಾಭದಲ್ಲಿ ಇಳಿಕೆಯಾಗಿದ್ದು, ಈ ಕಂಪನಿಯ ಷೇರುಗಳ ಮೌಲ್ಯ ಶೇ.6ರಷ್ಟು ಇಳಿಕೆಯಾಗಿದೆ. ಮಹೀಂದ್ರಾ ಅ್ಯಂಡ್ ಮಹೀಂದ್ರಾ ಷೇರುಗಳಲ್ಲಿ ಶೇ.4.50ರಷ್ಟು ಏರಿಕೆ ಕಂಡು ಬಂದಿದೆ.
ಮುಂಬಯಿ: ಕಳೆದ ಎರಡು ದಿನಗಳಿಂದ ಪಾತಾಳಕ್ಕೆ ಬಿದ್ದಿದ್ದ ಮುಂಬಯಿ ಷೇರುಪೇಟೆ ಸೂಚ್ಯಂಕವು ಶುಕ್ರವಾರ ಚೇತರಿಕೆ ಕಂಡಿದೆ. ಒಂದೇ ದಿನದಲ್ಲಿ 473 ಅಂಕ ಏರಿಕೆ ಕಂಡಿದ್ದು, 24,435.66ಕ್ಕೆ ವಹಿವಾಟು ಸ್ಥಿರವಾಯಿತು. ಕಳೆದ ಅಕ್ಟೋಬರ್‌ನಿಂದ ಈಚೆಗಿನ ಗರಿಷ್ಠ ಮಟ್ಟದ ಹೆಚ್ಚಳ ಇದಾಗಿದೆ.