ಎನ್‌ಡಿಎ ಸರಕಾರ ಜನ್ನ್ ಮತ್ತು ಕೊರಿಯಾ ಸೇರಿದಂತೆ 14 ದೇಶಗಳ ಜತೆಗೆ ಸಂಶೋಧನೆ ಮತ್ತು ಅಭಿವೃದ್ಧಿಗೆ ಸಂಬಂಧಿಸಿ ಒಪ್ಪಂದಗಳನ್ನು ಮಾಡಿಕೊಂಡಿದೆ ಎಂದು ಜಮ್ಮು ರೈಲ್ವೆ ನಿಲ್ದಾಣದಲ್ಲಿ ಕಾರ್ಯಕ್ರಮವೊಂದರಲ್ಲಿ ಪ್ರಭು ಹೇಳಿದರು.
''ಮುಂಬರುವ ವರ್ಷಗಳಲ್ಲಿ ರೈಲ್ವೆಯು ಜಿಡಿಪಿಗೆ ಶೇ.2.5ರಷ್ಟು ಕೊಡುಗೆ ಸಲ್ಲಿಸಲಿದೆ'' ಎಂದು ಅವರು ತಿಳಿಸಿದರು.
ಜಗತ್ತು ಇದೀಗ ಭಾರತದಲ್ಲಿ ಹೂಡಿಕೆಗೆ ಬಯಸುತ್ತಿದೆ. ದೇಶದ ಮೂಲ ಸೌಕರ್ಯ ಅಭಿವೃದ್ಧಿ ಮಾತ್ರವಲ್ಲದೆ ಬಡತನದ ನಿರ್ಮೂಲನೆಗೆ ಭಾರತಕ್ಕೂ ವಿದೇಶಿ ಹೂಡಿಕೆಯ ಅಗತ್ಯವಿದೆ. ಚೀನಾದಲ್ಲಿ ವಿದೇಶಿ ಹೂಡಿಕೆಯ ಪರಿಣಾಮ ಬಡತನ ನಿರ್ಮೂಲನೆಗೆ ಸಹಕಾರಿಯಾಗಿದೆ ಎಂದು ಅವರು ಹೇಳಿದರು.
''ನರೇಂದ್ರ ಮೋದಿಯವರು ಪ್ರಧಾನಿಯಾಗಿ ಅಧಿಕಾರ ವಹಿಸಿದ ನಂತರ ಭಾರತ ಅಭಿವೃದ್ಧಿಯ ಬೆಳವಣಿಗೆಯಲ್ಲಿ ಚೀನಾವನ್ನು ಹಿಂದಿಕ್ಕಿದೆ. ಚೀನಾಕ್ಕೆ ಹೋಲಿಸಿದರೆ ಭಾರತದಲ್ಲಿ ವಿದೇಶಿ ನೇರ ಬಂಡವಾಳ ಹೂಡಿಕೆ (ಎಫ್‌ಡಿಐ ) ವೃದ್ಧಿಸಿದೆ'' ಎಂದರು.
ಜಮ್ಮು: ರೈಲ್ವೆಯಲ್ಲಿ ಸಂಶೋಧನೆ ಮತ್ತು ಅಭಿವೃದ್ಧಿ ಚಟುವಟಿಕೆಗಳಿಗೆ ಸರಕಾರ ಆದ್ಯತೆ ನೀಡಲಿದ್ದು, ಇದರಿಂದಾಗಿ ರೈಲ್ವೆಯು ಜಿಡಿಪಿ ಅಭಿವೃದ್ಧಿಗೆ ಸಹಕರಿಸಲಿದೆ ಎಂದು ರೈಲ್ವೆ ಸಚಿವ ಸುರೇಶ್ ಪ್ರಭು ಶನಿವಾರ ತಿಳಿಸಿದ್ದಾರೆ.