ಮೊಹ್ಮದ್ ಮೇಲೆ ಅಸ್ವಾಭಾವಿಕ ಲೈಂಗಿಕ ಕ್ರಿಯೆಗೆ ಒತ್ತಾಯಿಸಿರುವ ಆರೋಪವೂ ಇದೆ. 2016ರಲ್ಲಿ ಮದುವೆಯಾದ ಈತ ಉನ್ನತ ವ್ಯಾಸಂಗಕ್ಕಾಗಿ ಆಸ್ಟ್ರೇಲಿಯಾಕ್ಕೆ ಹೋಗಿದ್ದ. ಆದರೆ ವಿದೇಶಕ್ಕೆ ಹೋದ ಮೇಲೆ ತನ್ನ ಹೆಂಡತಿಯ ಬಳಿ ಬೆತ್ತಲೆಯಾಗಿ ವೀಡಿಯೋ ಚಾಟ್‌ ಮಾಡಲು ಹಾಗೂ ಆಕೆಯ ಬೆತ್ತಲೆ ಫೋಟೊಗಳನ್ನು ಕಳುಹಿಸಲು ಒತ್ತಾಯಿಸುತ್ತಿದ್ದ. ಆತನ ಒತ್ತಾಯಕ್ಕೆ ಮಣಿದ ಹೆಂಡತಿ ಆತ ಹೇಳಿದಂತೆ ಕೇಳುತ್ತಿದ್ದಳು. ಆತ ಆ ಫೋಟೊಗಳನ್ನು ಗೆಳೆಯರಿಗೆ ತೋರಿಸುತ್ತಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ.
ಫೆ. 13ಕ್ಕೆ ವಿದೇಶದಿಂದ ಮರಳಿದ್ದ ಮೊಹ್ಮದ್ ಹೆಂಡತಿಗೆ ಅಸ್ವಾಭಾವಿಕ ಲೈಂಗಿಕ ಕ್ರಿಯೆಗೆ ಒತ್ತಾಯಿಸಿದ್ದ. ಅದಾದ ಸ್ವಲ್ಪ ದಿನಗಳ ಬಳಿಕ ತನ್ನ ಗೆಳಯ ಚಾಂದ್‌ನೊಂದಿಗೆ ಹಫೀಜ್ ಬಾಬಾ ನಗರದಲ್ಲಿರುವ ತನ್ನ ಮನೆಗೆ ಬಂದಿದ್ದ. ಈ ಸಂದರ್ಭದಲ್ಲಿ ಹೆಂಡತಿಗೆ ನಿದ್ದೆ ಮಾತ್ರೆ ನೀಡಿ ಆಕೆ ನಿದ್ದೆಗೆ ಜಾರಿದಾಗ ಆಕೆಯೊಂದಿಗೆ ಲೈಂಗಿಕ ಕ್ರಿಯೆಯಲ್ಲಿ ತೊಡಗಲು ಗೆಳೆಯನಿಗೆ ಸಹಕರಿಸಿದ್ದಾನೆ.
ಆಕೆಗೆ ಮಾರನೆಯ ದಿನ ಬೆಳಗ್ಗೆ ಹಿಂದಿನ ರಾತ್ರಿಯ ಘಟನೆಯ ಅರಿವಾಗಿದ್ದು, ಇದೀಗ ಸಂತ್ರಸ್ತೆ ಕಾಂಚನಾಬಾಘ್ ಪೊಲೀಸ್‌ ಠಾಣೆಯಲ್ಲಿ 4 ಪುಟಗಳ ದೂರು ದಾಖಲಿಸಿದ್ದು, ಪೊಲೀಸರು ಸಲೀಮ್‌ನನ್ನು ಬಂಧಿಸಿದ್ದಾರೆ.
ಹೈದರಾಬಾದ್‌: ತನ್ನ ಹೆಂಡತಿಯ ಮೇಲೆಯೇ ಅತ್ಯಾಚಾರ ನಡೆಸಲು ಗೆಳೆಯನಿಗೆ ಸಹಾಯ ಮಾಡಿದ ಆರೋಪದಡಿಯಲ್ಲಿ ಆಸ್ಟ್ರೇಲಿಯಾದ ಅನಿವಾಸಿ ಭಾರತೀಯ ಮೊಹ್ಮದ್ ಸಲೀಮುದ್ದೀನ್ ಹಾಗೂ ಆತನ ತಾಯಿಯನ್ನು ಬಂಧಿಸಲಾಗಿದೆ.