ಹೊಸದಿಲ್ಲಿ: ಪ್ರತಿಷ್ಠಿತ ಆಲ್ ಇಂಗ್ಲೆಂಡ್ ಓಪನ್ ಬ್ಯಾಡ್ಮಿಂಟನ್ ಚಾಂಪಿಯನ್‌ಶಿಪ್‌ನಲ್ಲಿ ಭಾರತದ ಪ್ರಶಸ್ತಿ ನಿರೀಕ್ಷೆಯಾಗಿದ್ದ ಪಿವಿ ಸಿಂಧೂ ಹಾಗೂ ಸೈನಾ ನೆಹ್ವಾಲ್ ಸೋಲಿನ ಆಘಾತ ಎದುರಿಸಿದ್ದಾರೆ.
ಮಹಿಳಾ ಸಿಂಗಲ್ಸ್ ಕ್ವಾರ್ಟರ್ ಫೈನಲ್ ಹೋರಾಟದಲ್ಲಿ ಚೈನೀಸ್ ತೈಪೆಯ ತೈ ತ್ಸು ಯಿಂಗ್ ವಿರುದ್ಧ ಪಿವಿ ಸಿಂಧೂ ಮುಗ್ಗರಿಸಿದರೆ ಕೊರಿಯಾದ ಸುಂಗ್ ಜಿ ಹ್ಯುನ್ ವಿರುದ್ಧ ಸೈನಾ ನೆಹ್ವಾಲ್ ಸೋಲೊಪ್ಪಿಕೊಂಡರು.
ರಿಯೋ ಒಲಿಂಪಿಕ್ ಬೆಳ್ಳಿ ಪದಕ ವಿಜೇತೆ ಸಿಂಧೂ, ವಿಶ್ವದ ನಂ.1 ಆಟಗಾರ್ತಿ ಯಿಂಗ್ ವಿರುದ್ಧ 34 ನಿಮಿಷಗಳ ಹೋರಾಟದಲ್ಲಿ 14-21, 10-21 ರ ನೇರ ಅಂತರದ ಸೋಲಿಗೆ ಒಳಗಾದರು. ಅತ್ತ ವಿಶ್ವ ನಂ.3 ಆಟಗಾರ್ತಿ ಹ್ಯುನ್ ವಿರುದ್ಧ ಕಠಿಣ ಪೈಪೋಟಿ ನೀಡಿದ ಸೈನಾ 53 ನಿಮಿಷಗಳ ಹೋರಾಟದಲ್ಲಿ 20-22, 20-22ರ ಅಂತರದಲ್ಲಿ ಶರಣಾದರು.
ನಿಮ್ಮ ಮಾಹಿತಿಗಾಗಿ, ವಿಶ್ವ ಮಹಿಳಾ ಬ್ಯಾಡ್ಮಿಂಟನ್ ರ‍್ಯಾಂಕಿಂಗ್‌ನಲ್ಲಿ ಪಿವಿ ಸಿಂಧೂ ಹಾಗೂ ಸೈನಾ ನೆಹ್ವಾಲ್ ಅನುಕ್ರಮವಾಗಿ ಆರು ಹಾಗೂ 10ನೇ ಸ್ಥಾನದಲ್ಲಿದ್ದಾರೆ.
↧
ಪಿವಿ ಸಿಂಧೂ, ಸೈನಾ ನೆಹ್ವಾಲ್‌ಗೆ ಸೋಲಿನ ಆಘಾತ
↧