ದಿನ ಭವಿಷ್ಯ 10.3.2017

ಮೇಷ:- ವೃತ್ತಿಯಲ್ಲಿ ಸದಾ ಯಶಸ್ಸು ಸಿಗಲಿದೆ. ನವ ದಂಪತಿಗಳು ಹಿರಿಯರ ಅಶೀರ್ವಾದ ಪಡೆಯಿರಿ. ಸಮಸ್ಯೆಗಳ ಬಗ್ಗೆ ಈ ದಿನ ಚರ್ಚಿಸುವುದು ಸೂಕ್ತವಲ್ಲ. ಚರ-ಸ್ಥಿರ ಆಸ್ತಿ ಕೊಳ್ಳಲು ಇಂದು ಸರಿಯಾದ ಸಮಯ. ಇಡೀ ದಿನ ಉಲ್ಲಾಸದಿಂದ ಇರುವಿರಿ.

ವೃಷಭ:- ಕೆಲಸ ಕಾರ್ಯಗಳಲ್ಲಿ ಧೈರ್ಯದಿಂದ ಮುನ್ನುಗ್ಗಿರಿ. ಚಿಂತಕರಿಗೆ ಸಮಾಜದಲ್ಲಿ ವಿಶೇಷ ಗೌರವ-ಮಾನ್ಯತೆ ದೊರೆಯಲಿದೆ. ಮಗನ ಮನಸ್ಸಿನ ಬಯಕೆ ಈಡೇರುವುದು. ಮಾನಸಿಕ ತಳಮಳಗಳನ್ನು ಸ್ನೇಹಿತರಲ್ಲಿ ಹಂಚಿಕೊಂಡು ಹಗುರವಾಗಿರಿ.

ಮಿಥುನ:- ವ್ಯಾಪಾರ, ವ್ಯವಹಾರದಲ್ಲಿ ನಿರೀಕ್ಷಿತ ಗೆಲುವು ದೊರೆಯುವುದು. ವಿವಿಧ ಮೂಲಗಳಿಂದ ಹಣಕಾಸು ಒದಗಿ ಬರುವುದು. ಆದರೆ ಸ್ಥಿರಾಸ್ಥಿ ಕೊಳ್ಳಲು ಅಡೆ-ತಡೆಯುಂಟಾಗುವುದು. ಆರೋಗ್ಯ ಉತ್ತಮವಿರುವುದು.

ಕಟಕ:- ನಿಮ್ಮ ಪರಿಶ್ರಮಕ್ಕೆ ತಕ್ಕ ಪ್ರತಿಫಲ ದೊರೆಯುವುದು. ಕಚೇರಿಯಲ್ಲಿ ಸಹೋದ್ಯೋಗಿಗಳಿಂದ ಸಂಪೂರ್ಣ ಸಹಕಾರ ಸಿಗಲಿದೆ. ದೇಹಾಲಸ್ಯ ಕೊಡವಿಕೊಂಡು ಎದ್ದು ನಿಲ್ಲುವಿರಿ. ಕೆಲವರಿಗೆ ನಿವೃತ್ತಿ ನಂತರದ ಜೀವನದ ಬಗ್ಗೆ ಚಿಂತೆ ಆಗುವುದು.

ಸಿಂಹ:- ಹೊರಗಿನ ಪ್ರಪಂಚವನ್ನಷ್ಟೆ ನೋಡುವ ನಿಮಗೆ ಕೌಟುಂಬಿಕ ಸಮಸ್ಯೆಗಳ ಬಗ್ಗೆ ಕೊಂಚ ಅರಿವಿರಲಿ. ಮನಸ್ಸಿನ ಮೇಲೆ ಹತೋಟಿಯಿರಲಿ. ಅನಿರೀಕ್ಷಿತ ಪ್ರಯಾಣ ನಿಮ್ಮನ್ನು ಆಯಾಸಗೊಳಿಸುವ ಸಾಧ್ಯತೆ ಇರುವುದು.

ಕನ್ಯಾ:- ಆರೋಗ್ಯದಲ್ಲಿ ಸುಧಾರಣೆ ಕಂಡುಬರುವುದರಿಂದ ಮಾನಸಿಕ ನೆಮ್ಮದಿ ಸಿಗಲಿದೆ. ಮನೆಯಿಂದ ದೂರವಿದ್ದು ವಾಸಿಸುವ ಯೋಗ ಸಿಗುವುದು. ಹೆಚ್ಚಿನ ಜವಾಬ್ದಾರಿ ಕೆಲಸವು ನಿಮ್ಮಲ್ಲಿ ಹೆಚ್ಚಿನ ಶಿಸ್ತನ್ನು ಮೂಡಿಸುವುದು. ಕಾಲಕಾಲಕ್ಕೆ ವಿಶ್ರಾಂತಿ ಪಡೆಯಿರಿ.

ತುಲಾ:- ನೀವು ತೆಗೆದುಕೊಳ್ಳುವ ನಿರ್ಧಾರ ಸಮಯೋಚಿತವಾಗಿರಲಿ. ಕೈಗಾರಿಕೋದ್ಯಮಿಗಳಿಗೆ ನೌಕರರ ಸಮಸ್ಯೆ ಕಾಡುವುದು. ಯಂತ್ರ ಹಾಗೂ ವಿದ್ಯುತ್‌ ಉಪಕರಣಗಳಿಂದ ಆದಷ್ಟು ದೂರವಿರಿ. ತಲೆ ನೋವು ಈ ದಿನ ಕಾಡುವುದು. ಸೂಕ್ತ ಚಿಕಿತ್ಸೆ ಪಡೆಯಿರಿ.

ವೃಶ್ಚಿಕ:- ಅವಿವಾಹಿತ ಮಗನಿಗೆ ಉತ್ತಮ ಸಂಬಂಧ ಕೂಡಿ ಬರಲಿದೆ. ಅನಿರೀಕ್ಷಿತ ಧನಾಗಮನ ನಿಮ್ಮನ್ನು ಆಶ್ಚರ್ಯ ಪಡಿಸಲಿದೆ. ಕೌಟುಂಬಿಕವಾಗಿ ನೆಮ್ಮದಿಯ ದಿನವಿದು. ಸ್ನೇಹಿತರ ಆಗಮನದಿಂದ ನಿಮ್ಮ ಸಮಸ್ಯೆಗೆ ಪರಿಹಾರ ಸಿಗಲಿದೆ.

ಧನಸ್ಸು:- ಮನೆಯಲ್ಲಿದ್ದ ಅಹಿತಕರ ವಾತಾವರಣ ದೂರವಾಗಲಿದೆ. ವಸ್ತ್ರ ವ್ಯಾಪಾರ ಜೋರಿರುವುದು. ತಾಳ್ಮೆ ಕಳೆದುಕೊಳ್ಳದಂತೆ ನೋಡಿಕೊಳ್ಳಿ. ಮಹಿಳಾ ಉದ್ಯೋಗಿಗಳಿಗೆ ಬಡ್ತಿ ದೊರೆಯುವುದು. ಹಣಕಾಸಿನ ಪರಿಸ್ಥಿತಿ ಉತ್ತಮವಾಗಿರುವುದು.

ಮಕರ:- ನೀವು ವಹಿಸಲಿರುವ ತಾಳ್ಮೆ ನಾಳಿನ ಕನಸನ್ನು ನನಸು ಮಾಡುವುದು. ಮನೋಬಲ ಹೆಚ್ಚಿಸಿಕೊಳ್ಳುವಿರಿ. ಮನೆಯಲ್ಲಿ ಹಿರಿಯರ ಆರೋಗ್ಯದ ಬಗ್ಗೆ ಎಚ್ಚರವಿರಲಿ. ಆದಾಯದ ಮೂಲಗಳು ಹೆಚ್ಚಾಗುವುದರಿಂದ ಚಿಂತೆ ಬೇಡ.

ಕುಂಭ:- ಗೃಹ ನಿರ್ಮಾಣ ಅಥವಾ ಅದಕ್ಕೆ ಸಂಬಂಧಪಟ್ಟ ವ್ಯಾಪಾರ, ವ್ಯವಹಾರಗಳಿಂದ ಅಧಿಕ ಲಾಭಾಂಶ ಕಂಡುಬರುವುದು. ಬರಬೇಕಿದ್ದ ಬಾಕಿ ಹಣಕಾಸು ಒದಗಿ ಬರುವುದರಿಂದ ಮುಂದಿನ ಕೆಲಸಗಳಿಗೆ ಅನುಕೂಲವಾಗುವುದು.

ಮೀನ:- ಪ್ರೇಮಿಗಳು ವಿವಾಹ ಬಂಧನಕ್ಕೆ ಸಿಲುಕುವ ಮುನ್ನ ಮತ್ತೊಮ್ಮೆ ಯೋಚಿಸುವುದು ಒಳ್ಳೆಯದು. ಹಿರಿಯರ ಅಪ್ಪಣೆ ಪಡೆಯುವುದು ಅನಿವಾರ್ಯ. ಹಿರಿಯ ಮಿತ್ರರ ಸಲಹೆ ಸಕಾಲಕ್ಕೆ ದೊರೆಯಲಿದೆ.