ಕೇರಳದ ಮಮಂಕಮ್ ಎಂಬ ನೃತ್ಯ ಶಾಲೆ 'ಎಲ್ಲರಮ್ ಆಡನು' (ಎಲ್ಲರೂ ನೃತ್ಯ ಮಾಡೋಣ) ಎಂಬ ನೃತ್ಯ ಕಾರ್ಯಕ್ರಮದ ಮೂಲಕ ಅಸಹಿಷ್ಣುತೆ ಹಾಗೂ ನಿರಂಕುಶಧಿಕಾರದ ವಿರುದ್ಧ ಪ್ರತಿಭಟಿಸುತ್ತಿದ್ದಾರೆ.
ಮಲಯಾಳಂ ಚಿತ್ರ ನಿರ್ದೇಶಕ ಆಶಿಕ್ ಅಬು ಮತ್ತು ಅವರ ಪತ್ನಿ, ನಟಿ, ನೃತ್ಯಗಾತಿ ರಿಮಾ ಕಲ್ಲಿಂಗಲ್ ಈ ನೃತ್ಯ ಶಾಲೆಯ ಮಾಲೀಕರಾಗಿದ್ದು, ರೀಮಾ ಅವರೇ ನೃತ್ಯವನ್ನು ನಿರ್ದೇಶಿಸಿದ್ದಾರೆ.
ಯು ಟ್ಯೂಬನಲ್ಲಿದೆ ಸ್ಟೆಪ್ಸ್:
ಈಗಾಗಲೇ ಯು ಟ್ಯೂಬ್‌ನಲ್ಲಿ ನೃತ್ಯದ ಸ್ಟೆಪ್‌ಗಳನ್ನು ಬಿಡುಗಡೆ ಮಾಡಿದ್ದು, ಪ್ರತಿಭಟನೆಯಲ್ಲಿ ಪಾಲ್ಗೊಳ್ಳಲು ಇಚ್ಛಿಸುವವರು, ನೃತ್ಯ ಕಲಿತು ಪ್ರತಿಭಟನೆಯಲ್ಲಿ ಪಾಲ್ಗೊಳ್ಳಬಹುದು.
ಪ್ರತಿಭಟನೆಯ ಹಿನ್ನೆಲೆಯಲ್ಲಿ ಇಂದೇ ವಿಚಾರಣ ಸಂಕಿರಣ ನಡೆಯುತ್ತಿದ್ದು, ಸಾಮಾಜಿಕ ಕಾರ್ಯಕರ್ತರು, ಬುಡಕಟ್ಟು ನಾಯಕರು, ಗಣ್ಯರು, ಯುವಕರು, ಡಿ.20ರಂದು, ಎರ್ನಾಕುಲಂನ ಟೌನ್‌ಹಾಲ್‌ನಲ್ಲಿ ನಡೆಯುವ ಈ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳುವ ನಿರೀಕ್ಷೆಯಿದೆ.
ಕಿಸ್ ಆಫ್ ಲವ್ ಪ್ರತಿಭಟನಾಗಾರರೂ ಈ ವಿನೂತನ ಪ್ರತಿಭಟನೆಯಲ್ಲಿ ಪಾಲ್ಗೊಳ್ಳುವ ನಿರೀಕ್ಷೆಯಿದೆ. ಇದರ ರೂವಾರಿಗಳು ಆನ್‌ಲೈನ್ ಸೆಕ್ಸ್ ದಂಧೆಯಲ್ಲಿ ಸಿಕ್ಕಿ ಹಾಕಿಕೊಂಡಿದ್ದರಿಂದ, ಈ ಪ್ರತಿಭಟನೆಯೂ ಅದರ ಮುಂದುವರಿದ ಭಾಗವೇ ಎಂಬ ಶಂಕೆಯಿಂದ ಪೊಲೀಸರು ಕಾರ್ಯಕ್ರಮದ ಮೇಲೆ ಹದ್ದಿನ ಕಣ್ಣಿರಿಸಿದ್ದಾರೆ.
ಪ್ರತಿಭಟನೆ ಹಮ್ಮಿಕೊಂಡಿರುವ ರೀಮಾ ಹಾಗೂ ಆಶಿಕ್ ವಿವಿಧ ಸಾಮಾಜಿಕ ಕಾರ್ಯಕ್ರಮಗಳಿಂದ ಪ್ರಖ್ಯಾತರಾಗಿದ್ದು, ಅನೇಕರಿಗೆ ಮಾದರಿಯಾಗಿದ್ದಾರೆ. ಸಿನಿಮಾ ಗಣ್ಯರೂ ಈ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳುವ ನಿರೀಕ್ಷೆಯಿದೆ.
ತಿರುವನಂತಪುರಂ: ಅಸಹಿಷ್ಣುತೆ ವಿರುದ್ಧ ಬುಗಿಲೆದ್ದಿದ್ದ ಗಲಾಟೆ ಬಿಹಾರ ಚುನಾವಣೆ ನಂತರ ತಣ್ಣಗಾಗಿದೆ. ಪ್ರಶಸ್ತಿ ಹಿಂದಿರಿಗಿಸುವ ಮೂಲಕ ಪ್ರತಿಭಟಿಸುತ್ತಿದ್ದ ವಿಜ್ಞಾನಿಗಳು, ಸಾಹಿತಿಗಳು ಹಾಗೂ ಕಲಾವಿದರು ಸುಮ್ಮನಾಗಿದ್ದಾರೆ. ಆದರೂ, ಈ ಕೂಗಿಗೆ ಅಲ್ಲಲ್ಲಿ ಮೌನವಾಗಿಯೇ ವಿರೋಧ ವ್ಯಕ್ತವಾಗುತ್ತಿದ್ದು, ನೃತ್ಯದ ಮೂಲಕವೂ ಧ್ವನಿ ಎತ್ತಲಾಗುತ್ತಿದೆ.